شوروا علي يا أخوان

أهم شيء قبل الشراء الإستخارة ... استخر ودور بيت على قدر قروشك وأقدم ... وبإذن الله ما تندم .. والله يبارك لك في مالك وأولادك

كل الناس تحتري وما ندري وش نهايتها
لاكن اذا عزمت فتوكل
650 الف تقدر تاخذ في حي الغروب جنوب الرياض

اهلا فيك اختي
عانك الله ان شالله
الشيخة .. اقترح عليك اذا كنتي موظفه أو عندكم مصدر دخل تروحي تشوفي الفيلا الي تبينها ولو كانت ب 2 مليون ثم تروحي للبنوك وتقوليلهم أنا بشتري فليلا وعطيهم المواصفات وقيمة الفيلا ولاني ما أملك كامل المبلغ ابيكم تشترونها وتقصدوها علي ومستعدة لدفعة الاولى وكثير بنوك راح توافق وتقصدي لهم شهرياً
اما اذا ماعندك مصدر دخل
انصحك تشوفي بيت بقيمة المبلغ اذا كنتي مضطره
اما اذا ماتبين بيت شعبي
انصحك تستثمرين بجزء من المبلغ
مثلاً تقدرين تشترين شقة في الامارات باسعار مختلفه من 250 الى ماشاء الله بالتقسيط طبعا بدفعه لا تتجاوز 50 الف ريال وطبعا تشتريها وهي تحت الانشاء يعني جالسين يبنون في المشروع لنها بتكون رخيصه جداً وخلال شهور أو سنه أو سنتين بس تستلميها راح يرتفع سعرها بشكل خيالي تقدري تبيعيها بكل سهوله
وتقدري مثلاً تأجريها لو سنه مثلا تستفيدين وبعدها تبيعيها عشان تزيد قيمة الارباح بالاضافة الى ان العقار يرتفع سنوياً
واتمنا لك التوفيق ان شاءالله بما تتمنين وتطمحين

انا عقاري واقولك السوق ماله امان مره تحت وعشر فوق
ولكن ابحثي عن شركة تمولك ( غير بنكية ) او فلل الاسكان

لا اياك والبنوك فأنها مضيعة للدين والدنيــــــــــــــــــــــــــــــــــــــا.................................اللي معك يكفيك وزود.

لدي خبره ومستعدعلى شراءارض لكي والاشراف على بناءها ويكفي المبلغ الي معاكي والدفع يكون هن طريقك للامانه

(تم الحذف بواسطة الإدارة)

650 ممكن تشترين دوبلكس بحي الرمال، الجديد حول 800 الف ادفعي اللي معك وقسطي الباقي وكذلك باامكانك شراء افخم واوسع شقة بالرياض جديده بحي قرطبه حي راقي، وستجدين مثلا 4 غرف نوم ومجلس واسع للرجال ومقلط وثلاث حمامات تشطيب فاخر ومخزن وغرفة شغاله ممكن كذلك، وان كانت علويه فليست مشكلة لان معظم العمائر الجديده يوجد بها مصاعد جديده بضمان 15 سنه، والشقق الارضية متوفرة كذلك وبعض الشقق عليها ضمان سباكة وكهرباء 15 سنه واسعارها بالمتوسط 450 الف والمائتين الباقيه خذي بها شقه ثانيه صغيره بحي الرمال وأجريها. ماهو لازم فيلا بمليون ومائتين او اكثر وخاصة الفلل المبنيه هاليومين شغل تجاري خربان، وان كانت بثلاث شقق علويه والدور الارضي لك لان التأجير نزل سعره وكثر عرضه وقلق ومشاكل مع المستاجرين خاصة اذا صار الدفع شهري انتي في غنى عنها. واخيرا عطيتك خلاصة خبرتي فارجو تحويل مبلغ 3000 من الست ميه لحسابي وان عشيتونا مفطح نجدي برضة مقبول .

مبلغ ممتاز . لاتشترين جاهزه غااالي . اشتري ارض ب 300 الف او عضمة وكمليها لياسة وبلاط . شي سهل جدا

الرد رقم 3
والله نصيحة توريطة للأخت والله ياكلها البنك وتموت ما سددت انحاشي عن البنوك لا تقربين ناحيتها
مد رجلك على قد لحافك
انا مثلك حرمة ادور بيت بنفس حدود سعرك ولقيت في السويدي على 500 وفي البديعة لكن مابعد الله قسم لي الشراء
اسال الله ان يطرحني وإياك المطرح الطيب ويبارك لنا فيه ويكفينا شر كل ذي شر

(تم الحذف بواسطة الإدارة)

استخير من بيده مفاتيح الغيب على ماتنوين القيام به سوى شراء اوتعمير استخاره صحيحه بأيمان صادق ثلاث ايام وسوف يدلك كما قلت في احد الابيات (من يتكل بالله عن الناس يغنيه """ في حسن ظنك فزعت الله قريبه )

اسعد الله مسا الجميع
فلل وبيوت الرياض ماعليها خلاف حسب ما نسمع ونشوف المشكلة المنطقة الغربية
3 اشهر من السكن وتشوف العجب
خذو بيت يكون شويا قديم لان البنا في السابق افضل من الجديد هذا راي واحتفض به

بعد الله سبحانه وتعالى.. مالك غير مهندس( عبدالغني الجند) اكتبي اسمه في يوتيوب وتابعيه على تويتر.. أيضا اذا أولادك كبار يدخلو موقع مستشارك للبنأ

رقم 9 شور مبااارك اشتري ارض افضل من الجاهز الغير مضمون و غبنه عمر راتب يروح سداد اقساط