إستشارة من اصحاب الدينات

اما انا فشوري لك اذا مالك خبره فابعد عن هذا المجال السائق لايرضي باقل من النص وان قبل براتب فكيف تراقبه بتقول باركب جهاز تتبع اقول كيف تعرف بكم اتفق وكم كسب بالشهر
وربي يرزقك من واسع فضله

شاكر لك ردك
لكن اش علاقة الخبرة بهذا المجال!
لو قلت لك تريلة او قلاب يحتاج لك خبرة وعلاقات

لو كل عمل نظرنا له انه يحتاج خبرة ما حد سوى شي.

لكن دينا اش الخبرة الي تحتاجها.
وهل دخلت انت بهذا المجال وجربته؟

لو عطيته النصف بيكون اكثر من راتبة الي يستحقه
لذلك اذا أجرت السيارة عليه بيطلع اكثر من النص ويدبر عمره اذا كانت صندوق اما سطحة مايحتاج خبرة
انشر رقمك وانتظر رزقك


ما زال السؤال قائم
ايهم اكثر ربح؟

لو بتشتغل عليها انت لابس شي طيب لاكن سائق ماتستفيد منه بلعكس بيشتغل ويحط بجيبه ونت عليك المصاريف اشي اثاني الأجنبي غير مرغوب عند الزبون يبون سعودي والان فيه حمله على الدينات من قبل المرور يلزمونهم في رخصه عمومي وزن نضامي لموازين وزارت النقل
شفلك مشروع تشرف علىه بنفسك وقدام عينك مثل محل مواد بناء او مغاسل مطوره اتمنالك التوفيق

اعتبرني ماقلت شي واشتغل واعطنا خبرتك بهذا المجال وتجربتك
اذا دفعت مية الف او حولها وتعثرت العامل بينقل كفاله بسهوله لاكم الدينه كيف تبيعها بدون خساره كبيره
اتمنى لك التوفيق....,