موقع شركة زاجل للشحن

وربي انها افشل شركه وشغلهم تعبان حيل ...

قبل اسبوعين شريت جهاز ايفون من أحد الاخوان هنا في مستعمل وارسله على شركة زاجل

اتصلو علي تعال استلم الطرد


رحت لهم الا مضيعينه قالو انتظر ولي الان اسبوعين بالاخير يقول لي المصري

الله يعوض عليك

وعندهم موظف سعودي يقول ليه ترسلون عن طريق زاجل !! تدورون الرخص يعني !

كل رخيص مخيس << والله هذا كلامه

قال نعوضك 50 ريال !!!!!!!؟؟؟؟؟؟؟

وحسبي الله ونعم الوكيل فيهم

حتى طريقتهم بصف الطرود اي كلام كله رمي والله ان بعضها مفتووووووح

زاجل شركه فاشله 24 ساعه الخط مشغول او مافي رد

بعد 60 الف محاوله اتصال يرد موظف ويقول بسرعه بسرعه قول ايش عندك

كني قاعد اشحذهم واذا وصلت الطلبيه مايتصلون عليك .. بصراحه سيئه

واكره اي مجال فيه مصري او سوداني شغال . . اعوذ بالله نفوسهم شينه وثقيله

هههههههههه
سبحان الله شفت موضوعك وتذكرت ارسالية واحد من الزملاء و أخذت رقم زاجل بحفر الباطن من موضوعك و قبل مااتصل بثواني والا هم يتصلون يقولوا الارساليه وصلت خخخخ

الرقم يختلف عن الموجود بالموضوع

زاجل بحفر الباطن 037222299

للفائده

جهد رائع يشكر عليه الأستاذ حمود التميمي ...

فرع الإحساء يقع في حي الكوت بالهفوف
مقابل قصر ابراهيم الأثري من جهة الغرب
تلفون /
فرع الأحساء
5822248
5822246


نعم يعيب على الشركة تعامل بعض اخواننا المصريين العاملين في فروع الشركة
والتسعيره للطرود حسب مزاجية الموظف
الاهمال بالبظاعة

نشهد لهم بسرعة التوصيل والتواصل مع العملاء

دمتم بود ,,

نبض-إنسان
فرع حفرالباطن حراميه

والله مارديت بالموضوع وذكرت انها شركة فاشله الا من انسرق ايفون شريته من الاحساء وارسله الرجال عن طريق زاجل

والسرقة من نفس الشركة فرع حفرالباطن ووالكلام هذا صار له اقل من شهر

اتصلو علي قالو تعال استلم طرد واصلك من الاحساء

من جيت الا لا طرد ولا هم يحزنون اللهم ايصال الطرد بس وبالنهايه يقولون الله يعوض عليك !!

25. بقلم: one1470

مو مسألة حرامية ماحرامية

بس عندهم فوضويه وعدم ترتيب و عباس فوق دباس

وعندهم ساحه صغيره ينزلون الاغراض فيها واي واحد يدخل يمر من بين الاغراض يعني

اغراضك معرضه للسرقه هذا غير بعض الطرود تجيك مفتوحه او مكسوره

ولكن العين بصيره واليد قصيره

من يوم باعها المزيد
خرب زاجل

خلال السنه هذه ضيعوا لي 3 شحنات اقلها قيمتها 900 ريال
عندهم حراميه

انصح بعدم التعامل معهم الا في اضيق الحدود

الله لايوفقهم ولا يسامحمهم دنيا واخره

ارسلنا جهاز عروس وفساتين وعطورات ب 3500 ريال وسرقوها ..

وجلست اطامر وراهم من مصري في مصري وبالغصب وصلت لراعي الحلال سعودي .

وابلغه ..ولا كاني قايل له شيئ


بس الله فوق ..الله ينتقم منهم ..

أسوء شركة شحن في العالم..
لا تقدر ولا تحترم العميل..
ولا تفهم معنى الترتيب أو التنظيم..
عشوائية في عشوائية..
الشيء الوحيد الذي يميزهم هو رخص الأسعار..
ومع هذا فتحديد الأسعار عشوائية وتعتمد على الموظف وليس هناك نظام أسعار معين..
إذا حددوا لك يوم لوصول الشحنة فتأكد أنها لن تصل إلا بعد 3 أيام + أسبوع البحث عن الشحنة في كومة الشحنات العشوائية والمرمية في الارض..
رقمهم الموحد دائما مشغول..

شركة سيئة سيئة سيئة جدا جدا جدا..

قيمة تعويضهم لك إذا تلفت الشحنة هي 50 ريال فقط حتى لو كانت قيمة الشحنة 10 آلاف ريال..
تأكد أن تقوم بالاتفاق معهم مسبقاً على قيمة التعويض قبل التوقيع على الفاتورة لضمان حقك..

حسبي الله عليهم.. والله لا يحدنا عليهم مرة ثانية..

بحكم اني تعاملت معهم مره واحده فقط وان شاء الله تكون الاخيره

التوصيل السريع اشهد لهم
التعامل سيئ ولا في احد يحاسبهم
الاخلاق اخلاق شوارع مع احترامي للقارئ
فوضويه جدا جدا جدا ولا فيه اي تنظيم
جاني اتصال منهم وقالي تعال استلم طردك هالكلام 9 ونص صباحا
ما استلمته الا العصر
حدثت مشادات كلام مرتين قدامي من احد العملاء ومن موظف مصري متفرعن عندهم لكن للأمانه الباقي محترمين

احد الاشخاص جاي مستعجل الله يهديه والمصري ماعنده لا اخلاق ولا اسلوب وقاله بالحرف الواحد ( لا تشغلنا فيه ناس قدامك محنا ناقصينك ) العميل بدا بالكلام معاه الى ان وصل حده وراح جاب ( العجره ) من سيارته وضرب هالمصري المتفرعن

اللي ابي اوصله ان الشركه يبيلها اعاده تأسيس موظفين وتعلمهم كيفيه التعامل مع العملاء

طيب يااخوان الله يعطيكم العافيه دلونا على شركات احسن لان انا بعد ارسل عن طريقهم واحس انهم مو قد كذا...وفيهم فوضويه.....فماهو البديل جزاكم الله خير

البديل للاسف غالي
فيدكس
ارامكس
دي اتش ال

بس كلهم من 100 وفوق

الزاجل للشحن

الرياض، حي المنصورة بين مخرجي 19 و 20

تطلع للخدمه من مخرج 19

ياتيك مخرج 20 شارع معن بن زائدة

على يمينك جامع الشيخ ابراهيم العريفي رحمة الله تاخذ يمين مع شارع معن بن زائدة

تمشي 700 متر بالضبط

يجيك شارع محمد بن شعيل

تاخذ يمين ويكون على يسارك مستوصف حي المنصورة الحكومي

وتمشي لاخر الشارع مسافة 2 كيلومتر بالضبط

يجيك طريق الخرج اجباري يمين طبعا رجعك على مخرج 19 خليك بالخدمه وامشي مسافة 900 متر ياتيك مسجد الامام الذهبي خلف المسجد مدارس الفضيلة النسائية للتحفيظ المسائي
الزاجل بعدالمسجد مباشرة بينه وبين المسجد شارع 15 متر فقط مقابل لها تقريبا الهرم
تجد الزاجل على طريق الخدمة بالضبط تشوف سيارات الزاجل لونها اصفر مكتوب عليها بالازرق زاجل بالعربي والانجليزي

لو تعديت الزاجل بيجيك شارع الكمثري وبعدة بودي ماستر
وبعده ب 200 متر راح ترجع لشارع معن بن زائدة مره اخرى (مخرج20)

الاحداثيات
24.607985 / 46.760443

-----

وصف آخر

من مخرج 19 طريق الخرج متجه شمالا

ترجع جنوبا من (كبري حديد) وهو تقاطع شارع الامير محمد بن عبد الرحمن مع طريق الخرج

تتجه جنوبا طبعا لمخرج 19 وتدخل بالخدمه مسافة 900 متر تجد الزاجل على اليمين.

بعد مسجد الامام الذهبي وخلف المسجد مدارس الفضيلة النسائية للتحفيظ المسائي

الزاجل بعدالمسجد مباشرة

بينه وبين المسجد شارع 15 متر فقط

معليش انا ماقدر اذم الشركة لاني لحد الان لم اراء اي تقصير منهم اتجاهي
الا اني انتظر ارساليه عن طريقهم جيتني من جده
تكفون لا تخوفونا ياشباب

بالنسبة لي ما شفت مشاكل منها حتى الان غير ان الترتيب كان تعبان وتحسن الفترة الآخيرة والضغط عليهم شديد وعلى فكرة قبل كم يوم جربت الصاعدي وارسلت جهاز كمبيوتر مكتبي والله انه رهيب و سريع ورخيص فقط 7 ريال !! وقالي العامل خله على جنب عشان ما يصير له شئ

على العموم للي يدور فروع وارقام زاجل هذه من موقعهم

http://www.zajilit.com/zajil/contactourbranch.aspx

شباب عنوان زاجل في دبي ....؟ اين يقع او احداثياته

فيه شركة اسمها رواحل تعاملت معها كثير والله ممتازة جدا

الاخ الكريم..حمود التميمي
جزاك الله الف خير على هذا الموضوع شكلي راح استعين فيه بكل اعلاناتي..

جهد تشكر عليه...

عندي سؤال :
اللي ساكن بالدمام ابي وصف دقيق للفرع هناك لان عندي عميل ارسلتله البضاعه ولا يعرف مكان زاجل !! ؟
فأرجو منكم تكتبون الوصف لانهم للأسف مايردون على التلفونات : (

شكرا مقدما

افشل شركه والله العظيم جلست ارساليه اكثر من 20 يوم ما وصلت ولي الان اسبوعين انتظر ارساليه ثانية ما وصلت بعد وحسبي الله ونعم الوكيل فيهم

انصح بعدم التعامل معهم مو قطع رزق ولكن والله ادارة سيئة وعمال سئيين وخدمة تعبانه

شركة زاجل المنطقه الشرقيه الدمام

1- طريق الميناء
2-طريق الملك فهد قبل كبري طريق الامير نايف على اليمين بتجاه الغرب
3-طريق الامير نايف بتجاه الشمال قبل طريق الملك خالد على اليمين

يوجد ثلاث فروع
والمكتب فرع الميناء لشحن البضائع الكبيره
والفروع الثانيه للبضائع الوسط والصغيره