مقارنه بين يوكن دينالي 2009-2012 و اكسبدشن 2009 - 2012 xlt دبل

اخوي انا بختصرلك الموضوع ,,,,,
من ناحية البيع معروف الجمس اكثر من الفورد يعني لاسمح الله شريت بكره وصار لك ضرف تبغا تبيع الفورد ماراح يجيب لك مثل قيمة الجمس او الشفر بس من وجهت نظري ان المميزات بالفورد اكثر من الجمس هذا الي عني والصلاة والسلام على سيدنا محمد ........

جزاكك الله خير

وين الناس الباقيه ابغا تفاعل تكفوون ساعدوني انا خلال الاسبوع هذا بأشتري ومتحير بين السيارات

تكفوووون ابي ارجع بعد شوي اشوف 10 ردود

أٌقراء سورة الكهف اليوم لا تنسى

تاهو ال تي زد لولي دبل ولا تشاور غيري

تاهو ال تي زد لولي دبل ولا تشاور غيري

اكشخ وارغب عند اعادة البيع وعائلي وشبابي وأحسن فنظري ونظر غيري من اللي ذكرت ( وظلمت اليوكون فمقارنتك)

الله يجزاك خير بس ابي بين الدينالي و الاكسبدشن

وينكم يا اعضاء مستعمل

يا اخوي اولا" انت عندك فلوس وحالك طيب اشتر يوكن فلوسك قليلة اشتر اكسبيشن حسب ما اعلم ان اليوكن اقوى واهم شي اللي ترتاح لة انت عشان بعدين ما تكرهة

Expedition
رابطة ملاك فورد أكسبيدشن
رح تلقى عندهم المعلومة المفيدة
فورد هي أصل السيارات
الدينالي وجهيته عبية، تاهو روعة من كل النواحي
لكن شكل البودي أحلى من بودي الفورد
الفورد لك و للزمن
فيه اكسبديشنات من 1998 و ما قربعت

الفورد لك وللزمن

واليوكن اكشخ بالحاضر فقط

الاكسبديش يميزه السعر الرخيص والمناسب للمواصفات يعني اتوقع الدبل اكس ال تي تقريبا ب 125 الف اصفار

واليوكن الدبل تقريبا ب 163 الف يعني فرق تقريبا 38 الف ريال ومافي فرق واجد بالمساحة والراحة.

وفي الاخير استخير ربك بركعتين وان شاء الله ييسر لك امرك.

رابطة ملاك فورد أكسبيدشن
رح تلقى عندهم المعلومة المفيدة
بو محمد

الفلوس موجوده ما عليكم بس وش الاحسن في العزل

الأحسن 570 lx

كلها امريكييه من ناحية الراحه مريحه
من ناحية السعر في الشراء الاكسبدييشن أرخص وافضل وفيي البيع اليوكن أغلى
من ناحية الأداء الاكسبدييشن بدون مقارنه القوه والأداء وأيضاً الدبل والارتفاع عن الأرض يعني افضل من اليوكن
من ناحية الديكور والشكل الخارجي. الاكسبدييشن متوسط ولكن مقبول جداً ولكن اليوكن أجمل
تقبلو مروري

الاكسبدشن افضل 100 مره من اليوكن والتاهو
كان عندي تاهو جابلي الامراض وبعده وشريت اكسبدشن والحمد لله فرق كبير والتجربه خير برهان

من واقع تجربه

كان عندي دينالي 2012 لؤلؤي أفخم نوع كلفني 119200 ريال مشيت فيه خمسة آلآف كيلو وبعته بخسارة عشرين الف

واشتريت 2012 أكسبدشن لمتد لؤلؤي حقيقي لونه يزيد عن الألوان الباقية بألفين ريال وكلفني مع الحماية والشاشات والصيانه المجانية إلا 64000 كيلو 179000 الف

وبصراحة تركب سيارة مريحه وعائليه وفيها اماااان أكثر مية مره من الدينالي

وهذا الكلام انا مجربه شخصيا مو قالو لي وقلت لهم ولا يمكن اغير الأكسبدشن إلى على في اكس ار فول اوبشن او لكزس جيب في حالة التغيير

نصيحتي لك أكسبدشن وموصفاته كثييييير وسيارة مريحة في السفر لدرجه ماتتخيلها ووكالتهم احسن بكثير من التوكيلات والجميح

وعلى فكره كان عندي يوكن أكس ال ستاندر ومن دون دبل والله ركبته وسواقته اريح من الدينالي

تجربة شخصية
شريت اكسبديشن 2011 من السوق فل من غير سقف استعملته سنه وغيار زيت مانيب حريص ولا حتى المويه قعدت 6 شهور ما عرف وين قربة الماء واترك المكيف والع بالحر والسيارة واقف اكثر من ساعه وبعد سنه بعته بنفس قيمة الشراء ولا حطيت عليه ولا ريال

مقارنة الدينالي مع الاكسبديشن ظالمه لامن الشكل ولامن القوه ولامن مواد التصنيع والجوده والكلام راح يطول اذا نتكلم عن التجهيزات الداخليه وووو الدينالي رمز للقوه والفخامه وهو ملك الطريق بكل جداره الاكسبديشن فشل فشل ذريع في مقارعة اليوكن والتاهو

السلام عليكم اليوكن الدينالي من الظلم تقارنه بالكسبدشن ولوه فل انت شوف سعر الدينالي يمكن اكثر من الدبل بسعر الكسبدشن
والاكسبدشن الشنطه حقته اوسع من اليوكن

والسياره النظيفه ماسكه سعرها من يوكن ولا الفورد عند البيع