محتار بين سياره لاندكروزر او يوكن

ماهناك وجه مقارنه وانا اخوك الاندكروزر هو السيارة خذه ولاتتردد يبقى ماسك قيمته ويبقى بعد صلب ومتماسك ولايتفكك مثل بعض السيارات

عسى الله يوفقنا واياك لكل خير

امين ياخوي
بس ويش افضل نوع لاندكروزر

ما ذبحنا إلا مسك القيمة

يعني آكل تراب واشتري سيارة سيئة علشان بعد خمس سنوات إذا بعت ما أخسر

اليوكن في الراحة لا يعلى عليه ولا يقارن باللاندكروزر
اليوكن اوسع واريح في المدينة والسفر

خذ يوكن SLT فل كامل دبل وما راح تندم

نعم مسك القيمة أفضل وانا اخوك بعض الناس كل بعد ثلاث سنوات يشتري جديد لذلك فمن الأفضل له ان سيارته تمسك قيمتها وعند البيع تصير مناسبه ولايزود الا شي يسير يشتري الجديده وهكذا وليس المقصود بمسك القيمة أنها طمع ومثل مافهمت انت

على كل حال الفكس آر لايعلى عليه لايوكن ولا غيره ...اليوكن رح عليه اسبوع صحاري وشف كيف يصير خلخله واصوات بيبان على كل حال الله يرزقك والناس وانا اخوك أذواق

ياخي اليوكون افضل من ناحيه الراحه والوسع

وانواعه كثير ماهو واحد مثل ماقلت

فيه العادي والدبل والفل والدينالي القصير والطويل الا xl

ماعليك من مسك القيمه لان اتوقع 1214 رح يتغير جميع السيارات ولا شي من

القديم بيمسك قيمه اتكل على الله وخذ يوكون على الاقل صناعه امريكي وتجميع

في كندا ماهو زي ابوجميل يجمع في جنوب جده في الخمره وكل اكسسواراته صيني

ولا يعلق عليك مثبت السرعه الله يستر

وانا اتكلم عن تجربه توي شاري يوكن 2012 من التوكيلات دبل ماشاء الله لايعلى عليه

وسافرت فيه الاجازه ابداع موفق انشاء الله

مد لحافك على قد رجولك

بدون تفكير اليوكون ما عليه كلام ابو جميل وربعه ولا بريال

نصيحتي لك خذ جيب تويوتا ( بشرط أن يكون خليجي - بريمي أو أي وكيل آخر)
ابتعد عن السعودي ( أبو جميل المخيس - لأنه كله تلفيق و ترهيم ونصب)

التويوتا ماراح يطلب منك إلا بنزين و زيت ( وماسك سعره متى ما بغيت تبيعه زبونه جاهز والسعر ماينقص كثير)


اليوكن أو التاهو ( الأمريكي بشكل عام)
مشاكله كثيره (ورح ادخل قسم الصيانه بالجميع و تشوف بعينك (لأني انا شفت بعيني محد قال لي)
ايضاً اصحابي 2 معهم يوكن فاكينها وكاله بهذلهم كل فتره يطلب المشكله جديد ما يمديه يطلب ههههههههههه
واذا تبي تبيعه بعدين ينقص سعره كثير - و زبونه قليل بالمقارنه بالتويوتا جيب.

تبي الصراحه لا تقارن ولا تبحث عن المقارنه تويوتا جيب أفضل
ياشيخ يكفيك انك تتكل على الله وتضمن بأمر الله أنه ماراح يخرب فيك مثل الأمريكي ;)

اخوي الحامدي


اذا انت تبي تستخدم ولا لك نيه بيع قريبه او بعيده و تبغى راحه ووساع خذ لك يوكن او تاهو .
واذا تحب شئ لاقدار الدنيا و حدتك على البيع خذ لك لاند كروزر.




مقدما الله يعطيك خير اللي بتشتريه و يكفيك شره .

اذا نويت على اللاندكروزر خذلك خليجي وتوكل على الله والله انه ازين من السعودي وانصحك تشوفلك من الموديلات 2007 وما دون الشكل القديم يكون نظيف لانه بالفعل مفخرة الارض وابعد عن الشكل الجديد لانه مشاكله وتعليقات الدبل ومثبت السرعة كثيرة والبدي مو متماسك مثل القديم صدق من قال عنه مسخرة الارض

لا تتعب نفسك مافيه مثل التيوتا

السيارتين جميلتين ومركب حلو

السلام عليكم ورحمه الله وبركاته وبعد

الرد رقم 3الاندكروزر سياره سيئه اجل باقي السيارات زباله مع احترامي للقارئ الكريم احس انك مو مركز في ردك

انا اقول الاندكروزر وانت مغمض وسلامتك بس قيمته شوي غالي بس احسن من غيره الي كل شوي يحتر حتى في عز الشتاء تقول سخانه مويه ماهو سياره

مافيه وجه مقارنه
تجربتي لاند2007 يغنيك عن كل شي
خليجي افضل
اما الشكل الجديد ماجربت

حياكم الله ياخوان ومشكور على الردود
اما بالنسبه للرد رقم 6 الاخ (الريشا) فالحمد لله مايهم المبلغ عندي اهم شي نوع السياره.
وانا شفت اكثر الردود يمدحون اللاندكروزر
الله يكتب الي فيه الخير

الاندكروز لايعلى عليه ووجاهه وكشخه واستغرب من اللي يقارن اليوكن مع مفخرة الارض ؟؟ مافي وجه مقارنه ابد اليوكن صرنا نشوفه حتى مع العمال يسوقونه .. لكن اللاندكروز مايشتريه الا واحد قده وسعره ماهو رخيص .. وبعدين اذا بغيت تاخذ عندك 2013 من عند ابو جميل ولايهمونك جمهور الخليجي خذه جديد بقراطيسه مو تروح تاخذ لاندكروز مكدود ابوه وريحة السائق عالقه فيه .. الجديد وبس 2013

اكيد اخوي ( abdulraman11 )
انا كاتب في الموضوع المقارنه لموديل 2013

الاستخدام وهو الي بيحكم :

اذا انت بالمدينة على طول وما لك في البر وعلومه وما تفرق عندك القيمة قبل وبعد فاليوكون وهو سيارتك مريح ووسيع وحق السفر وغرفة نوم متنقله واذا عائلتك صغيرة خذ قصير ودبل واذا عائلتك كبيرة خذ الطويل .

واذا تحب البر وعلومه وتفرق معك القيمة بعد الشراء gx- r هو سيارتك بس لا تنسى تاخذ قاطرة للعفش وقت السفر.

انا اقول تاخذ لاندكروزر ...

بالنسبة لاي نوع ... انا اشوف جي اكس ار 8 سلندر فل مناسب ... عيبه الوحيد ان مافيه وسائد سلامة جانبية وهذي متوفرة في ال في اكس ار ... اذا الفلوس ماهي مشكلة خذ ال في اكس ار .....

اهم شي لاتاخذ 6 سلندر .... المكينة صغيرة على الموتر

كان لدي نفس سؤالك قبل فتره واستشرت واحد من الشباب قال

اليوكن موتر عجوز و ش لك فيه ههههههه وسحبت على الاثنين واخذت باترول