ما رأيكم في الهواندي النترا الجديدة 2012 أو 2013

تسمع نصيحتى سوي صيانة شاملة لسيارتك وخليك على سيارتك والله الهونداي وغيرها من السيارات الجديدة مجهزة للإستهلاك وتغيير قطع الغيار روح شوف مراكز الصيانة بالوكالات خرابات بالجملة ومن الزحمة غير تاخذ موعد لدخول سيارتك الجديدة للورشة . وأسأل وشاور ولاتستعجل والله يكتب لك التوفيق

حدد مبلغ 10-15 الف وانفض الكامري من الصدام للصدام واستخدمها ترا ماراح تلقا سيارة نفس الكامري 2006

حتى لو تضطر توضيب الماكينة والقير

تحياتي
(((طيرشلوى2007)))

توكل على الله وخذها .. انا ماخذ 2012 النترا لها 7 شهور ماشاء الله كاني توني مطلعها ومكيفها باارد وقطعها رخيصه .. ابعد اهم شي من الوعلان ..

والله اللي اشوفه

انها سيارة ناجحة والدليل انها انتشرت انشار سريع


شكلها أفخم من اللي قبل وأحسها صارت أكبر

سعرها مقبول نوعا ما


سيارة اقتصادية وحقت كررف وحقت خط وقطع غيارها مهي غالية

والله يعطيك خيرها ويبعد عنك شرها

ويرزقني وحدة مثلها (:

يعلم الله اني ناصح لك عن تجربة

توكل على الله وحذلك النترا بي ارجوك لا تقرب للاكسنت
النترا سياره اللي معي 2012
واسئل الله يعطيك خيرها ويكفيك شرها

الالنترا سيارة كويسه وتستحمل الكرف ،،، بشرط انك تنتبه لها وصيانه اول بأول.
عيبها الضيق خاصة في الكراسي الخلفية ، سواءً الجديد منها اول القديم ، فاذا عددكم قليل توكل على الله.

انا شفت التجهيزات اللي فيها جميله ورايقه ..

بالتوفيق لك يارب

جميع السيارات الحديثة للسنوات الاخيرة مصممة للاستهلاك حتى لغير القطع الاستهلاكية وتحتاج متابعة صحيحة للصيانة في وقتها الزمني والكمي بالمسافة .. متابعة دقيقة دون تفويت اي عنصر بالجدول المسبق التجهيز .. وغير كذا ماسويت شي .. خلك على الكامري حتى لو اضطررت توضبها من الصفر .

أشكر والله كل من شارك ورد على موضوعي وأسأل الله ان لا يحرمكم الأجر ووالله إن المرء قليل بنفسه كثير بإخوانه ... وبخصوص السيارة أرى أن نصائح كل من جربها يقول طيبة .. وما أدري إذا فيه احد جرب وظهر خلاف ذلك

والله وانا اخوك الانترا ممتاز من كل النواحي
1 اقتصاديه
2 تصميم روعه من الداخل والخراج بس من الداخل اروع
3 اسعار القطع القيار جيد وفي كل صناعيه تحصله
4 المكيف ممتاز وعلميه بمعنا الكلامه تستحمل
نقطه مهمه اذا اشتريت السياره اقولك مبروك ولا تنسا تامن تامين شامل
بس السعر ممبالغ فيه شوي
والله يكتب لك الي فيه الخير اخوي

جزاك الله خيرا اخوي عبدالله والله يكتب اللي فيه الخير لي ولكم اجمعين

لم يسبق لي استخدامها

لكن شكلها رائع لدرجة ان اللكزس الجديدة احس انهم مأخذ ين شكل الالنترا من الخلف

لايوجد فيها مانع انزلاق abs

شكراً لجميع الأخوة المشاركين في هذا الموضوع ... و أتمنى أن يكون هذا الموضوع منارة لمن أراد ان يستفيد .. كتب الله أجركم و رفع في العالمين قدركم

سيئه خذ هوندا نصيحه لوجه الله

اخوي انا ماخذ 2013 قير تماتيك زجاج كهرب وقفل الابواب عادي ( طبعا آجار مدة شهر ) الصراحه اقتصاديه بالوقود والمكيف ممتاز لكن صوت الخط يسمع وانت تمشي اما غيره فعمليه وانا انصحك استاجرها مدة اسبوع واحكم بنفسك بالتوفيق لك خيي .............

اخواني ابوناصر10 و بوعابدكوو بيض الله وجوهوكم وشكراً لمروركم ... استعدتمونا والله

والشكر موصولاً لكل من شارك موضوعي من الأخوة الزوار .. شكراً لكم

مطلع من شهرين النترا 2013 فل كامل جلد وبصمه ابيض ب67200 كاش من الناغي مشكلة في الكاش يقولون الاستلام بعد 10 ايام صبرنا واستلمت السيارة ماشاء الله روعه وخفيفة لكن رساوة للاسف وحسب تجربتي السابقة لسيارة جبارة وارسى سيارة يابانية بعد الاكورد مباشرة وش تتوقعون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سوزوكيsx4 سيدان ماشاء الله سافرت بها الى الرياض ماشي 200 كلم سيارة تحمل وقوة وكرف العيب الوحيد في السوزوكي من قبل الوكيل غلاء بقطع الغيار ومع ذلك السوزوكي لاتطلب قطع بإستمرار اكثر شيء اغيره مع الاستعمال الكثير الي هو اقمشة الفرامل الامامية سعرها ب470 بعد الخصم المشكلة بأسعار القطع فقط قيمة السيارة الان لدى الوكيل 53000 فل كامل

توكل ع الله وعلى مسؤوليتي

واحذر من شبيحة ابو جميل

الله يعطيكم العافية جميعاً