ماسبب كثرة عرض جالكسي اس 4 للبيع في سوق مستعمل

يكفيك انه افضل جهاز في العالم لهذا العام ولا يغرك الي بقول لك انه جهاز فاشل خلك منهم وليس الحكم على الجهاز انا ولا انت ولا فلان شوف العالم الفهامة في التقنيات خذ هذا الرابط
http://arabic.cnn.com/2013/scitech/5/21/galaxy.s4.best_phone/

الجهاز بحد ذاته مستحيل يكون فاشل ... لكن الفاشل هو اللي اشتراه للفشخرة والترزز وماهو قادر يستخدم التقنية اللي بين يديه .. من اجل ذلك بعد ما يشتريه بيومين يتحسف ويقوم يعرضه للبيع واسم انه تسجل في سجل مشترياته للذكرى جهاز بهذا القدر العالي من التقنية .

السبب الرئيسي لفشل الجهاز هو اخذه لثلث الذاكره

يعني تشتريه جديد 16 قيقا

تلقاه فاضي 4 قيقا . او 6 النظام ماخذ ثلث الذاكره والامر هذا ادى الى احتجاج كثير من الناس وارسال ايميلات اعتراض وشكاوي . الخبر هذا قريته بالصحف العالميه قبل سبوعين واللي يبي يتأكد يسأل العم قوقل ويسأل الناس

والله مساكين الي ما عندهم خبرة عن الجهاز ويتكلم كأن عالم زمانه شوفي الجهاز وانت احكم
جهاز بصراحة روعة روعة
http://www.youtube.com/watch?v=oL8Z9kXging
نعيب الجهاز والعيب في من لم يعرف كيف الاستفادة من أروع ميزاته والذي يعيب الجهاز هو في الأصل فاشل في استخدامه وليس عيب في الجهاز بل عيب في طريقة استخدامة

انا ابي اعرف الي يمدح الجهاز وهو ماجربه !!!!! .. كل شوي جايب لنا رابط وشوف وشوف!!!
كيف تطلق عليه حكم وانت ماجربته !!1
..
الجهاز نصيحة لكم فاشل ... اما الكميرة ممتازة جدا .. سريع في التصفح .. الباقي مايسوى شي ..
..
حنا نعرف في حياتنا اليومية اشياء مجربة ينصح بها ... ويترك بعض الاشياء التي اعلى منها او اكثر سمعة

هههههاي يعجبني هياط المتعصبين

عالعموم اجهزة سامسونج رغم منظرها الخلاب والشاشه البراقه والموصفات الي يقولون عنها
الا انها اثبتت فشل ذريع بشتى المقاييس

ممكن يشتغل معك الجهاز تمام وبعدها جميع انواع التهنيق والتعليق وشوي يطفي بالحاله لين تكره نفسك
معي نوت 2 شاريه اول مانزل 2700
والله ما حدني عليه غير حجم الشاشه فقط
يازين الايفوووووووون جهاز خرافي عندما تقارنه بعد الاستخدام باجهزة سامسونج

اللي ما شاف المعاينة اللي بالرابط لا يتفلسف
وبعدين الجهاز ممتاز جدا جدا جدا

كل واحد يحط من كيسه
هههههههه وهو ماجرب

اعتقد ان سياسة الشركه في الاصدارات المتكرره هي السبب الاول ، فكل شوي طالعين لنا بموديل جديد ويالله بيع على هالمساكين ...

والشي الثاني الجهاز لا يقارن بالايفون ..

والشي الثالث والاهم ان جهاز السامسونج افضل من الايفون من نظره المختصين بالتقنيه ، يعني الناس اللي تفهم بالبرمجه ، لأن جهاز السامسونج يتيح لك الخيار بالتحكم بملفات انظمة واعادات الجهاز بشكل اكبر من الايفون ، والايفون مقفل كل التحكم والتعديل والعبث في نظام الجهاز

5. بقلم: تميزانسان


والى اللحين انت ؟؟

بأختصار شوفوا موضوع هذا الشخص ^^
http://www.mstaml.com/forum/fr.php?i=206797
وبتستفيدوا

اللي يبي جهاز قوي ومواصفات عاليه ياخذه واللي مايعرف له يجلس على نوكيا

شكرا لكم جميعا على التفاعل والرد

السلام عليكم ورحمة الله وبركاته ::
اولا أجهزة السامسونج لاتتقارن مع الايفون
لان نظام كلاً منهما يختلف عن الاخر والاقرب للمقارنة مع أجهزة السامسونج هما HTC وLG لان النظام واحد
والايفون لأصحاب العقول المفكرة والمتجددة لان فيه ابداع لا محدود
شكراً APPEL

لسبب انه جهاز خايس ليش ؟

لانه تجميع واي جهاز تجميع تكثر خراباته مثل اللاب توبات الموجوده في السوق لاتقارن بالماك لانها تجميع جرب الايفون وخذ ضمانه مني لاخراب ولا وجع راس وماسك سعره