وش الرأي، أفكر أفتح محل ولا نشاط..

افتح مشروع الناس ماتسغني عنه
المطاعم
مغاسل الملابس في حواري شقق العزوبيه
مغاسل سيارات

فكره جيده ومدخولها يعتمد على الموقع لكن إعتمادها على العامل بشكل أساسي لو راح وقف المحل.

حاول أن تجد فرص تجارية من خلال عملك أو وظيفتك سواء كان توريد أو تعاقد وأحذر أن تترك وظيفتك حتى تضاعف رأس مالك خمس مرات على أقل تقدير . وبالتوفيق أن شاءالله.

حياك الله يا اخي الكريم

فكرة الاستغناء عن الوظيفة كانت من مبدأ الاستقلال المالي بعد ان يزدهر النشاط مهما كان نوعه،،

نفس مشكلتك
افكر بكوفي شوب
مع 3 عمال وديكورات شعبيه وجلسات ارضيه
لكن اخاف يكلفني كثير
وهو مغامره
او يكون مرتع لمجموعه من الدشير الي يطيرون الزباين
لذلك لابد من البحث عن الموقع الصحيح الخالي من بعض الفئات من المجتمع او الاحياء الي فيها تكدس

وكذلك فكره مغسة + بوفيه عند منشأه حكوميه + بقاله في مكان ما فيه خدمات

افضل حل التكتل يعني لو اتفقت انت وثلاثة من ربعك تجمعةعندك 600 الف يعني وقتها الخيارات اكثر والأفكار تتلاقح والتعاون والشراكة طيبه

الحين كل شئ صعب تبي تفتح محل لازم تامين على العامل ولايعطون عمال بسهولة كل شئ صعب بوقتنا هذا لكن شوف لك مغسلة ولا محل قطع غيار الافكار كثيرة لكن هل تامن العمالة لازم تتابعهم دايم بوقتنا هذا تغيرت امور كثيرة لكن فتح محل ابرك من الاسهم اللي خسرتني وخسرت العالم متى نجمع فلوس ونستثمر بس

افضل استثمار في شراء الاراضي وبيعها

وعليكم السلام ورحمة الله وبركاتة

أختصرت علي في موضوعك يالغريب وبيض الله وجهك

كل شوي منزلي موضوع وفي الآخير ما حد رد علي ههههههههه

نفس اللي يدور في بالك في بالي له خمس شهور !!

رأس المال موجود ولا لقيت مشروع أو نشاط أقتنع فيه !!

كل شوي أقتنع بمشروع ثم أتعداهـ وأدور غيرهـ وهكذا !!

العمالة عندي موجودة لكن كل مشروع أفكر فيه تواجهني فيه مشكلة معينه

مما يسبب لي كرهـ له وأحباط !!

بنسبة للمحلات أحس ما تصلح لي ولك ! تصلح للي راس ماله كبير

لانه لو غامر وخسر ما ينكسر راس ماله ولا يضعف !

أفكر بمشروع تربية مواشي ودواجن وعساني أصمل

راس مالك يكفي لنشاط بس ماهو صامد في وجه ال supplies يعني ...
ولكن عندي لك فكره تفصيل على قدر راس مالك:
اشتر لك دينا بثلاجه ،
ودامك تقول العماله متوفره وفر لك سواق
وروح طال عمرك للديار اللي تزرع مثل الجنوب ولا الطايف
وجب فواكه وخظار وماشابه
ذالفكره فيها بركه بشكل ما تتصور ، وصدقني لو حتى استخدمت ذالفكره ك(صفايه) او محول يحول فلوسك لبركه فهذي لوحدها بتكفي كان فهمتني زين
المربح موجود
والزباين يمكن لو ادلك عليهم ماراح تصدق ان يوجد لديهم (فجوه) تنظيميه في الشي ذا وراح يقولون بك (هه) عشان بس تستمر معاهم بشكل احترافي منتظم
وزبدة الكلام هو البحث عن فجوات ومحاولة سدها
يعني مايصير (مثلاً) تفتح بقاله جمب خمس بقالات كذا مافيه (فجوه) ...
واهم شي النيه تكون سليمه و تزكي فلوسك بالزكاة الشرعيه وتكون لين وابد باذن الله تمشي امورك

شف موضوعي بيفيدك اخوي الغالي
http://www.mstaml.com/1807240/%D8%AF%D8%B1%D8%A7%D8%B3%D9%87_%D8%AC%D8%AF%D9%88%D9%89_%D9%84%D8%A7%D9%83%D8%AB%D8%B1_%D9%85%D9%86__250_%D9%85%D8%B4%D8%B1%D9%88%D8%B9_%D8%AA%D8%AC%D8%A7%D8%B1%D9%8A_%D9%85%D8%AD%D9%84%D9%84_%D9%88%D9%85%D8%AF%D8%B1%D9%88%D8%B3_%D8%A8%D9%80%D9%80/