قطع غيار سيارات تركب على سيارات ثانية ، تبادل خبرات

الشمعات الداخلية للأتوار الأمامية لمعظم السيارات(إن لم يكن لجميعها) تركب عليها شمعات osram الألمانية بسعر( من 10إلى15 ريال فقط ) بينما في الوكالات تباع علينا بأربعة أضعاف ، وتوجد لدى محلات قطع غيار المرسيدس، ما عليك إلا أن تكون الخربانة معك للمطابقة فقط . للمعلومية أنا أعتقد أن جميع لمبة أو جميع شمعة في السيارة سوف تجد لها منتج لدى شركة osram . والله أعلم

دينمو القزاز حق الكرسيدا يركب للكامري لكن يرفع ببطء


فيه محل متخصص في جميع قطع مكيف السيارات بجميع انواعها اديترات كمبروسرات ليات وصلات مراوح مكيف كل شي كل شي ولجميع انواع السيارات
مكانه في الصناعية القديمة بالرياض اللي يعرف الضحيان اللي في الزاوية ومقابلة في الزاوية من جهة الغرب النهدي تويوتا

المحل مقطاع الشارع جنوب الضحيان مقابلة بالضبط مدري وش يسمون الشارع الاربعين مدري الكهرباء ما اعرفه لكن في اخر الشارع من جهة الغرب عند الاشارة يقع السالم لزجاج السياراة

ذكروني الشباب على طاري الجاقور ، يقول لك مكينه + قير الكابرس الصابونة تركب على الجاقور مع قيرها بدون تعديل كراسي المكينه او القير

مجربه 100%

ابو رنان على كذا يعني اذا ركبت قير ومكينه كابرس على جاقور بيصير بس البدي جاقور

لكن لو غيرنا قطع زي الكومبرسرات والسيور والدينمو بتحتفظ السياره بهيبتها يعني مارح يأثر على الممشى

تعطلت لدي سيارة فولفو 94 (940) 4 سليندر طرمبة بنزين في الساحل وهذه السيارة كما هو معلوم قطعها نادره وغير متوفرة المهم لقيت لي كهربائي وضع لها طرمبة بنزين بنز 300 او 280 موديل 86
والحال سالك ولله الحمد

أخواني انا عندي Bmw M5 والمكيف مايبرد رحت للوكاله قالوا كمبروسر وعملوها مشروع نصب وخاصة انها M5 ووطلعت منهم ورحت لواحد سوري في الصناعيه وركب لي كمبروسر كرسيدا مع تعديل بسيط وصارت السياره ابرد من اول ماشاء الله ثلاجه و5% من حسابات الوكاله
وللمعلوميه اخواني اغلب قطع السيارات تصنعها شركات خارجيه غير المصنع والشركات تبيع للجميع تويوتا ونيسان وغيره وهذا ينطبق على الامريكي والالماني
وتلاحظ هذا في الونيتات الصينيه مركبين لها مكاين هايلكس القديمه وتباع بارخص
لأنه من المستحيل ان يغير المصنع جميع القطع في كل موديل جديد , فالقطع المشتركه لجميع الموديلات كثيره وكل ماصار المستهلك مفتح يوفر على نفسه الكثير

الشيء اللى مايعرفه الأكثريه اذا يبى قطع غيار ان سيارات الشركة الواحده تركب على بعض , يعنى سيارات تويوتا تشترك بالكثير من قطع الغيار ونيسان مثل وكذلك اذا الشركه مثل شيفورليه يوم اشترت دايو طلعت سيارات مثل ايفيو وابيكا وغيرها وهذى تتراكب مع قطع الدايو القديمه واللى ما يعرفه الكثير ان الدايهاتسو تركب عليها قطع من تويوتا .
اهم شي اذا بغيت قطع غيار لا تقول ابى قطعه لسيارة موديل كذا وفيها زيت شل وفيها صدمه مع اليمين قصدى لا تعطيه موديل السيارة تحديدا , قول للبائع ابى القطعه الفلانية واذا ما طابقت ابى ارجعها وتبى تلاحظ مدى تشابه القطع .
الخطأ الشائع بالسوق انك تطيح بناس ما هى فاهمه ولازم يبيع عليك نفس رقم القطعه الموجود , وهذى بعد ملاحظه ثانية القطع للشركه الواحده احيانا تتشابه بالشكل بس تختلف برقم القطعه والسعر يختلف مثل مكينة الهايلكس اربعه سلندر والكرسيدا اربعه سلندر القطع متطابقة 100 % بس رقمها يختلف حسب كتالوج الوكالة

بارك الله فى الجميع الحقيقه ياخوان طريقه مجربها وناجحه 100% وهى لاتقول لراعى المحل ابغى قطعة غيار لسيارة الفلانيه الموديل الفلانى ولاكن خذ رقم القطعه المكتوب عليها وعطه راعى المحل يعطيك نفس القطعه لاكن لسياره ثانيه وربما ارخص فى القيمه والفائده الثانيه ربما تسئله عن قطعه لسياره ويقولك ماعندى هالمديل او هالنوع لاكن اذا اعطيته الرقم دخله فى الجهاز وحصل لك نفس القطعه لاكن لسياره ثانيه ..............بالتوفيق

وترى سعرها تقريبا النص

مساعدات الشاص ال2000الاماميه والخلفيه كلها تركب على جميع موديلات الباترول من 88 وفوق وسعرها تقريبا 300 ريال
مساعدات الباترول من 88 الى 2001 سعرها تقريبا 380 ريال
من 2002 وفوق سعرها تقريبا 680 ريال
وللمعلوميه مساعدات الشاص قويه جدا وقاسيه يعني اللي موب راعي مطامر ومقانيص ماانصحه بتركيبها لانك بتكره الموتر بالديره والخط وخصوصا ان كان ربع وتحت ال97 موديله لان وزنه خفيف جدا
اما ان كان اربع ابواب وخصوصا من 98 وفوق فيمكن تحمل الفرق في الراحه ولكن يضل هناك فرق..............

كلتش المروحه تبع الرنج روفر من 2002 الى 2006 هو نفسه تبع البي ام
السيف يبيعه 1940
القاضي 1240
الناغي 650

البنتلي والرولز من 88 الى 96 البخاخات تبع 560 مرسيدس والكمبرسير تبع بيجو والدينمو تبع كابرس والمراوح تبع شاحنات الداف وكلتشات القير تبع كابرس 350

بالنسبه لفحمات الهايلوكس الدفرنسيين 2006 سعرها في الوكاله 180 وتركب عليها فحمات فكس ار 97 وسعرها 85 ريال ......

مساعدات الشاص مركبها على باترول 95 خلفيه

مرايات الددسن الكهرب ال 98 وفوق تركب على الباترول 97 وتحت اذا كانت مرايتك عادي


علبه زيت الددسن تركب على الباترول وارخص بكثير الددسن ب 150 ريال والباترول ب 400

طاره الماكسيما ودوده الماكسيما تركب على الباترول والعكس صحيح مركبها على باترول 97 حقت

ماكسيما 2000 ............

الباكم حق التيما من 90 الى 95 او 94 تركب على الباترول من 88 الى 97 وانا مركبه
والكلبريتر برضو يركب حق التيما للجيب وفي قطع واجد حقت التيما تركب على الباترول .....

هناك محلات متخصصه بالرمان البلي والصوف بأنواعها وأحجامها .. وموقعهم بالرياض الصناعيه الأولى بعد ماتطلع كبري دوار الخرج وتنزل منه تجد على اليمين 3 أو 4 محلات متخصصه..موفق

بالنسبه للصلبي حق الباثفندر يركب عليه حق الددسن
تمما لو الفرق بالسعر كبير
الباثفندر قيمه الواحد اكثر من 200 ريال للواحد اصلي
الددسن 75 ريال للواحد اصلي

قير لكزس م 95 على شروكي 96 وكثير من الناس يتوقع انه ديكور القير ( عصا القير ) والصحيح القير نفسه وماشاء الله قوي.....

اما بنسبه لي اللكزس 400 فتركب الاقمشه الاماميه حقة الكامري السته سرندل على الكزس مجربه
ويركب السير حق الالتماء 2005 على اللكزس السير حق المروحه والكمبرسر وعلبة الدركسون
وتركب طربة البنزي حقة الكامري 2005 على اللكزس طبعن طربة الكامري اصغر من طرمبة اللكزس ويبغالها شوية توليف كل اللي ذكر مجرب

لاصحاب الشيروكي + الجراند شيروكي تركب عليهن مساعدات ايسى دلكو ميه ميه و اوتومتك المروحه يركب اوتومتك جمس مع تغيير البراغي بحجم اكبر ....

معلومة مهمة لاصحاب الكابرس . جميع قطع الرودماستر تركب عليه

لاحظت رجوع الناس للكابرس القديم من موديل 90 وتحت .واحببت افيدهم بهذه المعلومة.

ديلكو الكرسيدا يركب على الاند روفرودينمو الجيب لاندركروزر موديل 94 يركب على البي ام الحوت 2005تخيلو الدينمو حق البي ام 7000 ريال وحق الجيب 600))
ملاحظة: ارجو التوضيح عن ديلوك الكراسيد ( كم سرندل )ويركب على الاند روفر..