جيلي السياره الصينيه

مرحبا عزيزي
زرت الوكلة قبل 3 اسابيع تقريبا بجدة
1- حسب ماشاهدت السيارة كونها صيني كنت جالس اتكلم مع الموظف وتكيت على الرفرف بيدي طلع صوت بالرفر ضغط عليه لقيته يتحرك استغربت سالت الموظف قال مدري ايش السبب
يعني البودي مو متماسك

2- افتح الكبوت تلقى مكان المكينه فاضي وبالاسف مافي شيء يحمي المكينة من الغبار او الحجار حتى لو كان بلاستك اسف المكينه

3- السيارة في تجربة سواقة خشنة وكرسيها مو مريح

4- تغيير القير في السيارة ساعة القوة تبع المكينة ماتنزل كانه مايغير لاكن يغير
يعني مثلا لو دعست دعسة قوية للبنزين في الاول ووصل الساعه 3 يغير الثاني ماراح ينزل يكمل من 3 الى مثلا 4 وغير الثالث ويكمل من 4 حسيت ان التغيير تبعه فيه مشكلة مفروض حسب الي نعرفة ان مع التغيير ساعة قوة المكينة تنزل وتكون مريحة اكثر وماراح يوضحون لك هالشيء ولما تسالهم عن السبب يقول نظامها كذا

بشكل عام صــــــــــــــــــــــــيــــــــــــنــــــــــــــــــــــــي :)
* ماراح تمسك سعرها لو حبيت تبيعها مستعمل ماتلقى مشتري بسعر حلو
* اذا انت مستخدم وتحافظ عليها سعرها حلو مقارنه باسعار السوق للسيارات من نفس موديلها
قطع الغيار مادري بس حسب ماوضح الموظف واتوقع انه يبغى يبيع يقول متوفر ورخيص بس الوكيل معروف عنه ان اسعار القطع عنده غالية وممكن يرفع باسعار القطع حتى لو صيني

بالنسبة للشركة المصنعه جيلي
قبل لا اروح الوكيل نصحني بها واحد كنت ادور على سيارة وقال لي الجيلي نازل وسعرها رخيص وسيارة جيدة
المهم سويت واجبي ودخلت النت وسويت بحث عن السيارة والشركة
الشركة تعتبر من افضل الشركات المصنعه للسيارات بالصين
الشركة هي الي اشترت شركة فولفو السويدية من جنرال موتورز والموديلات الحديثة التعديلات الي صاير فيها هي ماخودة من التقنية السويدية كونهم المالكين لها الان وهذا نقلة نوعية للشركة تساهم على انتشارة وتساعدهم على دخول السوق
اتوقع خلال 7 الى 10 سنوات تنافس الكوري
الموديل ce8 افضل من ال7 خصوصا مكينتها متسبيشي لاكن سعره غالي وتوصل الفل كامل ل 75 الف لو اني اخد لي كيا او هونداي او ياباني او امريكي افضل واضمن من الصيني

سعر ال ce7 الاستاندرد 30 الف
الاوتماتيك اتوقع 40 الف
الفل كامل توصل 48 الف
زيد عليها حبتين
خد لك كيا سيراتو فل كامل
او النتر اتماتيك

في شيء ايضا
السيارة حسب توضيح احد الزملاء نزلت في اليمن وكان عليها عرض
اشتري 1 وخد الثانية مجانا :)
طبعا وكلائنا هنا انسى يسوون هالشيء جشعين حتى لو الشركة الام تبغى تنزل هالعرض يقولون طيب ويبيعونها بنفس سعرها

اشكر لك ردك وتوضيحك الرائع بالنسبه للقير جاتي رساله برضوه واحد يقول اشتر سيارة السي 8 وثالث يوم رجعها لهم تعلق عليه في التعشيق تماتيك تعشق التعشيقتين الاولى والثاله يرتفع صوت السياره كانها بتعشق وتجلس كذا على حالها
انا شفت السي 8 علامة متسوبيشي على مكينتها
اشكرك جزيل الشكر
وتقبل خالص احترامي وتقديري

بالنسبة للجير اعتقد انه نظام مشابه لنظام سيارات نيسان
استاجرت التما من فترة بمطار المدينة جديييدة نفس الحركة على كلامهم لكي لا يضيع عزم المحرك ... نفس الكلام بالماكسيما

عموما السيارة ماتعرف خيرها من شرها الا بعد سنة - و الصيني عموما بعد سنة كانك مستخدمه 3 سنوات و اكثر (كديكورات و تماسك داخلي و خلافه)

كشكل السيارة مش بطالة لكن انا مع رائ الاخ الي نصحك بالكوري على الاقل معروف و انتشر ..

والله اعلم

انتبه وانا اخوك لاتقربك
والله لوهو كوري مانصحتك به وشلون صيني
لايهمك الشكل
وانا مالومك السيارات جديده غاليه
بس ابشرك تلقى في المعارض مستعمل ونضيف بس مع قليل من الصبر
وان لقيت سياره انتبه لاتاخدها الا انت فاحصه كمبيوتر 100ريال فحص كامل حتى البدي
اطلب الله التوفيق واكثر من الدعاء واستخر وابشر بالخير

السيارات الكوري والصيني كلو محركات وقيور متسوبيشي .. ... لصاحب الرد رقم واحد

عداد الـ RPM إللي تقوول عنه ساعه هذا لا زم ينزل وبقوه مع تغيير القير ولا المكينة راح تخرب

يعطونا نجربها قبل نشتري ؟ مثل بعض وكالات فورد ونيسان
ما ظنيت !

^

^

نقل الطرود
اذا جربتها تخرب :)
صيني تراها
يعني استخدام لمره واحدهـ


يالغالي صاحب الموضوع
خذلك صني او النترا
ازين لك من الصيني
بتبلش فيها

عسانا من حجنا سالمين
الكورى اللى يمدحون شريت مرة أزيرا هيونداى بعد المدح والمديح موديل 2010 وكالة الوعلان ولا أمداها تمشي 300 كيلو متر الا هى مفورة ومحتمية وشوى بغت تحترق علي بالدائري الشرقى بالرياض مالكم بالطويلة صرت ملطشه للى رايح واللى جاي وخذ تعليق اقرب سطحة وللوكاله وماطلعت الا بسيارة ثانية بعد ما مرمطتهم

يا رجال خذلك كرلا ولا كامري واكرفها كرف !!

خذلك ياباني بصفه عامه وانس الكوري والصيني
جيلي ممتازه وفخمه الا اني سمعت من احد مناديب الشركات كان يبغى يشتري مجموعة سيارات من عندهم لشركته وعمل مقارنه بينها وبين السيزوكي
السيزوكي اغلى بس بتكاليف الصيانه هي ارخص وتخدم لفتره اطول
الجيلي ارخص لكن مع تكاليف الصيانه تطلع اغلى من السيزوكي والسيزوكي ارخص منها اذا وصلت لتكاليف الصيانه الدوريه وهي بالغالب ما تطول معك زي الكوري
جربت ازيرا 2012 طاحت الهوندا من عيني كنت معطيها اكبر من حجمها
الياباني يطول معك على بال ما يطلبك ويتحمل كرف
انا شفت الجيلي وكنت مهتم بها مع الدعايه اللي صارت قبل فتره لكن ديكورها يضحك تحسه اي كلام جربتها قياده بس وما انصحك بها
كنت ماخذ فكره عنها كبيره لدرجة نصحه ولد خالي ياخذ منها وطلبته يستخير قبل خصوصا انهم يعطونك ضمان 5 سنوات لكن الحمد لله ما ارتاح لها
لكن بعد تكاليف الصيانه السياره تطلع نكته
ونصيحتي اوعى تفكر بها مره ثانيه
شفت حلقه لبرنامج لتوب قير ما خذين افضل سيارات بالصين ومجربينها يقولون نقله نوعيه للصين اذا قدرو يصنعون سيارات تجميع بفتره بسيطه فكيف راح تكون بعد 5 سنوات الحلقه كانت من موسم السنه ذي والسيارات اللي جربوها كانت سيئة جدا لا راحه ولا ديكوارات ثابته كل شي يهتز وهي افضل ما عندهم!!!!!

بيني وبينكم لو واثقين بسياراتهم 100% كان ماركبو لها مكينة ميتسوبيشي والمقصد كلة دعاية ليه ......؟

اشوفها منتشره بقووووه ..!
/
موضوع حلو عرفنا عنها بعض المعلومات

وش رايكم اعطونا اراكم انا ودي اخذ 2013 وش رايكم

انا عندنا ثنتين منها 2012 و 2013 والداخليه تغيرت حقت ال 2013 صارت ممتازة

و ال 2012 كرفناها اكثر من سنة مشاوير الكويت الدمام والدمام الرياض ما قالت اح السيارة ممتازة وحقها فيها 35 الف للقير العادي بذا اليومين على غلاء السيارات مرة ممتاز

لو مافيها عيب إلا الوكيل ( الحاج حسين ) لكفاك أن تهرب منها