العقار .. بينزل وإلا بيرتفع .. هنا سنعرف

حلو الموضوع

أسباب ممكنه لنزول العقار :

1/ بناء المساكن اللي امر فيها الملك عبدالله حفظه الله .
2/ اقرار زكاة الأراضي البيضاء داخل الأحياء السكنيه الى هنا راح ينزل العقار بنسبة لاتقل عن 30 بالمائه
3/ يقر نظام الرهن العقاري

1- كم عدد المساكن اللي امر فيها الملك وهل تشمل كل المدن او مدينه مثل الرياض اللي فيها 7 مليون ؟
2- الزكاة على كل الاراضى راح تزيد سعرها لانه مستحيل احد يفرط فيها داخل احياء الرياض الموجوده اما اذا على الاراضى الكبيره واللي قليلة بالرياض وتقييمها ويحط لها زكاة ممكن يتلاعبون فيها التجار زكاة البهايم والبروه يلعبون فيها استغفر الله وشلون عاد الاراضى
3- الرهن العقاري المفروض يكون مع اسباب غلاء العقار مو رخصه لانه بختصار بيصير طلب على العقار اكثر


أسباب ممكنه لأرتفاع العقار :

1\ الأمن في بلادنا والحمد لله
2\ إرتفاع النفط
3\ضعف قيمة الريال الشرائية
4\الطلب المتزايد
كذلك دعم الصندوق بمبلغ نصف مليون للمقترض ..

1 اوكي 2 ارتفاع النفط و3قيمة الريال مالها علاقه بالعقار ابد
الطلب المتزايد ودعم الصندوق وضعف التخطيط العمراني للمدن هنا الاسباب الحقيقة لرتفاع العقار مدينه مثل الرياض او جده بدون اي تخطيط من الامانه مثل الرياض الاتجاه العقاري شمال و شرق والتطوير رايح جنوب حسب التصاريح اللي من امانه الرياض !!!

والله دام ان المراعي زاد سعره اغسل يدك من نزول العقار

لان موب معقول يرتفع البن وينزل العقار

جميل تفاعلك يابو هياف
بس ما قلت لي رأيك الشخصي نزول أم إرتفاع

لارا
قسم بالله ضحكتني ..
والله إن كلامك معقول وإن أدخلت معه الدعابه ..

نزول بنسبه بسيطه لان الناس ودها تشتري بس ماعندها فلوس

واصحاب العقار ودهم بفلوس ويبيعون بس ماودهم بالخساره

وبالعربي فلوس البلد راحت للخارج حوالات من الاجانب

راعي البيت الي ساكن فيه زاد 2000 قبل امس يا شيخ يرحم امك لاعد تجيبون سيره العقار اقنعني يا خي كيف ينزل
الله يرزق الجميع

اسمعوا يا جماعة اغلب التجار في المملكة غير سعوديين وايضاً من طبقات عالية
يعني اغسلوا ايديكم
ما يهم الموطن لو ياكل الحصى ولا فكروا في تعاليم الاسلام الا من رحم الله
ولا تسالوني كيف وصلوا الى الاعلى

اسباب النزول غير صحيحة وحسب ترتيبك لها يرد عليها
1مشروع الإسكان لا أظن انه سينتهي قبل عشر سنوات
2 الزكاة لا تكون الا على عروض التجارة في الاراضي اما من امتلك ارض لغرض السكنى فليس عليه زكاة ولا يعقل ان يفرض عليه ما لا يجب عليه

السوق العقاري يشتكي من قلة المعلومات العقارية الصحيحة و ضبابية في المعلومات المتوفرة التى تهم البائع و المشترى بشكل خاص و من يعمل بالسوق بشكل عام
هذه احد اسباب كثرة الكلام عن هبوط او ارتفاع العقار
من نهاية عام 2009 و نحن نسمع ان العقار بينزل و لكن العقار يطلع و كل يوم يطلع اكثر من اليوم اللي قبله ( اعرف حي من الاحياء الجديدة بالرياض و هو حي النرجس خلال ستة اشهر ارتفع اكثر من 300 ريال للمتر و المشكلة جزء كبير جدا من الحي لم تصله الخدمات الاساسية مثل الكهرباء و الزفلت و الماء فما بالك بباقي الخدمات )
عموما كل يوم يطلع لنا واحد يقول فقاعة بتنفجر ووووو غيره من هذه الاشاعات و البلبلة
المثل يقول
كلاً يغني على كيفه

المشتري يقول بينزل
و البائع يقول بيطلع

و البائع يتمنى ارتفاع العقار
و المشترى يتمنى نزول العقار

الموضوع
عرض و طلب
الوضع الحالي في السوق الان باختصار شديد جداً
عرض مع كثرة استفسارات و قلة تنفيذ

بالتوفيق للجميع

سيرتفع في مكة والمدينة ...

هوامير الاسهم الذين سحبوا ارصدتهم من سوق الاسهم وتركوه ينهار

واتجهو للعقار ورفعوة سوف يفعلون في العقار كما فعلو في الاسهم

ويرجعون للاسهم مرة اخرى ولاكن باسلوب جديد وسوف يرتفع السوق مرة اخرى

وتبداء المضاربات وسوف يتركون العقار ينهار بعدما كبدوة خسائر جمة

نصيحة : الي عندة سيولة يشتري في الاسهم وسوف ترون خلال اشهر كيف المؤشر يبدا في الصعود لكل الاسهم تقريبا وبجنون

هذا وجهي ان نزل انت في بلد لاعب بامها الفساد واللعب والغش وللاسف الحكومة جالسة تتفرج

،
،

بالله عليكم مصدقين بينزل عندنا في المملكه ،، سمعتو عن شي ارتفع سعره ونزل ؟

عقار مرتفع له 5 سنوات مانزل ولا راح ينزل ،، هوامير البلد من الفاسدين عندهم
مخططات شارينها ( سارقينها ) مخططينهاا ولا باعو منها شي في ضنكم بينزلون
تبطون عظم ينزل شي هم محتكرين السوق ،، الظاهر والله اعلم بيبيعونها على
المواطنين باسعار نار وراح اذكركم وراح تشتري منهم غصب عليك ولا يروح عليك
قرضك ،،، يعني لا عقار نازل ولا اراضي بينزل سعرها دام هالهوامير يعيشون بينا

واقيس هنا على باقي السلع السيارات والمواد الغذائيه والبناء والالبان حتى البطيخ
اللي يبيعونه لكم على التقاطعات وطاقته الشمس بتشتريه بغالي .

وردد ياليل مطولك .

،
،

العقار ينزل لان الناس اشتروا وتورطوا مافيه بيع وان صار بيع فهو للشريطيه انفسهم
لايوجد حركة بيع وانظروا كثيرا من اعلن فهو يبطي عظم مايبيع لان عليه خساره

اقول لكم اطلبو من الكريم بيت بالجنه الله لايحرمناها واياكم والمسلمين

والنزول والله اعلم بعيد والدعوا ماهي بالرياض وجده والدمام على قول احد الاخوان


حتى المحافظات خارج هذه المدن والقرى والهجر طالها ماطال المدن من غلاء العقار


بمدينة الخرج مثل ومدينة حريملاء ورماح وعيرها اجل ايجار فله جديده بقريه مساحتها 600 متر 98 الف ريال اجل من باب اولى الاراضي

وحاليا اتحدى تحصلون ارض خارج الرياض اعني بالقرى المجاورة بسعر 100 الف بعد ماكان اصحاب الاراضي يتمنون 20 و25 الف للقطعه الواحده

مخظظ القرينه مخظظ فاضي لاسكن ولا غير بيتين ومحطه الار ض سعرها من 120 واطلع فوق


بس اقول الصورة اللي فوق ممتازه جدا عسى ربي يرزق كل من ادلى بدلوه بهذا الموضوع ببيت مثله واحسن ان شاء الله

المملكة مقبل على مشاريع حكومية وأهلية وشركات


+ سيولة عالية للمواطنين والمقيمين


+ تملك العقار لغير السعوديين

=

لانزول والله أعلم

اعتقد أن أسعار الاراضي راح تستقر على ماهي عليه لا زيادة ولانقصان متسارع

مرتفع وسيرتفع

الاخ قناص الله يمسك يالخير انت والاخوه الاعضاء وتعليقى على الموضوع هو المثل المعروف(( مت ياحمار الين يجيك الربيع)) وايضا المثل الشهير( لاتقول بــــــــر الين توكي؟)

الله يسعدكم كلكم
كلام خبراء فعلاً
كملوا خلونا نضع هالموضوع مرجع لكل محتاج للمعلومه الصحيحه للعقار
ولا يمنع أن يعطينا كل واحد رأيه بصراحه
الله يوفقكم