فلل ثم شقق ثم غرف ثم خيام ثم لاشيء

والله انكم الى الآن بنعمه يا أهل الرياض
سمعت ان الاراضي عندكم ب 300 الى 800 الف
الحقو ع الاراضي قبل توصل للملاين مثل اللعب الحاصل بجدة ومكة

عاوزين شؤه ياباشا

شكوانا لله وحده والله يعدل الحال

فعلاً العقار في جدة شي ماهو طبيعي
اخوي راح ياخذ شقة في الحرمين 6 غرف وعادية ماهي مررررة
ومطلوب 750 الف ريال ...
750 الف في الرياض تجيب لك دبلكس وفي حي سكني زي المونسية او الرمال

اللي يقهر اي نظام ضد المواطن لاتوصي يطبقونه بسرعه مثل ساهر وساند والتأمين الله يعين عسى مايحطون شي ثاني واذا تبي تطالب بحقك انسى تعقيد في تعقيد والاسكان سنين وهم ياخذون من الميزانيه ولا شفتنا شي

من يوم ما بدأ

وهناك تصيمين

فلل وشقق

لكن شكلك ما انتبهت

راجع لقاء الضويحي مع الملك وبقية مجلس الوزراء

الانسان يسعى لمصلحة نفسه ، يروح يجي يرفع برقيه يرفع عن طريق البريد للديوان يدور واسطة ماهنا خلاف ، يسجل باي شي .
هنا فعل الأسباب ، الباقي عند رب العزه والجلال هو اللي يرزقك باللي كاتبه لك عن طريق هذي الأسباب او غيرها .
اما التحلطم في النت او في المجالس مهوب صحيح .
الدوله كبيره ولا تدري وش تبد عليه وغير كذا كلن بيجيه رزقه لكن المستعجل يفعل بالأسباب ، احنا الان في زمن كثرة علينا الشوشره ولاعاد ندري هل اللي يتحلطم ضعيف وهذي جهدته او عدو يثير البلبله .

شف ياالكاشف اتفق معك في شي واختلف في شي.
اتفق ان ماندري من الصادق ومن الكاذب خصوصاً في هذا الزمن.
بس اختلف معك ان فيه اشياء واضحه مثل الوظايف والاسكان هذي مشاكل يعاني منها اغلب الشعب وشلون تسميها استعجال لأن فيه مشاكل قله مهب مشكله لكن فيه مشاكل اغلب الشعب يعاني منها

ياحبيبي سستم الوزارات صار واضح للكل هي عباره عن مناقصات للاقارب تترسئ على قريب وزير شخص مسؤل كيف صار فيه تجار وكيف صرنا فقراء هذا النظام وزارة العمل ووزارة الاسكان وباقي الوزارات ومن المسؤل والقريب من الملك خالد التويجري يعني اغسل يدك البلد من حفره لدحديره ماقول الا عسى ربي يكشفهم قبل مايبلونا ويبلون بلدنا

الا عتماد على الله ثم التصميم والارادة والقرار الصائب هو الصحيح بدون صياح وازعاق قال افلان او صرح علان : اعرف فراش راتبة على قد حالة اشترأ شقة بتقصيط سددها خلال 4 سنوات اي مبلغ يحصل علية , ياخذ حاجتة الي تسدة والباقي يسلمة لشركة مبلغ اضافي على التقصيط , حتى صارت الشقة ملكة : الرجال مشاءالله علية فرش الشقة احسن فرش وتزوج و لدية اطفال , ويقول بدون مساعدة احد , الى الله والاتكال علية , مع الارادةوالصبر , يقول مدير قسمة في العمل ينتظر قرضة او سكنة ومستائجر حتى الان , ويقول انا اقل راتب منة واقل امكانيات منة , والحمدلله حققت ارادتي وحلمي بتوفيق من الله عز وجل , بدون الاتكال على احد او انتظار اسكان الدولة : ارفع لة القبعة واقول لة ونعم الرجل لكفاحك لقد حققت امنيتك,,, والله الموفق والمستعان ,,,

فيه اشياء في العالم اسمها ( حقوق المواطن ) بغض النظر هل المواطن كاذب او صادق , صاحي والا مجنون , بالنهاية هو مواطن وله حقوق المواطنة في بلاده . اما اللي يطلب صدقة او زكاة فهذا يجب التحقق فعلا من مصداقيته


لازم التفرقة بين هذه وتلك بارك الله فيكم , وادام على هذه البلاد امنها وحكامها امين

بالنسبه للفراش الله يرزقه بيت مهب شقه لكن من حقوقنا البيت على رد اخ ساعي حقوق مواطن البيت والوظيفه كم سنه وهم ياخذون من الميزانيه للإسكان وماشفنا شي الى الان والمغرب مباشره تم تنفيذ القرار ليس حرام بلادنا اولى