مشورتكم يا اخوان في مشروع تأجير التيادر

مشروع حلو توكل على الله
ياحبيبي العقارين يبحثون عن 10 بالمية بالسنه
وانت ماشالله رح تكون 100 % باقي تفكر انت !! اهم شي تضمن حقك توكل ع الله
وادخل مع اصحابك وعلمني معاك عندي دراهم ومحتار فيها ههههههههههه
بس فيه سؤال ليه الشركات الخمس قلت تم القبض عليهم ؟ ما حاولت تعرف السبب

سوئل وجيه يابزنس ليه الخمس شركاة قبض عليهم وهاذا ايلا الان ماقبض عليه لانه له واسطه قويه ولأنه بيكبر الشفطه تدري ان ضغط فك الاخطبوط يزن 5 طن

شوفو يا اخوان المشروع هذا معروض علي منذ اكثر من 6 شهور
يعني ماهي مسئلة يوم وليله
وانتظرت من شهر خمسة لحد الان وخصوصاّ بعد تحذير وزارة التجارة من مشاريع التيادر
ولا صار شي والارباح ماشية شهرياً لخوياي وعلى سنقة عشرة

الشركات اللي تم القبض عليهم
طلعو حراميه ياخذون من فلوس هذا ويعطون هذا
وشيكات بدون رصيد

الناس شغالة كذا لكن على مستوى أفراد لأن أصحاب التريلات يستأجر على حسب مشروعه يا تيدر يا سطحة يا تانكر لكن بعضهم ما يهتم بالنظافة والتشحيم للتيدر أو يمكن ينصدم أو ينقلب فتقل قيمته لما يسلمه .
لكن توكل على الله وأجر على ثقة وضمانات .
أما شغل الشركات هات فلوس ونشتري لك ونأجر أحسها حوسة ونصب ...
لأنها واضحة لو فيها فائدة وصدق صاحب الشركة أولى بالمصلحة يأجر لنفسه ولما يصفي خساراته ومكسبه يرمي التيدر بأقرب زبالة أو يبيعه سكراب .

بالنسبة للافراد ماعندي خلفية عنهم
لكن بالنسبة للشركة هذي
انا متردد لكن مع هذا مئطمئن لئن جميع زملائي داخلين فيها وهم اللي جابريني
فوق هذا بعضهم خلص الثلاث سنوات وصفى حسابه

مصيره يطيح الناس تاجر ب3وب2500 الان صدقني انا من مواليد السيارات مو اليوم ولا امس
لو فعلا فيه الكلام هذا شفته بالواقع مااااشفت منه شي بس كلام وهنا في مستعمل عضو
اعرفه تم المعرفه عنده تيادر يقول لي اجر واحد يرجع اثنين
تدري ان السياره بتديدرها تاجر ب11 بدون سواق وتلقى اقل بعد

ابوعمور

ياليت توضح لي اخوي كلامك
هل انت مع ام ضد

انا ضد والله

الكلام الي انت تقوله فيه سر الله اعلم به

مثل ماقلت لك الاسعار في السوق تختلف عن كلامك

واعرف ناس كثير وانا منهم صادوهم الحراميه سو فيه تاجير تيادر او تقسيط سيارات بالطريقه هذي نعم ينجح 100 ولكن يسقط الف يوم تنكشف شغلتهم

حتى لو كان صادق لابد يتورط

انصحك لوجه الله تبتعد عن هذه التجاره بالذات وعن الاشخاص الذين يتعاملون بهذه الطريقه
وتشيل الفكره من راسك نهائيا
وعن القلابات نهائيا لاني جربتها وادفع ثمن هذه الغلطه الى اليوم

والله يا اخوان اليوم بغيت ادخل ب 150 الف ريال
لكن لما علمت ان الكمبيلات غير مصدقة من الغرفة التجارية انصدمت
ومع هذا خوياي ماشين زي الحلاوه فيها

لكن والله خفت وتردتت لئنها راس المال وجايه دين وتعب
وكنت ناوي ابني فيها دور ثالث لي ولعيالي
لكن باذن الله يعوضني الله خير منها باذن الله