اهل الخبرة بالمرسيدس

حط فلوسك بمشروع افضل لك

المرسيدس مشكلتها نزول سعرها لو هي جديدة

ومع الحر تتعبك صيانتها

الله يسعدك ي الامبراطور
ولكن سيارة البلد ما تجمل بالخط هنا المشكلة جعل والديك للحنة بغير حساب

انا جربت الشبح والفياقر و البنورما
افضلهم الشبح

جربت كذا مرسيدس و بي ام عموما

حط في بالك وقفة السيارة أكبر ضرر لها

60 تجبلك فورد وردة ماركيز أو فيكتوريا

علما أني اقتني ألماني بس لاتفكر بالتخزين أو الوقفة لأنك حتتعب و تصرف

و الأمر لك

فعلا الشبح ولاغير
وإذا تبي شوري كرايسلر 300 سي موديل 2005 أو 2006 شرط يكون سعودي
ومكينة 8 سلندر دور النظيف وراح تعديلي

جربت الثلاث

الأفضل الشبح والبانوراما

الشبح خذ 500 للخط راح ترتاح وتحس بمتعة القيادة

و50 و60 راح يجيب لك شي نظيف

والتخزين ممتاز لاكن كل ثلاث شهور اطلع خذ فره عليه و مايضر من تجربه

خذ شبح حجم 500 مديل 97 -98 عليه الكلام وونظيف
موتر عزم عائلي امان بعد الله
من ناحية القطع او غيره لاسمح الله مقدور عليه وماهو مكلف
اموره الاستهلاكيه بأسعار اقل من التايوتا والنيسان
وموفق خير اخووي

لو تحط ال 50 الف هذي تذاكر طيران تكفيك 10 سنوات قدام انشالله . انا كان عندي مرسيدس وبهذلوني الصنايعية واكثرهم سوريين مع احترامي للجميع لاكن الشئ المحتكر مايصلح . وقالها لي واحد سوري راعي ورشة ( مو راكب مرسيدس! طيب ادفع) . ولو ناوي مرة لاتاخذ الاجديد .....هذا والله اعلم

اخوي shrif كلٍ يمدح ماواجه بس تهقى اننا نقول هالموتر ماينفع عشان كم سوري
والله اني ما اشتغل الا بالوكاله اصرف بالسعر وشغل عليه الكلام مو الحراميه الي برا
الي يشلح منها وهالشي معرووف عندهم ومكشوف ولا اعمم بس امر طبيعي عند الي ضعيفه نفوسهم ...
والمرسيدس ان هملته هملك .لكن مانعمم على المرسيدس صح فيه حالات
وترجع على فحصك وفلوسك ونظافة الموتر وقت الشراء واستعمالك
والغالي دايم مايتعب راعيه ...
والله يوفق الجمييع

أخوي بالرد رقم 9 كلامك هو الزبدة
ان هملته هملك!!

آخر شبح كان عندي 600 و أيامها كان معي 430 لكزس

الشبح مخزن جفالي و أخذه من راعيه و موديله 1998
كأنك متزوج عجوز يوم سنوني و يوم ركبي و يوم ظهري

ان كان صاحب الموضوع جداً مصمم على سيارة للسفر مع عائلة و بحجم سيدان

أرشح فورد لانه بياخذ 2010 و فوق
أو 430 لكزس شيك بالجيب و عملية جداً جداً موديل 2004

و حسب الكلام إذا معاك عائلة و ما بتسرع لاجلهم أو لوجود ساهر عموما ماله داعي

الألماني أما جديد أو خذ مكان جوار الصناعية على الأقل لمسح الأخطاء ،،،،

علما أني ما احب الا الألماني بس صدقا مصروف ثاني الا إذا عادي تشوف عشرين رسالة بالطبلون و تسمع أصوات ووووو هذا له وضع وكلام آخر

بالتوفيق

اخوي خذلك لكزس وريح راسك ومركب

المرسيدس النظيف مارح يتعبك ان شاء الله بس اهم شي المحافظه عليها
ولا تدور الرخيص فيه لان الصناعيه لن ترحمك وكل دخله عليه لازم تطلع بمبلغ وقدره بالاضافه الى عطل جديد
افضل فئات المرسيدس من ناحية الكرف وقلة الاعطال وقطع غيارها رخيصه خي فئة E وعلى الخط هي والفياقرا واحد و50 الف تجيبلك من 2005 ااى 2008 نظيفه وموتر دلع وسعره مايطيح لانه بتاخذه طايح لاكن اهم شي تدور النظيف وتحافظ عليه

خدلك فورد 2010 تورس وريح راسك اسمة جديد تصميم الماني وقطعة رخيصة رساوة وراحة

وابعد عن الاماني وجع راس وكل شوية صيانة واخو ليكو مايرحم في الاسعار حقون الصناعية

والصبف على الابواب يعنى مايتنفع معاك في اجواءنا

اجواء باريس

السلام عليكم
نصيحة اخوك خذ الشبح النظيف قطعه جدا رخيصه وموتر مايطلب كثير وممتع في القياده وخذلك 320 او 500 فقط وابعد عن الفياقرا فر منها فرارك من الذئب كل يوم مولع لمبه بالطبلون تجيب الهم والهدروليك بيتعبك مع شوارعنا الجميله اما البنوراما اعادت هيبة المرسدس لكن صيانتها غاليه ومبلغك مايجيب فلذلك خذلك شبح براسها كلها

اهم شي حرارته انتبه لايكون يسخن بيكرهك حياتك وال320 في الحراره افضل من ال500

واذا كان تبيها بس خطوط ماتفرق ال320 عن ال500 كثير اللهم ان ال500 في العقبات والطلعات عزمه افضل كثير والله يوفقنا وانت لكل خير ويصرف عنا وعنك الشر

السلام عليكم ورحمة الله وبركاته.
انا كان معي فياقرا موديل 1999 حجم 500 استخدمتها اكثر من سنة ولله الحمد ماتعبتني اخته نظيفة من معرض والان ولله الحمد امتلك بنوراما وبفضل الله السيارة اروح واجي عليها واسافر استخدامها بشكل يومي ومااشتكيت من شي هو اهم شي النظافة والشي الثاني تعتني بالسيارة واي سيارة بتهملها بتتعبك

هههههه اسف ماانتبهت ان الاعلان قديم مرة

استغرب من اللي يقول حرارة الالماني او المكيف
هذا كان قبل عشرين سنة اركب فوق 2006 وتعرف
قال حر الرياض

الظاهر كل اللي جاوبوك ماعنهم خلفيه
والظاهر انهم يقصدون المديلات القديمه 98 وانت نازل