تكفون أبي النصيحة، ساكن سوري بدون عقد أو ايجار

وش صار عليك انت والسوري؟

انا مع اللي يقول تطلعهم عن طريق الجهات المختصة اما الامارة او المحكمة اما الشرطة ما راح ينفعونك لان مثل هالامور مهو من اختصاصهم واذا انت شايف ان تحل لهم الصدقة او الزكاة حاول تساعدهم على قدر استطاعتك او تدور لهم جمعية خيرية او جمعية رعاية السجناء واسرهم او احد يساعدهم..
والله يعينك..

نظام القضاء الجديد
سحب كافة الصلاحيات من الشرطة الا الامور الجنائية
كل شيء عن طريق المحكمة الان ولا تروح لايمين ولايسار
علمتك العلم

ياخي الساير السلام عليكم ورحمة الله وبركاته اذا ان السوري ساكن في احد الشقق اللي بالعمارة اللي انت مشتريها وعيالة ساكنين فيها وهو بالسجن انصحك لوجه الله انك تتركهم لين يطلعون بأنفسهم لانك اول شي راح تلقى الاجر عند الله الشي الثاني انت انسان تقدر تكلم اهل السوري اذا وضعهم ميسور اطلب منهم الخروج وذا امرهم معسر وغير قادرين اتركهم لوجه الله
وصدقني راح يعوضك الله خير لايهمونك الناس اللي يقول اطردهم ولا ارم عفشهم بالشارع لان عيالة مالهم ذنب مساكين نكبهم الله بأب فاشل الله لايبلانا ويسترنا عن الناس خذها مني احتسب الاجر وشكرا

بقاءهم في السكن بدون عقد ايجار
تكون انت مسؤول عنهم نظاما بعد تحول ملك السكن اليك

فانتبه لهذا الامر !!!!

الله يرحم المسلمين الأن صاروا السورييت فيهم وفيهم نسيتوا ابائكم واجدادكم كانوا أيام الجوع يقصدون الشام والشام شامك الا الدهر ضامك - السورييون استقبلوا كل العرب والى الأن كثير من العربان موجودين في الشام ولهم كل الصلاحيات ..................
هل تقابلون الأحسان بالأساءة المفروض تعقلون الرجل والسوريين في محنة الله لايبتليكم اخوانكم في الله وكل في الطيب والردي وانتوا هالحين في رمضان شهر حرم اجل لوكنتوا في شهر صقر بتذبحونهم.

هذا حنا يالعرب أسود على بعضنا ................اذكروا الله وتحمدوا نعمه واطلبوا ان الله يديمها واعمل لدنياك كأنك تعيش أبدا وأعمل لأخرتك كأنك تموت غدا

انت شاري البيت والسوری موجود وانت تعرف هذا وليه شريت البيت كان الفروض قلت للي شريت منه البيت قبل ماتدفع له قيمه البيت شف لك حل مع المستاجر اولا ثم نتم البيعه .....

بعد ثلاث اشعارات بالاخلاء
تعتبر اخليت مسؤليتك من جهات الاختصاص اطلب تحويل المعاملة للقضاء او للامارة ويجبرونة على الاخلاء

اترك البيت هذا مستوطن

حاول تحل المسأله بينك وبينه، او المحكمة الجزائية تنهي أمورك.

الله يعينك الموضوع صعب

هذي مشكلة صاحب الحلال عندنا يتورط مع المستاجر

لا الشرطة تنفعك ولا المستاجر ينفذ حكم المحكمة

الطاسة ضااااايعة