تابع مستعمل على
جميع الحقوق محفوظة ©
السلام عليكم ورحمة الله وبركاته:
عزيزي عضو مستعمـل :
ماهي افضل البنوك في السعودية من حيث التعامل الممتاز والخدمة الممتازة للعميل في البنوك ...في جميع الخدمات البنكية للعميل ؟؟ وخدمة البنوك عن طريق الانترنت ايضا لاتنسوها ماأفضلها ؟؟
أعطوونا خبراتكم وتجاربكم مع البنوك اللي فاتحين فيها حساب ؟؟؟مع ذكر الخدمة المميزة والممتازة التي يخدم بها البنك للعميل ؟؟
حزين الرياض
مصرف الانماء
سامبا
الراجحي
الفرنسي
غيرها لاتدور
البنوك الوحيدة اللي يردون عليك لو تبي الساعه 4 الفجر هذولي البنوك غيرهم راح يقولون لك الساعه 8 العشا نقفل
ههههههه
بعض البنوك تسدد مديونية المواطنين ( بدون فوائد ) ومنها بنك الإستثمار !!!
قاعدة فقهية ( كــل قرض جـــــــــــر نفعاً فهو رباً )
يا إخواني ... كونوا حذرين من التعامل مع البنوك , ومن ترك شيئاً لله عوضه الله خيراً منه .
افضل بنك بالنسبة لك هو الذي تضع فيه الملايين لانه يخدم المال وليس صاحبه
.
جزاكم الله خير ومشكوورين على مشاركتكم ومروركم وأبـــداء رأيكم في أفضل البنوك في دولتنا الحبيبة المملكة العربية السعــــــودية .
عن تجربتي الرياض مب ذاك الزود
انشالله الاخوان يفيدونك
الانماء (أرقى تعامل و خدمات ممتازة على النت )
البلاد
أسوأ بنك على الاطلاق "بنك الراجحي"
شاكر مروركم الكريم
مصرف الإنماء
أفضل بنك / الإنماء
أسوأ بنك / الراجحي
وجهة نظر ...
الانماء
يكفي انك كل ماتجي تودع في الصراف تلاقيه شغال
الراجحي من اسوء البنوك اقصد بقاله الراجحي
جزاكم الله خير وشاكر لكم الاضافات والمشورة
بارك الله فيكم ،،،
افضل بنك البلاد بس عيبه قله الفروع
الموضوع قديم ولااكن بقول رأيي عشان اي واحد يبحث عن افضل البنوك يجد مايبحث عنه
انا طبعآ في بنك سامبا ومحول راتبي عليه من اكثر من 5 سنوات ومرتاح معهم لااخر درجه
من ناحية مراجعة الفرع يخلصونك في دقايق لازحمه ولامماطلة موضفين
بطاقتي الصرافه انتهاء تاريخها ومادريت انها انتهت الا يوم جتني بطاقه جديده على بريدي
يعني لاراجعتهم ولاكلمتهم بخصوص انتهاء تاريخ بطاقتي هم من انفسهم ارسلوها
بالنسبه لتمويل الشخصي ممتازين لامن ناحية الحصول عليه ولا من ناحية التسديد المبكر
المخالصه البنكيه يعطونك اياها من غير اي مماطله 7 ايام عمل والمخالصه بيدك
الايداعات متوفره على مدار الساعه لاعطلاان ولاخربان
اما الراجحي كان لي تعامل معهم ولاعمري تندمت على شي الا اني تعاملت معهم
اقل شي مره رحت لهم الساعه 10 صباحا ابي بس كشف حساب ماستلمته الا بعد صلااة الضهر ومن القهر شقيته عند الموضف
ومن ناحية التمويل الشخصي اقسم بالله جزارين اجل ماخذين نسبه 5% ولين جيت تسددهم مبكر مايطرحون لك ولاريال وفوق كذا خذ مماطلاات عشان بس ياخذون فلوسهم وتفتك
على كثر صرافتهم الا انها عطلاانه وايصالاات مافيه
وفعلآ هم يبيعون لك اسهم اذا طلبت تمويل بس تخيل قبل ماتوقع الاوراق يقولون لك يحق لك تاخذ مثلآ 100000 ولين وقعت مايمديك ترجع له القلم الا يقولك ترا الاسهم نزلت 7الااف عسى ماشر وفوائدهم نفس ماهي
هاذي بالنسبه للبنكين الي تعاملت معهم شخصيآ
اما الي اسمع عنهم انهم ممتازين ولااكن ماتعاملت معهم
هو بنك الانماء اسمع انه كويس بس ماتعاملت معه
ابعد عن الرياض الافضل - الراجحي - البلاد - سمبا - الانماء
الرياض اول واحد تبعد عنه فاشل بمعنى الكلمة لافروع مثل الناس وصرافات تسحب البطاقات
وغير كذا منتهيه مدري ليش حاطينها ؟
الراجحي ممتاز لكن مشكلته اذا واجهتك مشكلة لانك بتصف سرا مع مليون واحد لكن اذا أنت عميل مميز بتعيش ملك معهم .
البلاد صراف فخم بمعنى الكلمة وبالعكس الفروع اللي في منطقتنا جيده جداً وحتى كذلك الصرافات راقيه جداً .
السعودي الهولندي نفس البلاد .
هذا اللي خبري فيهم ^^ .
