تابع مستعمل على
جميع الحقوق محفوظة ©
السلام عليكم
اخواني انا بغير كامل الكفرات ومحتار وما اعرف اي منها الجيد والممتاز لاني بطلع خطوط كثير واسرع
هنكوك ولا ميشلان ولا كنتيننتال وكل ما اروح بنشر تلقاه يسوق النوع اللي عنده
وعندي سؤال بخصوص تاريخ الصنع متى لازم يكون تاريخ لصناعة لو بركب هالفترة ذي
انتظر ردكم
اصبر كلها 5 ايام وتنزل كفرات 2014
بدل مايعطيك ابو يمن كفرات 2013 ويقلك جديد وهي كانت في المستودع ويمكن في الشمس
الا ان كانك بتقله قديم والناس دخلو في 2014 عشان كذا احسبه بنص السعر ههههههه
طبعا معروف ابو يمن صدقني ماراح يفرط بريال واحد وانه ليحسبها لك بنفس سعر الجديد
الميشلان ناعم ولين لكن يمسح عن تجربة في اليوكن
عندك جينيرال الامريكي ممتاز اذا على جمس
ويوكوهاما صحيح انه قاسي لكن اخو في الشد ويشد الى اخر نفس
الكوري الهنكوك متوسط
انت على حسب استخدامك يختلف
وبالنسبه للتاريخ اصبر على كلام الاخ مصري او اواخر 2013
مثلا مكتوب كذا 1310 يعني 2013 الاسبوع العاشر
انت حط النوعيات الي محتار فيها ونختار لك
انا انصحك بكفرات تويو
شركة يابانيه وانا ما اركب الا هالشركه
ولله الحمد استخدامه جيد جدا وسعرها معقول
طبعا التاريخ مهم الرقم حاول تاخذ هالأيام من رقم 1335 وطالع
تعني الاسبوع 35 من عام 2013 يعني انتاج شهر ثمانيه من عام 2013
وبالتوفيق ان شاء الله
دونلب واغسل يدك
1. بقلم: massiri77
السنه ما لها شغل هم يركبون بالاسبوع
يعني تقدر تعرف انه مثلا مصنوع في اخر اسبوع في هالسنه او اول اسبوع
وبالنسبه للكفرات ما اركب الا تويو ونكسن وحلوه وسعرها حلو وترى امكسك خطوط بين فتره وفتره وتمام
اخي ابحث في قوقجل عن مواصفات الكفر
بهمك الآتي
تاريخ الصنع
الحرارة Temperature A
معدل الاهتراء Tradewear 340
المادة : مطاط واسياخ فولاذ وليس خيوط ..انتبه
رقم الجنط حسب سيارتك (مكتوب على الباب أو التكاية) ...لا تقبل البديل ...فقط مثل الوكالة
بالنسبة للأسعار أسأل الوكالات أولا ثم اذهب للمحلات وانتبه للتاريخ لانه الوكالة بتعطي عروض على الكفرات 2013 أو 2012
النوع : ابعد عن الصيني والكفرات الرياضية لصوتها المزعج وموصفاتها ليست لشوارعنا
انصحك بالسعر الاقل مع المواصفات الجيدة كما وضحت في الأعلى
غالبا الكوري أرخص ثم تويو الياباني ولو أخذته من الوكالة في عرض عندهم طبعا مع غلاء الكفر قليلا ...لكن وكالة تويو في الدمام متعاونين جدا في حال خراب الكفر مع العلم الضمان مفتوح للخرابات المصنعية وايضا نكسين نفس الطريقة
وانتبه ....لا ترد على العمال ...لا يفقهون ...انتبه تركيب الكفر بالعكس ...مكتوب على الوجه outside
الله يسهل أمورك
يعطيكم العافية ماقصرتم
ولكن حيرتوني كل واحد يعطيني نوع معين ويمدح به
كفرات كونتننتال الالمانية اش رأيكم فيها مدحولي فيها ولكن ابغا تجارب
للعلم السيارة اكسنت 2012
الهانكوك من اروع الكفرات للجيوب والجموس بلا منازع . ولكن لااعرف ان كان يناسب الاكسنت او لا
ميشلان بدون منازع
انتبه من نوعية الكفرات
ترا فيه A و B و C
طبعاً اتوقع الافضل A
اتوقع ان صانعي الكفرات يستغربون ليش السي ماشي عندنا بكثره مايدرون انهم يبيعون لنا السي على انه A وحنا ماندري
بصراحه رموز الكفرات غريبه ولا اخد يفهم عليها
المفروض التجاره تلزمهم برموز واضحه
