تابع مستعمل على
جميع الحقوق محفوظة ©
السلام عليكم
يا اخوان وش تنصحوني في مشروع القلابات
أخذت قرض من البنك بقيمة 100 الف ريال
لقيت لي تريلا مان 2003 وطالب فيها 75 الف ريال
ولقيت صندوق قلاب مستخدم بمبلغ 30 الف ريال
المجموع 100 الف ريال ...
وأبغى نصائحكم ومشورتكم
الله يوفقكم جميعا
هات لك تريلا ثلاجه افضل وتشتغل بين الدول
انا أشوف في موقع مستعمل وموقع حراج
اكثر العقود في القلابات
توصل الى 25 الف ريال شهريا
هل صحيح هالكلام
وهل الثلاجات مدخولها الشهري مثل القلابات
أتمنى يا اخوان تساعدوني وترشدوني من واقع خبرتكم أو تجاربكم
ولكم جزيل الشكر
مايذكر بلمواقع غير صحيح غير صحيح
ابعد لاتقرب الشغله هاذي نصيحه بدون ثمن عندي لك 11 قلاب تبيهم مع سواقينهم مجدده اقاماتهم ورخص عموم وخبره 6 سنوات وشغالين الان على 120 الف السياره ويذا انت صامل انزلك اقول لاتقرب الشغله لو ابي اشرحلك طال الكلام ابعد لاتورط بديون
هلا بك خذ كلام العويند ابعد عنها صدقني تدفع من جيبك سياره وحده لو قلنا 5 شاحنات 2 للجيب وثلاث مصاريف ممكن
ثم وين تشغلهم هل لديك عمل جاهز او على باب الله
يالحبيب شغالين بشغل واضح والحقيقه بعض الاشهر ندفع من جيوبنا
القلاب مثل البقره الحلوب ترضع نفسها اللي تجيبه في شهرين تاكله بشهر هذا اذاحصلت لك سواق يخاف الله
