شركة geely تحت المجهر

بتمشي السيارة سلام سلام..

بس المصيبه وين ؟؟؟

الصينين مجرمين بحق المستهلك ، يعني بالعربي لاتستغرب لو تكون مواد السيارة مضرة بالصحه وبيتخلصون منها فصنعوا منها سيارة

والله تبغى الصراحه نعم فخامه وفله لاكن صراحه

جودتها رديئه لابعد حد

كنت بورشه يوم من الأيام ولقيت وحده واقفه عند الميكانيكي وسالت صاحبها قلتله كيف الموتر لاني بفكر بوحده


قلي زي منت شايف توها جديده وطلع صوت خلف السياره والشركه رفضة تستقبلها

الناس بتروحلها زي ايام ماجات السيارات الروسيه نفس الهرجه

تفضل بعض المقاطع عن اختبار التصادم

طبعـآ السرعه 100 بالكيلو

الرجاء خف صوت الموسيقى :


هنا شركة شيري الصينيه

http://www.youtube.com/watch?v=GblzYlrU5x0&feature=related

وهنا Geely CK1 جيلي :

http://www.youtube.com/watch?v=JLrSIja6xgs

وهنا للي تهمه فلوسه على سلامته وهذي احد الشركات الصينيه . شوف الامان معدومه فيها

http://www.youtube.com/watch?v=94HTIueOuDQ&feature=related

وهنا ماني متأكد اذا هيا geely لكن المنتج صيني

http://www.youtube.com/watch?v=LmpDM8wVrUQ&feature=related

وهنا Geely Otaka جيلي اوتاكا :

http://www.youtube.com/watch?v=3uC1Sild6HM&feature=related

شكرا لكم

انتشرت في السوق بكثرة

الله يعين .. الشعب فقران يدور الرخيص

اهم شيء سيارة

خلك ي هونداي ‏

ي هونداي ‏

افضل الرخيص

والله هونداي غلت ما عادت برخيصه

الله لا يسامحهم اللي وقفوا استيراد السيارات تحت 5 سنوات
الان الشعب مضطر يشتري جديد ولانه ما عنده يقوم يروح للسيارات هذه اللي مافيها
ادنى معاير السلامة وفوق ده كله يكون مديون الله يعين

الصيني لا ينفع أبداً أنا أيضاً قمت بزيارة لهم والشكل ما شاء الله حلو لكن تبقى أنها صناعة صينية ودائماً الشركات الصينية تمتاز بالرداءة الفائقة وليس لهم منافس في الرداءة أبداً وأتوقع أن هذه السيارات تصدر للخليج فقط ويمكن للسعودية فقط لأن تصريف الرديء هنا سهل لكن لو تروح أمريكا ما تحصل هذه النوعية!!!!
طبعاً هم يقولون لك مكينة وقير ميتسوبيشي لكن أتحدى لو كانت مكينة وقير ميتسوبيشي فوق 2010 بل تجدها مكينة وقير ميتسوبيشي من الموديلات القديمة ومن المكاين التي تكدست في مصانع ميتسوبيشي لسنوات وتم تصريفها عن طريق هذه الشركة الصينية أتوقع مكاين ميتسوبيشي موديلات قديمة واسألهم عن هالمعلومة وسوف تفاجأ هذا إذا ما وجدت الجواب المتوقع: لا أدري!!! وهو يدري لكن الادارة قايلين انتبهوا تجاوبون هذا السؤال!!!!
الوضع كله لف ودوران عند هالشركات!!!
وبعدين صيني أي كلام وسعره يوصل 75 الف بالله هذا كلام يا بشر خلوكم واقعيين!!!!

ياشباب صيني معليش يمشي الحال
السعر يقنع الناس تجرب مع العلم ان الكوري اول مانزل كان السعر
في متناول الجميع .
نس هل تتوقعون تنجح وكيلها الحاج؟
مااتوقع الحاج دفن المازده اليابنيه وهي من افضل السيارات
التوقع لو الوكيل غير الحاج ممكن تنجح
يعني السياره في حاجه مسوق جيد بس .........
هاذا رئي الشخصي والله الموفق

شكرا لكم

الصراحه مانصح فيها ابداااااااااااا
الكيا افضل منها بمراحل
على الاقل انتظروا شوي الين يعدلون صناعتهم
وياحبي للالماني اوالياباني حتى لو مستعمل

خذ لك تايوتا افضل لك.. حتى لوقديم الموهم مايعطلك بقطعه ومشاكله

اخوي الكريم جارنا اخذ النوع المتوسط بقيمه 29000 وحصل معه حادث في ركن سياره الامامي حادث خفيف ووصلت الصدمه لنص الكبوت ترى السياره مثل الكرتون نصيحه لا احد ياخذ منهم والهونداي افضل بكثير منهم.

ابعد عنها تماما ، ودور لك سيارة مستعملة ذات جودة مثل تويوتا او الاكورد او حتى التيما او غيرها من السيارات اليابانية وعندك بعد سيارات فورد اسعارها جيدة المستعملة مثل فيوجن او تورس او فكتوريا .