جميع الحقوق محفوظة ©
عندي مشكلة في السياره اذا جيت امشي فيها
ونا داعي بنزين الى اخر شيء مثلاً والسياره في الثاني اذا دعست الى اخر شيء وقبل ما اغير النمره
تفصل الدعسه وتصير تنتع بعكس اذا دعست مره المفروض تمشي سريع
لا هي العكس اذا دعست والسياره ماشيه مره فجأه مع اخر ادعسه تفصل
ابغى الحل تكفون
بسألك بكل التعشيقات تصير الكتمه او التفتفه ام بتعشيق نمره معينه ؟
واذا السياره مسرعه تكتم او لا
بكل التعشيقات
اللحين مثلاً اعش الثاني وادعس اليين تحس السياره محشوره ونا مسرع اذا طولت وهي محشوره تفصل الدعسه تحس مادري كيف ويتغير صوت الدعسه
واذا السياره مسرعه نفس الطريقه مثلا تجي تتجاوز سياره وتجي تدعس اقوى شيء تمشي شوي وبدا تكتم وتهدي السرعه
طيب افحص الكويلات فكها و افحص جلدها بالذات ، ان كان فيها قطع لو بسيط
وارجع بلغني
+
علبة فلتر الهواء تأكد انها مقفله مضبوط
وافحص خرطوش العلبه اللي جاي من العلبه و رايح للبوابه
اذا فيه شق حتى لو بسيط او مو مشدوده مسامير التثبيت
و كيف البواجي متى اخر مره غيرتها ؟
أيضاً اذا قريب غيرتها فكها و شوف رأس البوجي ان كان عليه كربون او زيت
البواجي لها تقريباً سنه
الخرطوش حق الفلتر مغيره قريب
بس مغيره تجاري
لان من بعد ماغيرته بدت الحركه هذي
مع اني يوم غيرته
ماحصلت فرق بين التجاري والاصلي
شيك على فلتر البنزين وطرمبة البنزين واسلاك البواجي هذه أغلب مشاكل الكامري
وأنا سيارتي مثلك بنفس المشكلة بس نصيحة لا تقرب التجاري
عموماً الله يعطيك العافيه
والف شكر
الأشياء اللي ذكرت لك افحصها و بلغني بعد فحصها
وهي سهلة الفحص وما تأخذ وقت
مو مشكله ان كان تجاري اهم شيء يكون سليم من الشقوق و مركب مضبوط
وفلتر الهواء نظفه و اذا قديم غيره
وحساس الهواء نظفه ببخاخ الكترونيات رشه فقط لا تمسحه لأنه حساس جداً
طبعاً قبل التنظيف افصل سلك البطارية السالب
