تابع مستعمل على
جميع الحقوق محفوظة ©
اخواني اصحاب اليوكن والتاهو من مرت عليه مشكله هذه نفيد ونستفيد وتعم الفائده للجميع
السياره يوكن موديل 2002
المشكله ان المكيف اذا مشيت فيه يفصل ولمبه التكيف تغمز واذا فصلت اصبع بطاريه وتركبه مره ثانيه يشتغل التكييف
غيرت كمبرسور وحساس مكيف الى فوق علبه فريون وغيرت فيوز المكيف كل كهرباء اخرط من ثاني كذابين كل يقدح من راسه وفي هذا الجو الحار الرطب فصل على المكيف على طريق سفر تخيلو الموقف وما شتغل حتي بعد فصل البطاريه
افكر ابيع سياره بسبب هذا المكيف صراحه بهدلني ما عرف ايش السبب ولا حتى محلات الكهرباء ان اقول يمكن فيها جني هههه طرحت الموضوع يمكن احد مرت عليه مشكله او خبير في امور الكهرباء وتكييف مع العلم ان كل كهربائي يقول اعبي لك فريون اصلي ويفكه ويعبيه ونفس مشكله بس سياره تغسلها ما يشتغل مكيف
ان شاء الله اجد حل للمشكله واذا ما حصلت ببيع سياره وريح راسي ودك تحصل كهربائي شاطر ولا تروح كهربائي عليمي يخسرك فلوس لو اعلمكم كم خسرت على المكيف فلوس وكل تحيلا تهم خرطي ما حد طاح على مشكله
احيان تشغل السياره ما يطق بوري تغسل سياره او ترش مويه على الارديتر الامامي خلاص يفصل ولا عاد يشتغل مكيف ابد الين تطفي السياره نص ساعه او انك تفك اصبع بطاريه انا اقول يمكن الموتر امريكي وما يصلح له الجو عندنا حار \
احد تخمينات ان الكمبرسور يسخن شيك ولف ترموستات والله الى الان مشكله لا اله الا الله محمد رسول الله
السلام عليكم .. يدخل موية الى علبة الفيوزات .. حاول قبل ما تغسل السيارة غطي علبة االفيوزات
اخواني بعد معاناة مع محلات الكهرباء وكل واحد يفتي من راسه رحت صناعية الاحساء عند كهربائي محل صاحبه عتيبي مقابل بنك الرياض وجد لى حل وهو تركيب فاصل خارجي للمكيف ب 20 ريال وسلك طول 4 امتار وركبناه الان لو ندخل في البحر ماتطفي السياره جربته بالليل والنهار روعه ثلج المشكله كانت ان كمبرسور يفصل من كمبيوتر يحتاج برمجه بس انا قلت يمكن اخسر برمجه ويطلع نفس الشي ركبت الفاصل والدنيا صارت الاسكيمو يعني اي مشكله في سياره الامريكي مع مكيف لا تخسر نفسك
قال كمبرسور غيرت
قال حساس غيرت
قال فريون اصلي عبيت اصلي كل شي واخردواء الكي فاصل وسلك 4 متر وحلت مشكله الحمد الله ماتفرق معي اهم شي مكيف صار يشتغل وما يطفي مثل قبل
اتمنى الفائده للجميع من له شكلة مماثله لا تغير شي وتخسر الا بعد تاكد من ان الخلل صحيح الله وكيلكم خسرني حول 2500 ريال ويمكن اكثر
