سيارتي جراند ماركيز 2010 انتهى الضمان اين افضل مركز للصيانه

ياجماعة الخير ممكن افاده مع الشكر للمهتمين بالسيارات ارغ بمركز لمتابعة السيارة عنده من كشف وتغيير زيت وبرنامج صيانه دورية وشكرا وما نستغني عن اراؤكم

البيان فرع الورود ممتاز .. فيه فلبيني مديرهم اسمه عبدالمطلب ممتاز مره وفاهم شغله ..
وهذا رقمهم :0114541689

لكن نصيحتي لك لا تتعب نفسك كثير مع السياره ..

انا عندي ماركيز 2006 واسوي له صيانه بنفسي على عداد الكيلو .. وغيرها لا تشغل نفسك

والصيانه كالتالي :

1- كل 40000 الف كيلو غير فلتر قير وزيت قير ووجه كرتير القير ..
2- كل 80000 غير سير وخل معاك سير احتياطي بالشنطه وان شاء الله ما تحتاجه..
3- كل 25000 غير بواجي وصفاية بنزين .. عشان الكويلات ما تنضرب..
4- كل سنه غير موية اللديتر تغيير كامل مويه خضراء AC DELCO الاصلي + مويه مقطره ..
5- كفرات مشلان و تعبئة نيتروجين وريح راسك ..
6- اشتر كرتون زيت كاسترول 20 50 وغير في البنشر ب 10 ريال ..والسيفونات اشترها من الوكاله وخلها عندك مع الزيت..

جميع القطع المذكوره اعلاه لا تشتريها الا من توكيلات الجزيره اصلي
واذا بتغير فحمات لاااااااااا تخرط الهوبات ابدآ ولا تشتري فحمات الوكاله ..شفلك احد يجيبلك فحمات سيراميك ويا كثرهم في النت احسن 100 مره من الوكاله .. انا مركب حقت الوكاله ب 600 ريال امامي وخلفي واووووم الإزعاج والاصوات

غير كذا لا تلعب وتفك وتربط في الموتر أي شي منت بحاجته ..

الورش يطلعون لك خرابيط مال امها داعي

واذا مزعجك الحزام له طريقة تلغيه .. راسلني واعلمك كيف تسويها وبالتوفيق والله يبارك فيك وفي موترك ويعطيك خيره ويكفيك شره..

ارسل رقمك وان شاء الله افيدك