عندي ارض بدون صك ، ماهو الخيار الافضل لي

الله يعينك وييسرلك امرك

انا افضل اذا عندك الارض والبيت . والاثنين بدون صكوك .. انك تبيعهم على بعض
وتحطي عليهم مبلغ بسيط وتشتري شقة حتى لو كانت صغيرة او بعيدة شوي
الاهم شي يكون بأوراق رسمية ..

لإنه ممكن تجيك البلدية الان وتهدم البيت وياخذوا الارض وماتقدري تقولي لهم شي


اذا ماناسبك ف الحل مثل ماتكرمتي .. اجري البيت لحد ما يفرجها ربي ..
اما الكهربه ماراح تدخل البيت الا بعد ماتطلعي الصك اول
غير كذا انسي لا كهربه ولا تصاريح بناء ولا موية ولا مجاري ولا اي شي

حسب النظام الجديد سيتم إيصال الكهرباء للبيت بدون اشتراط صك

رد 1
وين عايشين الله يهديك ؟ كيف تجي البلدية ونهدم صار احتلال هذا .
نسبة كبيرة جدا من الشعب ساكنين مساكن بدون صكوك وهذا كان له دور بعد الله في حل جزء كبير من مشكلة السكن .
لو ما كانت الأرض محدثة أو مملوكة من قبل أو عليها مشاكل فما عليها خوف بإذن الله .
وللمعلومية الصكوك فقط في المدن أما ضواحي المدن فالصكوك مو كثير .
أصلا فيه أمر ملكي بتوصيل التيار الكهربائي لكل هجرة ومنزل لكن شركة الكهرباء ما نفذت يمكن علشان مدخلين الحاسب الآلي في طلبات توصيل الكهرباء فصارت النماذج على الحاسب وفيها خانة رقم الصك وفسحة البناء ولابد من إكمال الخانات ففضلوا الرفض حتى لا يرجعوا للكتابة باليد والملف العلاقي .

اخوي علي اكيد الكل شاهد فيديو المواطن اللي قطع ملابسه وجلس يصيح وينيح بسبب هدم منزله من البلدية ... وهو مامعاه صك ويقول ساكن هنا من زمان وكل ما اعطوه امر الاخلاء رفض يخرج اللين صدر قرار الهدم وفعلاً هدموا البيت وهو داخله وخرج يصيح هو وعياله ..

رد 4
ما عليك من الأفلام والمقاطع ...
حنا نعرف الأمور هذي ومعاصرينها زين .
واحد يجي بأرض مملوكة أصلا للبلدية أو قطاع حكومي ويبني فيها بعدين يقول أرضي ومدري وشو ...
أنا أقصد الأراضي والبيوت القديمة المعروفة من زمان وما عليها مطالبات ولا مشاكل هذي آمنة إن شاء الله حتى لو بدون صك .
أعرف مناطق كاملة وصارت مدن ومافيها صكوك إلا نادرا .
حط ببالك أنت والقراء الأعزاء مستحيل أحد يخرجك من بيتك أو يصادر أرضك وهي معروفة لك ولعائلتك وقبيلتك من سنين طويلة .
مخططات نشأت وما زالت تنشأ والبيع فيها حامي وبدون صكوك .
أعتقد شركة الكهرباء سبب رئيسي لأزمة السكن المفروض الناس تتوسع وتصتصلح الأرض عندنا صحاري هائلة لا يستفاد منها طبعا بعد التنسيق مع الجهات المختصة .

شف اذا المكان قديم فماعليك ابدا لانك ساكنه من 3سنه ولاطلعت له صك لكن لايكون بنص الشارع ولاتبيهم يهدونه احيانا ينشون طريق لبلده جديده ياقف بوجههم بيت لازم يهدونه ويعوضون صاحبه بس بدون صك وش دراهم انه لك مايعوضونك ريال واحد
والاخ اللي يقول بدون صكوك مستحيل تبيع بيت بدون اوراق ثبوتيه ابدا ابدا طيب اذا سافر راعيه افتحه واعرضه للبيع وابيعه واهرب
فعلا اعرف ناس بس معهم وثيقه
واحد اشترى ارض في جدة بدون صك بعد ان اغرووه بسعرها الذي لايتجاوز 60 الف ريال واكتشف بعدين انها انباعت لكذا واحد وكل واحد يقول ارضي ارضي وما طال عنب الشام ولا بلح اليمن وطارت الــ 60 الف
إذا داخل حي قديم توكل على الله فقط إنتبة
لعدة ملاحظات
اولا لو كان هناك اكثر من مبايعة للبيت فهذا شيئ جيد مثال
احمد إشترى من محمد ومحمد بعد فترة باع على خميس
وخميس بعد فترة باع على سالم وهكذا يعني وثائق لمبايعات متعددة
على نفس العقار لسنوات طويلة .
ثانيا تأكد من ان فاتورة الكهرباء والماء بأسم اخر مشتري
رابعا إشتري من صاحب مكتب مجاور للعقار ووثق المبايعة
بخصوص الكهرباء تستطيع نقلها بأسمك اعتقد ولكن لا تستطيع
زيادة عدد العدادات لأن العقار بدون صك ولكن تستطيع عمل تقوية فقط
والله يوفقك يام عموري

اسالي في الحارة
واذا اشتريتي وثقيها من عمدة الحارة
وبالتوفيق

رد 6
من قال لك لو البيت بنص الشارع يهدونه ولا يعطونك ريال واحد ؟ وين عايشين حنا ؟
حنا نتبع دولة مو احتلال .
العقارت اللي يجي عليها إزالة تثمن وتقرر معاوضاتها لكن بدون صك أعتقد 80% من قيمة التعويض أو أقل أو أكثر مو متذكر حاليا .
بالنسبة لبيع وشراء العقارات أكيد بأوراق ثبوتية وشهود مو لعب عيال أبيع وأهرب .
حتى هذي الأوراق والشهود يرجع لها الشيخ في المحكمة ويحكم على ضوءها لو فيه منازعات أو مشاكل على حدود أو تقسيم حتى أنها تهمش الصكوك وتلغيها لو ثبت أن أحدهم أستخرج صك على أرض ماهي ملك له أو حدودها غير صحيحة .
الأمر فيه سعة وفيه مجال لكن المحاكم الله يهديهم معقدين الوضع المفروض كل من أحضر أوراق ثبوتية مصدقة وعليها شهود يمنح صك بعد التأكد من عدم وجود منازعات لكن سبحان الله ناس تشتري أراضي بدون صكوك وفترة بسيطة صار لها صك ويبع بأضعاف ما أشترى به وناس سنين طويلة تحاول تستخرج صك وما تقدر .

السلام عليكم

جزاكم الله خير جميعا اخواني ...

الارض شريتها من خالي ب 50 الف ، وكل الي ساكنين جنبها نااااس معروفين خالي شراها منهم ، وكلهم بنوا بدون صك فلل ودخلو الكهرب ، انا معرف ممكن لديهم واسطه، وانا مقدر احط تحويشتي ببيت بدون ماااثق اقدر ادخل التيار له او لا


البيت ، موقعه ممتاز اكثر من الارض،
المبايعه بمكتب معتمد لدى العمدة ، واستلمت وثيقه البيت القديمه من صاحبه، وسلمتها للمكتب ، وعملت تنازل لعداد الكهرب وحولته باسمي ،
وثيقه البيت القديمه بتاريخ 1411...

البيت صاحبه اجنبي مسجله باسم كفيله ، ويبغى يسافر بسبب تصحيح الاوضاع ، ولدى المكتب صورة لبطاقه الكفيل ،وتمت المبايعه بيني وبين الكفيل

وكل اوراقي رسمية ومثبتة ،،،

بصراحه ياااخوان ، انا محد وقف معي .

لان بعض العوايل تساعد الولد دون البنت ،،،
وانا من حقي سكن مناسب لي ولاولادي ...
واجبرت عالقروووض والديون ،

انا افكر ابيع الارض بعد كم سنة وابني بيت لي جزء ااجره وجزء اسكن فيه ،
لكن معرف تكلفه بناء شقتين ،

روح لاقرب مكتب مساحه
وسو لك كروكي بالعقار اللي تملكه
بعدها روح لامارة واطلب مشهد وقعه من الشهود ان العقار لك
بعدها تروح لشركه الكهرب وتدفع الرسوم وبس