استشارة عن صندوق القلاب

لاتتهور انتبه خطوط وحر وحموله ثقيله واعطال كثيره
قليل دائم افضل من كثير منقطع

32م يعدم عليك السياره تكون الحموله كبيره
شوف لك اصغر بين 22 و 26 هذا افضل شي

السلام عليكم ورحمه الله وبركاته
فصل صندوق 24

افضل مقاس 24
المتر يحسب طن ونص يعني 32 متر 48 طن هاذا مسح الصندوق هاذا النوع انتها لان سيارات المنافيخ لاتتحمل هاذا المقاس

شف يبو الشباب
اكثر من 26 لازم تدبل الشاص ويمكن المنافيخ ما تتحمل الوزن الثقيل اللي بيجي عليها

خلك في 24 و اذا تبي تزود حط مواسير

حبيت اضيف على كلام الشباب

ان البحص يختلف بمقاساته 3/4 3/18 3/16

كل مقاس له وزن

بعدين خير الامور اوسطها لاتطلع فوق الـ 26 م

توكل على الله
وخلك بين 22 و 24 متر بحيث تستطيع زيادة مواسير

تقريبا المتر طن الا الاسفلت يزيد عن 1250 ك

32 مخالف للميزان يعني اذا صادوك فيه غرامه والا ادهن السير تمشي امورك واذا تبغي شور فك نفسك بالاقلابيات وبالا هم والله ماوراها الا وجع الدماغ والخسائر

حسب كثافه المواد اللي بتنقلها البحص مو زي الرمل الاحمر مو زي الرمل الابيض مو زي الاسفلت
حدد وش نوع الماده المنقوله
عندك الماء اسهل شي المتر المكعب طن تماما

البحص تقريبا حسب علمي المتر المكعب 1.3 او 1.4 طن
32 * 1.3 يطلع 42 طن وزن الحموله وليش التريلا مع الحموله
يعني لو وزن الراس 7 طن والقلاب 7 طن يصير 14 طن والحموله 42 يصير الاجمالي 56 طن
وزن ثقيل على السياره ومتعب لها وثقيل على الكفرات