تحذير وتنبيه لمن لا يعلم في العقار

مدري على اي اساس كاتب هالموضوع
والعقار نزول خفيف وليس انهيار كما تتوقع و مواد البناء لم تنخفض وسعر الحديد مرتفع هذي اليومين
ويجب ان توسع دائرة البحث الله يجزاك خير وتعرف الحقائق

لو ماني متاكد من نزول العقار مثل ماذكرت كان مانزلت هالموضوع جزاك الله خير
انت صاحب عقار صح

والله أمركم عجيب

النزول في العقار قليل جداً مقارنة بما نسمع

من 8 سنوات وأنا أسمع أن العقار بينزل وفعلياً ما نزل إلا في السنتين الأخيرة وعلى العقارات الي على أطراف المدن وأما داخل المدن في الأماكن الي تتوفر فيها الخدمات فبالكثير 10%

ياجماعة الرجال عنده معلومة من كلام جريدة رسمية وش مزعلكم ..وبعدين البيت اللي مساحته 200متر كان قيمته أيام الغلاء 850 ألف و900ألف ويصل أحيانا مليون الآن رجع سعره القديم 650 ألف ويحب رجلك عشان تتمم البيعة والحمدالله والله يجزاء الملك خير من يوم جاء والتجار منضبطين ومعاد فية تلاعب على المستهلك الله يحفظ الملك سلمان.

يا رجل حتى 650 ألف ريال كثيره عليه !!! حقه بالكثير 400 ألف إذا كان موقعه ممتاز والبناء أقل من 10 سنوات .

فديت الناس الفاهمه انا والله

بندر وأبو عصام أشكركم

اذا النزول خفيف ليش مانشوف احد يشتري والمعروض كثير
العقار مقبل على نزول جامد راح يبان بعد رسوم ال5000 م

ذكرتني بمقابله لسلمان بن سعيدان شفتها باليوتيوب يقول يوم بديت استثمر بالعقار عام 1408 وهم يقولون العقار بيطيح صف اللي عندك !

العقار نازل يا اخ Fas878

الله يجعله يارب ينزل نزول عظيم ذبحونا هالتجار لاحنا قادرين نتملك ولاحنا قادرين نشتري ارض ال200 متر موصلينها 900 الف ومليون الى متى هالاسعار وهالنصب وجشع هالتجار يعني لو ماخذ ربحه بما يرضي الله ماقلنا شي بس تجي الارض مساحه 200 وسعره 900 الله يخسف باسعارهم يارب لاقل شي مع نزول المواد وتدني الوضع الاقتصادي لكن مع ذلك مواصلين في استغلالهم حسبي الله على كل تاجر جشع ماهمه الا يربي كرشته على ظهور هالاوادم

وين عايشين مع احترامي للي يقول مانزل،،،العقار بدايات انهيار وشفنا اسعار ماشفناها من سنييين،الارض الي كانت تسوا مليون الان ب 700 الف وماحد جاها بعد،،تجار العقار يحاولون يرقعون يمين ويسار ولكن السيل اكبر من الرقعه.
الله يرزق المسلمين ،،التجار الجشعين اكلونا بملابسنا.

لا تضللون الناس العقار نزل 15% لا تبالغون ما نزل اكثر من كذا واللي يقول 400 الف اشرايك انتظر بتنزل لل 40 الف لا تشتري باكثر ترا نصابين التجار ههههههههه