حمام يركب

موجود في مخرج 18 يشتغلون بيوت جاهزه مع دورات مياه مستقله

جزاك الله خير يا اخوي الكريم

يوجد حمامات جاهزة على طريق الملك فهد/ تخلي حراج بن قاسم على يمينك وانت متجه للجنوب وتديور من تحت كبري الفريان تجد طلبك على اليمين.

وعليكم السلام ورحمة الله وبركاته

انا سويت نفس فكرتك الحمدلله بس قبل لا اسكن في البيت بصراحة عشان العمال والدخله والخرجة .. وكمان سويت البيت كامل مو بس للشغاله ..

الفكرة اللي سويتها
هو انا ساكن في الدور الارضي ..
قمت فتحت باب من المطبخ ع الحوش مجرد ماتخرج من الفتحة هذه يكون ظهر درج الجيران في يمينك سور كامل مقفل .. ومديت سقف صبه من فوق اللين اخر الحوش
وخليت هالباب من المطبخ يخرجك على مطبخ اضافي فيه الثلاجة والبوتجاز وانبايب الغاز
ومنها على يسارك في باب من هالباب على غرفة الشغالة .. وبعدها دورة مياة واسعة شوي
عشان الغسيل ...

طبعاً الان ماعندي شغالة ف صار المكان كله عبارة عن غرفة غسيل
فيها الغسالة ومجهزها مسرب على دورة المياة وكل شي ومناشر الغسيل وكل شي يصير هناك

التأسيس بالنسبة لهذا الشغل يكفلك حمام
كرسي عربي او افرنجي .. ويتم سحب المواسير مباشرة للبلاعه الرئيسية ( اكرمكم الله )
وشطافات ومحابس الموية مسحوبة من حمام الاولاد : لانه يجي بظهر حمام الخدامة
وكذلك سخان الموية ... وافياش الكهربه ومروحة ومكيف صغير سبيلت يبرد الغرفة ومكان الكومبروسور فوق السقف من برا ..

التأسيس لدورة المياة يكلف عمال تقريباً : 1000 ريال
مؤونة حوالي 2000 ريال
بلاط حسب المتر ..

وصبة عاد بالنسبة لوضعك بتكون يدوي مو سيارة ...
شوف المقاول كم يحسبها عليك ..

الافضل تشوفلك مقاول ياخذها قطوعة كاملة اريح لك
بس فاوض بالسعر وشوفلك اكثر من واحد عشان السعر ..

ولو تبي ارسم لك ايش سويت بالضبط راسلني على الخاص وارسمها لك وارفعها لك على رابط

جزاك الله الفردوس الاعلى على هالشرح الوافي
وجزى الله كل خير اخوي كرم والله ما قصرتوا جعله بميزان حسناتكم