الفزعه يارجاجيل السفر والبر بمكينة سياره ديزل

قبل 10 سنوات

يارجال البر والسفر المطاليق ، طاح المطر وبتزين الطلعات ويزهر الربيع، وعندي فان شفر ودي أغير مكينته من بنزين لديزل وأخليه للبر من شعيب لشعيب ، مكينة بلده الي عليه بنزين 305 وأكل الزمان عليها وشرب ، وعزمها ضعيف من زمانها على الأسفلت زينه لكن من تطلع من على الأسود ما تسوى خمسه قروش قالوا بعض مكائن الهمر يمدحونها ، قلت يمكن يوفقني الله بمكينه ديزل من التشاليح وأخلي هالفان في البر حق ممسى ومقيال ومن ديره لديره وأمسي بوادي وأصبح بوادي، المهم تكفون أبي رأيكم وفرعتم في :
1- رأي الذي جربوا تغيير مكاين سياراتهم قبلي من بنزين لديزل .
2- وإش نوع المكينة الي تنصحوني بها (6 سلدر والأ 4 سلندر ) مع جربكس والا بدون .
3- فين الورشة والا المتخصص الي تنصحوني به .
4- السياره موديلها (85) لو بعتها ما جابت أربعة ألاف وأبي مكينه وجربكس حول قيمة السياره .

الي عنده فكره والا رأي الله يجزيه خير لا يبخل علينا.

الفزعه يارجاجيل السفر والبر بمكينة سياره ديزل

إعلانات ذات صلة

عندك سيارات ومركبات؟
الكل: 2

انا اول مرت اسمع بتبديل المكاين قصدي من بنزين الى ديزل لكن اذا تقدر ترهم لسيارتك فانا انصحك بمكينة الهمر h1 مكينه نار واذا تبي تختصر خذلك همر وفك نفسك
تحياتي لك

شوف حبيبي

التوليف وخصوصا لمثل هذي الشغلات

مايقدر يضبطها الا شخص مختص وفنان وقد مر بتجارب تغيير مكاين ومااعتقد انك بتلاقي

وليه ماتشتري موتر مكينته ديزل جاهزه وتختصر

أضف رداً جديداً..