لاهل الخبره في حرارة قير الارمادا وتغيير زيته

ياناس البسو بجايم وتدفو تراه
برررررررد

سلمت اخي نجدي لرفع الموضوع ولتواجدك الجميل

الطلوع والنزول اسحب عصا القير على الجنب يعطيك نمرة 4 لايوجد زر فية , زيت القير غير على 50 الف ,, وزي ما يقول راعي الحجاز الترس الي تطلع فية انزل فية ,,, والله المستعان ,,,

هلا اخي الحبيب ابوهادي حياك الله اسعدني مرورك ورأيك الجميل بس الدي فور يضل خفيف مايمسك الارمادا لأن قيره cvt واعتقد ان الدي3 افضل والله اعلم
هل تملك ارمادا وغيرت زيت القير ياغالي

زيت القير يغير على 80 ولا يتعدا 100 الف . انصح اخي الكريم يركب مبرد للقير خارجي
والف شكر

انا مجرب
وطبيعي ارتفاع الحراره المهم لا توصل اتش
والزيت تغييره كل 100 الف وخذه من عند بن عفيف في ابولهب
ولا احد يضحك عليك ويقولك يحتاج برمجه تراهم نصابين في الوكاله وخارجها
فضي الزيت القديم وعبي جديد وتوكل على الله ماقدامها الا العافيه
اخوك
ابوعابد
مكة المكرمة

وعلى فكره تراني متعود اطلع الهدا والقلص الطويل مشبوك على الارمادا ومحمل عليه ثلاث دبابات اربع كفرات والسياره محمله عالاخر بس اللي اسويه اني اطفي المكيف واحاول اطلع بهدؤ وبالفعل ترتفع حرارة القير والمكينه بعد للنص ولكن ومع الانتباه والتجاوب مع السياره وعدم الضغط عليها في الطلوع بمجرد ما اوصل لقمة الجبل كل الحراره تنزل وتزين امور الموتر وهذا الكلام ترى بالصيف دايم نطلع وتعرف مايحلى الهدا الا بالصيفيه

الاخ الكريم الفزاع : كان عندي ارمادأ 2006 وبعتة عن طريق موقع مستعمل , سبب البيع يستهلك بنزين كثير نوع 95 , اما طلوع الهدأ او جبال عسير لم يسبق لي طلوعها في الارمادأ , الرابع كان في المنحدرات الصحروية او البر فقط ,,,

عزيزي الامر طبيعي جداً لا داعي للتوتر

بالنسبة لزيت القير لا تغيره الا في الوكاله كل 80 ألف كلم

السلام عليكم جميعا
اشكرك اخي هكير على وجهة نظرك الجميله ولكن لا ارى داعي لمبرد خارجي لاني موب راعي طعوس ..

اخي الحبيب ابوعابد جزاك الله خير ورفع قدرك كفيت ووفيت الله يحفظك بس حبيت اسأل الى كم يوصل انبير الحراره حق القير في العقبه واتحط السياره في أي نمره دي ثري ولا دي فور

الغالي ابوهادي الله يبيض وجهك ويرحم والديك ماقصرت..

اخي الحبيب sa1
هل جربت الارمادا وارتفعت معك حرارة القير في الطلوع والى كم تصل وفقك الله واسعدك

في الطلوع على 4
في النزول على 2 واخليها تدحدر براحتها
وللمعلومية الارمادا يقبل بنزين 91
في الصيف الامبير يوصل لما قبل الاخير
في الشتاء ما جربت لعدم طلوعي الهدا في البرد
اخوك

تسلم اخوي ابوعابد عساك للجنه ابيض وجه يالغالي