جهاز تتبع السيارات

السلام عليكم
اكتشفت ان سواقنا اللي توقعناه امين طلع منافق يظهر لنا الطيبة
السالفة البارح اكتشفت انه يوصل مشاوير خاصة بسيارة العائلة .. استغرب دايم يطلب فلوس كاش للبنزين ومايجيب فواتير ويرفض يحاسب شبكة لكن ماخطر ببالي انه وهو رايح يقضي للبيت غرض ياخذ بطريقه مشاوير خاصة

جات وحدة قريبتنا تقول ترى حاسبت السواق خلاص والحساب الجديد مع بداية الشهر قلنا لها كيف يعني قالت اعطيته فلوس المشاوير كاملة مع اني اعبيله بنزين لما يطلب ولا اخصمها من حق المشوار
انا انصعقت .. انصدمت تكهربت
تقول الحرمة السواق اذا صرنا عندكم وتأخر ابونا تخلون يواقكم يوصلنا قلت ايه .. قالت يطلب الاجرة يقول مدام كلام جيب فلوس مشوار لكن لاتقول لها انها هي طلبت قول اني انا السواق طلبت .. المهم الحرمة سكتت وصارت بس تحاسب ترسل معاه على بالها يعطينا لأننا نمدحه دايم .. قالت هالمرة اضطريت اعلمكم لاني تعبت اعبي بنزين كل مرة يوصلني .. وانا اشتكي لأختي قالت ايه حتى انا على بالي انتو ومستحيين تطلبون مني 😨

وش الحل الآن ؟
((ناس شاروا علي بجهاز تتبع
وش رايكم ؟ واذا الحل زين
وش افضل جهاز من حيث التتبع الصحيح والسعر المناسب ؟))

لو ماكنا بحاجته كنا قلعنا ابوه لقلعة وادرين .. قسم بالله نعطيه كل ماتقضينا خضار وفاكهة وكل فترة نمد له فلوس غير راتبه مع ان شغله خفيف وغرفة كبيرة فيها كل الاجهزة