اخوي شرا سياره تحت الميكرفون ليت تعطوني رايكم

شوف ياغالي ...

اللي تحت المكرفون سمك في موية ... وغالباً تكون لشريطي ويدفها لاول ضحية
تذكرت واحد الله يستر عليه :
راح وشافهم يحرجون على كامري موديل 2009
الرجال وقف واتفرج على السيارة ... ومن هنا ومن هنا
والسوم كان واصل 50 الف ... قال 52
قالوا مبروووك عليك .... على طول .. :)
الرجال مسكين يقول تفاجأت ولا احد زاود ولا شي وتو طلعت مني ال 52 قالوا مبروك عليك ...
المهم اخذها وتوكل على الله
السيارة مفقعه .. دخلها الشركة كلفته 6 الالف ريال إصلاحات ..
والسيارة طلعت مصدومة من الجنب وحالتها حاله ..

الله يستر عليه .. حتى بعد ماصلحها ماهي مضبوطه من الصدمة ...
ف راح باعها ب 35 الف ريال :(

والله هذا الى خفت منه شريطيه مايخلون احد بحاله

صحيح يالرد 1

انا سيارة وحده اخذتها من تحت المكرفون
وحلف بالله راعيها انها زي الورده وان مايعيبها شيء

ولمى طلعتها
اكتشفت ان الايرباقات طالعه
وان راس المكينة مصلح مشي حالك
وان الثلاجه خربانه
وان المكيف خربان
والموتر فيه اشياء كثيرة

قلت حسبي الله ونعم الوكيل

لازم تعرف تحت المكرفون سمك في موية لا فحصي ولا فحصك ...
تدب وترفع السعر ... وانت تشوف بعيونك السيارة وماتدري وش فيها وش مافيها ...
ولا حتى تسوقها ...

الافضل للي بياخذ سيارة من تحت الميكرفون ... لا يدفع فيها حقها ...
واذا شفتهم ملمومين والمحرج يزيد السعر من عنده بدون ماحد يزاود
ف اعرف انها لعبه ..

ولا يغرك هندي راعيها ولا باكستاني ولا مصري ولا تركي ولا شامي .. ولا بنقالي
شايب ولا شباب ... لانه بالاخير يطلع شريطي منهم وفيهم ...

واللي يفكر يشتري سيارة من تحت الميكرفون لازم يكون موجود من بدري ويشوف اللعبه من اولها ... ويكون محدد نوع معين من السيارات .... وينتظر لين تجي .. ويكون عارف سعرها .. صح .. وينزل تحته بكثير .....

والله العضيم اني كلمته اكثر من مره يقولي خلاص دفعت العربون وبكره بروح استلم السياره
وقلت الا تحت الميكرفون تراهم نصابين

ياخي لازم تعرف شي

لو السياره كويسه هل من الممكن ان الشريطي يخسر من قيمتها ويبيعها مكرفون لا والله

تبي تلقاه مسنتر بالساحه ويتقهوى الين يجيه الزبون

لذلك حتى وان كانك السياره لمستخدم وهي سليمه سوف لن يدعها هذا الكائن الخسيس المسمى الشريطي
سوف يغتنم الفرصه قبلك ويشتريها

يازين حراج الكويت

والله تحت المكرفون يشرط عليك المحرج

الفحححححححححححححص طلعها من هنا وعلى الفحص لايردك الا الفحص

واذا طلع بالموتر شيء خذ فلوسك حبيبي

الله لايبارك في الناس اللي ماتخاف الله
لايبينون ولا يظهرون عيوب سلعهم فعشان كذا ربي يمحق البركة منها

لا تفحص ولا تشوف ولا ولا

طيب يمكن السيارة مافيها قير ولا مافيها مكينة اشتري بودي بس ؟!

من باكستاني الله يهدي اخوك تلقاها مقصوصه والا شاصها فيها مشكله لاكن اقول الله يستر عليه

ماحصلها الا الباكستانيه والشريطيه ياخذو سيارات معدومه تشليح ويجلس يصلح فيها سنه على فرغته بالورشه وطبعا شغل اي كلام اهم شي تمشي ثم دفها تحت الميكرفون وانتظر لك صيده يصكها بظهره وتحت الميكرفون اسعار عجيبه وبياعين....ازيرا 2012 انباعت ب 42 الف والنظيفه سعرها مايقل عن 90 !!لما سالنا الايرباقات مفقعه والقير مضروب ومعروف قير الازيرا بالوكاله ب 28 الف !! واكلها صاحبنا

اولا الله يعوضكم خير وانشاء الله الله سليمه ومافيها الا الخير ثانيا لا تشتري من الحراج الا معاك مهندس تركي ولا فلبيني اعطه 200ريال للمشوار وهو يجي ويفحص معك هذي احسن طريقة

من برا الله الله ومن داخل يستر الله يعيش وياكل غيرها حسبي الله على كل غشاش

لا مطوع ولا غيره انا يماني (مطوع) بلحية نصب علي سام لي سيارة ب 25000 وقال والله لي
ولا خذيت عليه عربون ولا شي قلت ثقة وبالاخير قال ماتسوى 20 الف بعد ماخرجها من المعارض
ويو رجعت مرة ثانية لقيت الشريطية يسومون على16 الف

لو ان التصوير ماهو واضح
لكن الانوار الامامية تختلف وشكلة مغير الجنب من جهة المعاون والوجهية

روح ورشة وشيك على الشاصي وشيك على السياره من الى ونظام الفرامل الشاصي والركب لسلامة اخوك من الحوادث لاقدر الله

فعلا عندنا حراج السيارات يحتاج لوقفة حازمة غش غير طبيعي ومبالغة في الاسعار
وجميع انواع البيوع المحرمة نسال الله السلامة من المال الحرام .

ابتعد عن النطيحه والمترديه ومااكل السبع

تحت المكرفون غش في غش وتلقى الي يزاودو عليه كلهم اصحاب ومعارف ومجرد تقول كلمه طبو فيك وقامو يترجو خويهم عشان يبيع وطبعا باقل مكسب 2000 ريال له . ان ماكانت اكثر

واذا كان ولابد من تحت المكرفون فعلى الاقل لاتدفع فوق 10000 ريال والموديل من فوق 2005 وانت طالع وفي سياره قطعها متوفره ورخيصه

ماتدخل سيارة تحت المكرفون إلا فيها مشكلة
إما الإستمارة أو الموتر نفسه فيه مشاكل

قل لخوك يخسر العربون افضل من انه ياخذها ويخسر الكثير وخلها تصير درس له

ايه والله خل العربون يولي اذا كان 500 ريال اعتبرها صدقه

نصيحه لاتشتري من الحراجات

شريت سياره مع باكستاني
والله اني كل يوم ادعي عليه لحد مابعتها

غشني الله لا يوفقه

المكرفون هذا قصته قصه


والله انهم نصابين وخصوصا اللي بحراج النسيم

طريقة عملهم كالتالي

محرّج و مقنع و مصرّف

المحرّج واضح تلقى معه دفتر فواتير متعفط رااايح فيها ويحرج والمقنع تلقاه واقف عنده ويحببك بالموتر وينادي
واوووول مايجيهم موتر وسعره طايح مايبيعونه لك لاااااا يشترونه هم مسسستحيل يبيعونك شي نظيف ولا حتى مضروب ورخيص لان الاولويه لهم يشترونه منك ويصلحون او ينومونها عندهم بحوش لين ينسونها الي زايرين الحراج ويطلعونها ويبيعون بمكسب

وبعدها يبدون نصب



عاااااااااااد نجي للمصرّف هذا يجيبون لك شخص مؤدب وعليه علامات الصلاح لكن يا يكونون شارين ذمته وهو محتاج او شخص يعرف يمثل مضبووط وهو متخصص ..

أعرف شخص اردني محتاج واحواله شوي تعبانه ينادونه اليمانيين والله يتضاربون عليه كل واحد يقول تعال عندي ولك من السعي شغل هالاردني ياخذ الموتر قبل صلاة العصر ويدخل فيه المعارض ويجي للحراج يدخل ولااااا كأنه يعرفهم والله انه شوف عيني ويحاولون يقنعونه يبيع وهم معطينه حد اذا وصل له يبيع هههههههههههههههه والمضحك ان عندهم طريقة (ابيك بكلمة راس) يسحبك بعييد عن الناس كأنه بيقنعك بالبيع وهو يقول لك بيع ولا لاتبيع باقي شوي والله حاولت انصح هالشخص اكثر من مره ووقفت بالحراج وحذرت الناس من هالسياره بالذات عشان ابري ذمتي لاني عارف قيرها شبه مخبط ومصلحينه بس تمشية حال والله وقفت لين تعبت وبعدها مشيت
المهم هم يحبووون الاردنيي والفلسطيني لان كلنا نعرف كيف استخدامهم للسيارات وحبهم لها اذا كانت ملك لهم انا اصنفهم بعد الفلبينيين بالاهتمام بالسيارات


المهم يا اخوان تكفوووووووون لاحد يشتري من الحراج مهما كان محتاج والله كلها نصب بنصب
انت شف اشكالهم واغسل يدك

وكلامهم :

الزين عندي (وانت تشوف الموتر يرررقص وهو واقف وزيوته تصب صب)
الموتر جدييييد بس منقلب مره ومخبط اربع مرات والله انصحك فيه

المشكله تجي وتشوف آثار الانقلاب وتقول منقلب الموتر يقول لا انقلاب بسيط والله الموتر نظيف
لكن تعال وانت تبي تبيعه موتر نظيف بس فيه باب ولا رفرف يقول لاااااا الموتر معيوب



الحذرررر