استفسار بخصوص مرسيدس الشبح

بالنسبه للقطع اشوفها غير ملبالغ فيها وهي ارخص من شركات اخرى ...
انصحك تاخذ 97او98 وشي نظيف
اذا انت مانت راعي سرعات ومشاوير . خوذ ال320 بدون تردد . اما اذا تبي السرعه والعزم الاكبر والمناسبه بكل حالاتها ال500 .
الاسعار تختلف بالمرسيدس وهي عالنظافه مو عالموديل . تبي الشي النظيف والمناسب ماينزل عن 26 وفي بعضها تتعداال35 والممشى له دور

أؤيد الرد رقم 1

ماقصرتو يا شباب والله
الله يعطيك العافيه

أنحش منه واهرب منه هروبك من الأسد
عند الوالد موديل 98
قبل 6 شهور طاح مفتاحه في المويه ماقدرنا نشغله
اضطرت الوكالة تجيبه من ألمانيا برقم القطعة وانتظرنا 20 يوم السيارة واقفه
المفتاح كلفنا 2800 ريال مع البرمجة بس عشانه طاح في المويه
انا كان معي شبح قبله الله لايرده قطعه غالية وماتلاقي اللي يعرف يصلحه ماعندك الا هالشوام ماغير صفق غير طبيعي والله مايرحمون
اذا ماركبته تراه عفش يعني قاسي في المركب انا اقصد الشبح مو الفياقرا
من يوم بعته وانا احس اني انعتقت منه الله لايرده
مانت لاقي نظيف لان الاستيراد موقف والاستخدام سعودي مهلوك هلك يروع
اشتر لك سيارة معروفه وقطعها متداوله ولو قدرت ياباني جديد وريح راسك
الألماني سيارة بس صيانة وقطع شي مو معقول