الجميح: معقول سيارة ماشيه 34 ألف و محتاجه توضيب ماكينه؟؟

قدم شكوى ع وزارة التجاره واذا تجيد اللغه ارسل ايميل لشركه الأم ورح يسويها وهوه مايشووف الطريق .

الجميح والعيسى سابقا

توقع اي شي خصوصا صيانة الجميح اللي ع خريص

ستبدلون القطع من سيارات

وهم عارفين هالشي

افضل حاجه سجل اسم اللي يستلم.السيارة
وصورها فيديو او تصوير عادي علشان لو اختلف شي عليك
تطلعها من عيونهم

تصدق اعرف لك واحد شخصيا اشترى تاهو (( وكـــــــــــــــاله )) المهم قال ببدله بسياره صغيره ووداه للحراج وجاه زبون وعطاه عربونه الصدفه ان الزبون فحص السياره زيادة حرص منه والفاجعه طلع مغير جنبه الايمن ورجع راعي التاهو للمعرض الي فكه منه قاله ياخي الموتر له فوق 6 شهور وش يضمن لي انك ماصدمت عليه وصلحته !!
راحوا لشيخ المعارض ولاهنا فايده وباع بخساره الله يعوض عليه منكحه مابعدها منكحه

اخوي لا ترضى الا باسترداد دراهمك ونصيحه لك خذ ياباني وانس همومك

والجميح طالعه له فظيحه يجدد السيارات المستعمله على انها وكاله !!

فعلا لو خليت لخربت

1. بقلم: AboShomoukh
2. بقلم: عادى
3. بقلم: بوعابدكوو

مشكور يا أخوان




هل في أحد مر بمشكله و خاطب وزارة التجارة أو ادارة الجميح الرئيسيه بخصوص التصليحات؟

اخوي انا صارت معي شخصي بس السياره كاديلاك وكانت السياره على الضمان والمكينه تعطلت وقالوا لي لابد من تغيير او توضيب قلت لهم تغيير لانها على الضمان قالوا لا توضيب لبقت السياره على جنب واتصلت على شركة الام لجنرال بالامارات مع انه رقمه مادري وينه
المهم ردت علي وحده من شركة جنرال وانواع الهواش وقلت لها اشتر سياره وتحت الضمان ولا يغييروا لي مكينه البلاء من عندكم
المهم بكره من ثاني يوم يدقوا عليا تعال وين الكاديلك وين حاطه وغيروا لي مكينه جديده
فانصيحتي لك اتصل على شركة الام بالامارات

عن تجربه واقع
موظفي العيسى يخافون من الادارة وعلشان كذ منضبطين .ولو الود ودهم لعبو لعباتهم مثل موظفي الجميح اللي مايهمهم العميل وكلهم حراميه وخصوصا صيانة خريص
اقسم لك بالله وانا صايم موظفي الجميح استبدلو كفرات وجنوط يوكن
وانكرو هذا الشي وقالو لصاحب السيارة جب شي يثبت تغيرها باخرى صور او تصوير فيديو ومشوهها عليه
والثاني تاهو استبدلو مسجل الدفي دي
بصدفه صاحب السيارة شاف المسجل مو حقه ولمن شغل السي دي مااشتغل ورجع لهم وقالهم مو تبعه المسجل انكرو في البدايه وقالو له نفس الشي جب مايثبت اننا غيرناه او صةر رللمسجل
قال حقي معروف فيه كسر سبحان الله جابو كل المسجلاات المستبدله وحصله بينهم
رفض استلامه وقالهم راح اشتكيكم ع وزارة التجاة
حالو ي
رضونه بجديد واتصل بدبي وعلمهم القصه وجابو له جديد مع استلام القديم المستبدل
لكن من يهتم فيك من الشركة الا اذ اتصلت ع الادارة الاقليمه بدبي لان الجميح وموظفيها مافكرو بالعميل ومثله ابو جميل
انتبهووو صور سيارتكم لان مافيه احد يحميك بعد الله الا لسانك والاثباتات
من حرامية السيارات مصاصين الدماء
حسبي الله عليهم ونعم الوكيل

من واقع تجربة

اتفق مع ردود الأعضاء أبدا أولا بالاتصال بالإدارة الإقليمية بدبي

سجل شكوى

اطلب تغيير المكينة وليس التوظيب

اطلب سيارة بديلة ويعطونك

وإذا ما تجاوبوا معاك لأي ردك الأم كتب وزارة التجارة

وكلام راعي الناتو صدق صارت مع أخوي فاك كابرس من الجميح وكالة وطلع الجنب مرشوش كامل :(

انا سامع ان الجميح الان ليس للجميح الي فيه الان لبنانيين ماخذينه من الجميح

وش ذي السياره !!!

عموما إذا تجاوبة الشركه معك أو قدم شكوى للتجارة

الله يعوضك يارب


ت
اتصل ع الشركة الرئيسية احسن هم بيعطوك حل نهائي

مشكور يا أخوان

و إن شاء الله راح أطالب بتغيير الماكينه بجديده و راح أبلغكم بالرد

و كل عام و أنتم بخير

هذا رقمهم بالإمارات
0097144290349

كما وعدتكم بالرد:


بعد مده شهرين و نصف ... مضيت منها نصف شهر من غير سياره و شهرين بسياره بديله (بليزر 2013)

الحمد لله قمت بإستلام سيارتي بعد تغيير الماكينه بالكامل على الضمان و دون دفع اي شيئ للجميح

بشكل عام و بعيد عن الجدالات و طريقه التعامل الغير لائقه أحيانا من موظفين الجميح .... انا راض عم خدمتهم و سيارتي رجعت بالسلامه و على الضمان و هو المطلوب و الحمد لله