وش رايكم في جيب كيا (الموهافي)

الله يوفقك ويكتب لنا ولك اللي فيه الخير.

أذا تبغى نصيحتي
حرام 128 الف فكوري
روح اشتر لك دينايلي أطلق لك بمليون مره
من الكيا ومن البرادو ومن الباجيرو بعد
تبغى رزه خذ تبغى كشخه خذ تبغى عائلي خذ تبغى تطعيس خذ دبل تبغى تمشي خطوط عبه بنزين وطير تبغى راحه خذ بس لو بتاخذ يوكن ايا كان نوعه ركب له جنوط حقت دينايلي وشبك دينايلي
وبعدها قول ماشاء الله وأدعي دعاء الركوب

http://www.mstaml.com/forum/fr.php?i=173360

من جد حرام احط 128 الف في كوري على قول e050e زيدها عشره وطقلك تاهو دبل وانطرب ياحبيبي

أنا عندي موهافي 2009 م شاريه ب100الف
لو تعطوني في 80 ألف ريال ما بعته..

سيارة جبارة.. قوة.. تحمل.. راحه.. سرعة.. رساوة.. عزم.. جمال.. مميزات.. فتحة.. جلد.. مدخل يو اس بي و اي يو اكس.. مثبت سرعة.. تحكم بالدركسون.. دبل خفيف وثقيل.. اي بي اس..
مكيفين..
ثلاث صفوف مقاعد..
274حصان..

ضمان مفتوووووووووح لمدة خمس سنوات..

ضمان مفتووووووووح مفتووووووووح يااا ...

اشتريتها بعد دراسة وتدقيق وتمحيص.. ماخليت شي عنها قبل ما اشتريها..

كل القطع سألت عنها.. وعن صناعتها.

ماكنت متخيل أني احط 100 ألف في كيا..

لكن الواقع فرض نفسه..

والحين بعد تجربة أربع سنوات.. كل يوم ازداد اعجاب فيها و أحمد ربي أني ما اشتريت الفورتشنر الغبي.. أو البرادو اللي مافيه ولاشي مميز.. وسعر مبالغ فيه ع الفاضي.. عشان اسمه تويوتا!؟
وأحمد الله أني ما أخذت باجيرو متسوبيشي اللي اسعار قطع غياره أغلى من البي ام.. وماله سوق في البيع..
ومبالغ في سعر الوكالة..

الأكسبلورر ضمن الخيارات المعقولة.. في حدود السعر..

كذلك الاكسبدشن خيار ممتاز.. وأنصحك فيه..
(لكن لا أعيب شي في الموهافي أو الكوري)

ما أدري متى بنستوعب أن كوريا تفوقت ع اليابان بكل شيء..
وين سوني، و وين سامسونج؟
وين الكامري و وين السوناتا؟

مبسوطين بالهايلكس والشاص والربع؟
كم سعر الشاص يالحبيب؟

تدرون ان الشاص من فئة الدينا.. (سيارة تحميل) والشعب كاشخ فيه..

لكن ربعنا دلوخ.. ويحسبون انفسهم يفهمون..


يرفع ضغطي اللي مسوي فاهم وهو دقة قديمة.،

ماتوا اللي يمدحون تويوتا والراجحي والخطوط السعودية..
الناس صارت تبحث وتفهم..

أمخاخ متحجرة :-|

رد25كلامك بالصميم الله يوفقك

(تم الحذف بواسطة الإدارة)

خذ الموهافي أو السورنتو 2013 وادعي لي ، من واقع تجربة ، واليوم كنت في كيا لقيت موهافي 2011 طالب فيه 65 الف ماشي 70 الف ، وصراحة الآن كيا صارت منافس شرس لكثير من السيارات وخاصة المواصفات الداخلية للسيارة وحتى الجودة والسعر ، أهم شي العناية والصيانة الدورية ولا تشيل همها إن شاء الله .

السلام عليكم ورحمة الله وبركاته
هلا بالريس السابق

شوف يا عزيزي الكيا والهونداي واحد وكلها اثبتت وجودها بين شركات السيارات .
انت بالنسبة لك من الناس اللي تهتم بسعر البيع بعد الاستخدام وهذا هو عيب الكيا الوحيد

باقي الاشياء ممتازه مقابل السعر , يعني المواصفات اللي ذكرتها وبسعر 128 اعتقد انك تتوكل على الله لو كنت ناوي تستخدم 5 سنوات مع اني ما اعتقد انك بتصبر 5 سنوات .

في خيار اتمنى انك تحطه في بالك المازدا سي اكس 9 اعتقد انها خيار ممتاز خصوصا مع نزول سعر الين اعتقد سعر الفل بيكون بحدود 124 وكان يصل ل 140 اتمنى تمر وكالتهم وتتأكد.

الباجيرو نصيحه لا تفكر فيه انا سبق وسويت تست درايف وبصراحه ما ناسبني لعدة اسباب اذكر منها :

سوء البلاستك المستخدم في الديكور الداخلي و بالذات ريش المكيف اغلب الباجيرو اللي شفته احصلها متكسره .

عزمه ما اعجبني مع اني جربت ال 3.8 وهي المكينه الكبيره .

واذا قررت تشتري الباجيرو لا تشتريه من الوكيل لان في معارض بالرياض موزعه للباجيرو وارد الامارات و اعتقد ان فرق السعر يصل الى 20 الف للفل اوبشن مع وجود مميزات افضل لصالح الاماراتي .

بالتوفيق