انتبهو من الجميح سيارتي ماشية 400ك والدفرنس عطلان

أخي صاحب الموضوع ولد أختي واجه نفس المشكله مع عبد اللطيف جميل . مطلع كامري وكاله وخرب الجير وراح لهم وسحبوا فيه لين طلعوا ريحتو . أرسل رساله الى تويوتا العالميه . ثاني يوم اتصل عليه فوق العشر أشخاص وحلوا مشكلته .

كبشتينو

والله المشكلة اننا شعب مستهلك

ومو بس مستهلك الا مضحوك علينا ونرضى بالضحك على انفسنا

ذبحنا الهياط وكل سنة سيارة جديدة بديون وجنان اللين نجيب مثل سيارة فلان

ولا لو الشعب قاطع هالوكالات لمدة 3 شهور فقط يتنكس حال الوكالات كلهم

لكن الحمد لله على كل حال

واللي مدح في التوكيلات انا اخذت منهم جمس وماكمل سنة الا وهو مخبطه مكينته والوكالة رفضت تسوي اي شي علما بأن تغيير الزيوت والصيانه لديهم

لكن العوض من الله والله ييسر امورك ياكاتب الموضوع

أشكركم جميعاً فرداً فرداً على تفاعلكم .. و إليكم آخر شي صار لي اليوم ،،

اليوم كان موعدنا في وزارة التجارة مع وكالة الجميح على اساس انه يجي مديرهم أو وكيل شرعي ينوب عنه ..
وانتظرت وكما هو متوقع ، محد جاء واخذت خطاب ثاني منهم ..
وقلت للمسؤول بالوزارة السالفة كلها قال ما نقدر نطالب الجميح بتبديل السيارة ، قلت وش فايدتكم انت مكافحة الغش اذا ما وقفتوه عند حده من راح يوقفه قال هذا نظامنا
وصدر أمر سامي من الملك إنّا ما نطالبهم بتبديل السيارات
فقلت له / أجل الكلام إللي سمعته صدق ، يقولون إن وزارة التجارة مع التجار ؟ من أروح له ؟
قال / قال تبي تشتكي علينا اشتك ، والشرهه علي أنا فازع لك !!

بالله يا ناس وش فزع لي فيه ، وش فادني فيه
والرجال ما أدى إلا إللي عليه إن ما كان أقل بعد .. وهذي وظيفته إذا ما خدمنا وش يبي يسوي ؟! لازم يمّن علينا وكأن له فضل ..
حسبي الله ونعم الوكيل عليهم ، والله فوضى ما تُطاق ، من يوم شفت مكاتبهم حوسه وكلها أوراق منطله وريحة المجاري داخله عندهم في بعض أسيابهم وأنا غاسل يدي ..

اخوي ليش ماتخاطب شركة GM اكتب خطاب وبين فيه المشكله وعندك عمنا قوقل للترجمه وارسله لايميل الشركه او رساله خطيه وترجمها عند احد وارسلها لهم .. ان شاء الله يجيك حقك ولا يهمونك وزارة التجار انا من قال وزيرهم السابق غيرو عادتكم بأكل الرز وانا غاسل يديني منهم. والله يعينك

اولآ بعد السلام عليكم والتحيه انا احذر من سيارات الجميح بشده لأن لي تجارب معهم الله لايسامحه ولايحلله..

ثانيا نصيحة اخ لك وجه شكواك للمحكمه وهي اللي بتنظر فيها وابتعد عن وزارة التجاره..

ثالثا كان الله في عونك بس وشهي سيارتك اش نوعها هل هي جمس او بليزر

أخوي صاحب الموضوع:
أنا شفت موضوعك وتحدثت مع مأمور خدمة العملاء حق GM وشرحت لها الموضوع واعطتني رقم خاص بشكاوي العملاء وهو :
800-462-8782
شغالين طوال الأسبوع ما عدا الأحد من الساعه 8 الصبح الى 9 الليل حسب توقيتهم ،
كلمهم واشرح لهم مشكلتك او شف لك واحد يتكلم انجليزي كويس ، وصدقني بتآخذ حقك ان شاء الله ،، والله يكون في عونك ،، وهذا اللي قدرت عليه وان شاء الله اني قدرت اخدمك والله يعينك وتتسهل امورك ان شاء الله ،،

وذا الحوار اللي دار بيني وبينهم :

Chat Transcript
Welcome to GM.com. Please wait while we find an agent to assist you...You have been connected to Nancy A.
Nancy A: Hi Ali! How can I help you?
Ali Qahtani: hi,
Nancy A: Hello!
Ali Qahtani: My name is Ali from KSA
Ali Qahtani: I have bought a new car but it has a very major defect
Nancy A: Have you attempted to resolve the issue through the dealer?
Ali Qahtani: The differential axles are broken
Ali Qahtani: the car ran only around 2500 KM
Nancy A: Have you attempted to resolve the issue through the dealer?
Ali Qahtani: I tried to return it & get new car but they are refusing
Ali Qahtani: I went to the local dealer, but they are totally unhelpful
Nancy A: You live in Saudi Arabia, is that correct?
Ali Qahtani: that's right
Ali Qahtani: I'm very depressed
Nancy A: Give me a few minutes to see what I can find to assist you.
Nancy A: Which GM brand (Cadillac, Buick, etc.) is your vehicle?
Ali Qahtani: It is a 2010 4X4 Yukon
Nancy A: Thank you. Give me a few moments to look into how I may be able to assist you.
Ali Qahtani: It is not that only,
Ali Qahtani: They sold me a car with a repainted bumper, I discovered that after I bought the car.
Ali Qahtani: When I got back to them the said this is normal :(
Nancy A: I do not know what GM in the U.S. may be able to do for you regarding a new vehicle purchase in another country. I am going to provide you with a GMC Customer Assistance phone number for the US. Please let them know, as you did me, that you live in another country so that if they can assist you they will be able to refer you to the proper department.
Nancy A: Here is the number to GMC Customer Assistance 800-462-8782. Their hours of operation are 8AM-9PM ET Monday-Saturday. They may be able to further assist you.
Ali Qahtani: I wish that GM re-evaluate the dealer services in here are very bad & I think this is affecting the GM reputation.
Ali Qahtani: I prefer you give an e-mail for customer service
Ali Qahtani: I mean is there any e-mail contact for international customers
Nancy A: I'm sorry for your experience. That is all I am able to do to possibly assist you. I do not have an e-mail address for customer assistance. I do not customer assistance information for international customers. That is why I have provided you with the only number that I have, which is for the US, with the hope that they will be able to refer you to the proper department to assist you.
Ali Qahtani: I suggest that you have one, but GM will have to establish one department, just receiving complaints from Saudi Arabia as the service of the dealer in here is extremely bad.
Nancy A: I'm sorry to hear that. Please call the number that I have provided. Unless there is something else that you would like to say, that is all I am able to do.
Ali Qahtani: Thank you Nancy, at least I found someone to hear from me
Nancy A: You're very welcome. I hope you are able to resolve this issue. Thank you for visiting us at GM.com! Have a wonderful day!
Ali Qahtani: Thanks for the help anyway.
Nancy A: You're welcome
______________________________________________________.
Thank you for contacting GM. You may now close this window.
Your session has ended. You may now close this window.

على فكره الرقم الرد ملخبط والرقم الصحيح هو:

8782 462 800

حلو حلو ..
شكراً أخ علي ..
والله ما قصرت على فزعتك بيض الله وجهك ..
وبإذن الله بكلم هالرقم ..
شكراً جزيلاً

يا جماعة إليكم إللي سويته اليوم ..
رحت لمكتب حمد بن عبدالعزيز الجميح ..
ودخلت مدير مكتبه وقلت له أبي أقابل الشيخ حمد
قال وش تبي فيه ؟
قلت إذا دخلت عنده بقول له
قال لا ما تدخل إلا إذا قلت لنا أسمك وإللي تبيه منه وانا اقول له ، بعدين هو يسمح لك تدخل أو لا .. !!
قلت له أسمي ومشكلتي ،
قال / أهااه ، معروفه ، وصلت لنا المشكلة بس ترا ما راح يفيدك الشيخ حمد
قلت له / انت رح قل له اني أبي أقابله وأكون لك شاكر ..
وراح وقال له ..
بعدين رجع لي مدير مكتبه وقال / الشيخ حمد يقول لا يدخل علي مالي دخل في الموضوع ، رح للمعرض وتفاهم معهم !!
قلت لمدير المكتب / ياخي انا انغشيت في بضاعتكم ، بعتوني سيارة مصدومه ودفرنسها خربان
قال / هذي غلطتك المفروض ما تاخذها وهي مصدومه ، ولو درى الشيخ عن هالكلام بيزعل عليك ويهاوشك !!

حسيت إني بدخل على أمير ..!!
وآخرتها مالي دخل .. وهي غلطتك انت يالعميل الضعيّف ..

حسبي الله ونعم الوكيل

أخ علي ..
دقيت عليهم ويقولون الرقم خطأ ..!!؟

هلا بك ،،

الرقم طال عمرك دولي مش رقم محلي وهو رقم خاص بخدمة العملاء وممكن تتصل فيه من هنا حسب كلام مامورة خدمة العملاء ، يعني لازم تدق فتح خط أمريكا وتكمل باقي الرقم اللي اطيتك في رد رقم 27 ،، وانا ان شاء الله بشوف واحد من الشباب في امريكا يعطينا الرقم الصحيح من هناك وباخليه يسأل ويشوف الوضع كيف وبرد لك خبر ،، في حالة انك ما وصلت لنتيجه ،، والله يكون في عونك ،، وانا في الخدمه طال عمرك ،،

السلام عليكم
قريت موضوعك وردودك اخوي
وعسى الله يكون بعونك وينصرك عليهم ويرجع لك حقك

عندي ملاحظة
اذا اسيارة اخذها اجار منتهي بالتمليك بيقولوا لك اصلا هذي السياره ملك للوكاله وانت مجرد مستاجر ونصلح فيها اي شي من غير مانرجع لك

قريب لي حصل له مشكله في سياره اخذها اجار منتهي بالتمليك عن طريق الراجحي
ودها للوكاله وفكوها قال لهم ليش تفكونها انا ماعطيتكم اذن
ردوا عليه وبكل برود اصلا انت مستاجر وحنا قبيلانا الراجحي وليس انت :(
ولا قدر يسوي شي
تحياتي لك والله ييسر لك امورك

يا مال العافية يا علي ..
والله دعيت لك من قلبي ..
شكراً لك
وأنتظر ردك

حمد
سيارتي شاريها كاااش ،

يا اخوان انا اخي اخذ يوكون منهم وبعد مده شهور ولع عنده شيك على الدبل او شيك على الfour wheel drive
ومافادوه بشئ وضعوا السياره عندهم اسبوع ولا صلحوها قالوا مالنا شغل

والان انا اقترح بمقاطعه الجميح او اي شركه تتلاعب بالعالم لانه بايدينا نصلح الشركات عن طريق المقاطعه .

السلام عليكم ورحمه الله وبركاته :
أنا نفس الشي حصل معي شريت سيارة موديل السنه في عام2009
وبعد 4 اشهر صار المكيف يفصل وخذيتها لفرع الصيانه اللي بالثقبه وشرحت له الحاله
وبعدها طلعت السيارة بنفس المشكله ورجعتها لهم وجلسوا يماطلون معي
علما بأني دفع للضمان الممدد ورفعو التقرير لشركة الضمان الممدد ورفض التصليح
بحجة ان الضمان لايشمل الخراب علما بان التسعيرة كانت 11000 الف ريال
وبعد سنه اخذت السيارة عندي مشكله الدركسون يصير ثقيل بعض الاحيان
ونفس الشي رفض الضمان الممدد تصليحها بحجة ان ماجبت السيارة الفحص كل 5000 كيلو ولما سألت الموظف بصلحها على حسابي كم التكلفه قال لي 22000 الف ريال وأشتكيت في دبي المركز المسؤل للشرق الاوسط وكلمني من ثالث يوم ولاخذت لاحق ولا باطل وفي الاخير صرت بين طرفين كل واحد يقول انا احسن منك بالنصب والاحتيال ... وعندي كل التقارير والفواتير اللي تثبت اللعبة .. ولكن من تشتكي
اذا كان خصمك القاضي فمن تقاضــي ... ومالي الا الدعاء عليهم ليل ونهار.

الاخوة الافاضل الذين واجهو مشاكل في سياراتهم الجديدة اعتقد ان الافضل ان ترفعو دعوى على الجميح في ديوان المظالم وياليت تكون اكثر من شخص والافضل تكون جماعية وترتبو مع احد يتابع الموضوع وينزل اخبار عن الشكوى في الجرائد...

من جهه اخرى اعتقد ان الشركة الام لها مقر اقليمي في دبي وهو الافضل للتواصل..

رحت عند مستشار قانوني وقال لي بالحرف الواحد
من أسوء الوكلاء في المملكة الجميح ، دائماً يجي عليه شكاوي ..
حتى إنهم قفلوا السستم بتاعه إللي في جده من كثرة الشكاوي إللي وردتهم ضده..
وحرصني إني ما أسكت وإني أرفع للمحكمة والأمارة والشرطة وأراسل الشركة الأم
يقول لا تخلي شي ما سويته وراسل الصحافة ..
واحشرهم حشر ..

حدث مره ان شرينا سياره منهم وكان فيها مشاكل بعد 3 شهور ورحت لهم وصار بيني وبينهم كلام كويل عريض واصريت على تغيير السياره او ارجاع فلوسي او ان اشتكيهم الى الشركه الام . اللي حدث التالي :

1 _ استبدلو الي سيارتي بنوع آخر على حسب طلبي
2 _ تم خصم 13 الف من قيمة السياره الجديده

فما عليك منهم اصر عليهم او اشتكهم

والله يعينك عليهم , لان الجميح يهتم بالكم ما يهتم بالكيف

a-s-a
حلو حلو ..
راجع الخاص وأنتظر ردك بفارغ الصبر ..

هذي صورة صدام سيارتي المايل ..
http://store2.up-00.com/Dec10/DlI94028.jpg
وش رايكم ؟