السلام عليكم ورحمة الله وبركاتة
اريد شراء فله بالتقسيط عن طريقة بنك فما افضل بنك يقوم بالتقسيط وماهي شروطة وكم نسبة الربح وكم عدد السنوات.. ارجو النصيحة
بنوكنا كلهم ماعندهم الا مص الدم انتبه والا تعجل وعليك بالصبر
راح تفرج قريب ان شاء الله
مثلها مثل الاتصالات قبل تجي موبايلي واللحين شوف الفرق بين اول واللحين
الله يبارك لنا ولك وتحصل ونحن كذلك
انا شفت امس أعلان على مكينة صراف الاستثمار ، يقول 3.4 نسبة الفائدة إذا كان هذا العقد اسلامي وعلى عقار الصراحــة فرصة الله يكتب لنا ولك الخير
شركة املاك للتمويل العقاري هي الافضل
3.25%
ويقولون ممكن تنزل خلال ايام الى 3.00%
ونصيحة اخ اصبر كم يوم وراح تنزل جميع البنوك فائدتها.
والله يوفقك لكل خير
الله يبارك لنا ولك وتحصل ونحن كذلك
لو سمخت ممكن تلفون شركة املاك وهل تمول في كافة مناطق المملكه ام في منطقة الرياض فقط
لو سمحت ممكن تلفون شركة املاك
لو سمحت ممكن تلفون شركة املاك النسبة ممتازه بس اهم شيئ الشروط وهل لديهم تأمين على العقار؟
ممكن تلفون شركة أملاك لو سمحت
الأخوة الأعزاء
من واقع تجربة أحد الزملاء القريبين فان بنك البلاد حسب نسبة 3.75% سنوياً.
ولكن بشرط أن يكون القسط الشهري أكثر من 5000 ريال والمدة لا تتجاوز 15 سنة.
بالتوفيق للجميع
يا أخي غريب أمر الناس اللي تسأل عن رقم أملاك؟؟؟؟
فيه شي أسمه 905 كلم واطلب منهم رقم املاك ولا تضيع وقتك وتنتظر واخر شي ماحد حولك!!!!
رقم املاك 80012236227
رقم املاك 8001236227
اخواني احذرو البنوك والاعيبهم
ونقلن عن احد الزملاء كان بيشتري عقار عن طريق بنك الرياض واثناء قرائته للعقد وجد بند مدحوش بين البنود ينص على ان البنك يقوم بتسعيير العقار كل سنتين وهذا يعني بأن البنك من حقه يرفع رعليك قيمة البيت او ((يخفظة)) حسب وضع السوق في ذاك الوقت .
طبعاً البنك مافي امل يخفظ العقار بل سيرفع من قيمته وهكذا تظل مرهون له طول عمرك .
افظل طريقه تاخذ كل الاوراق الي مطلوب منك توقيعها فيما لو اشتريت عن طريقهم وتعرضها على محامي فاهم وموثوق به وتخليه يعطيك كل الخوازيك الي وده يخوزقك فيها البنك وبعدها تقرر حتى يكون قرارك ضائب .
ولا تنخدع ابد بكلام المندوبين ((ترى ياخذون عموله على كل زبون ))يعني انت صيد ثمين في نظرهم لا يمكن يفوتونك.
السلام عليكم ورحمة الله وبركاته
شخص مقرب ذهب
البنك الاهلي سالهم عن الاقساط ويعطيك مجال تشتري حتى لو عليك مديونية عندهم لكن
اذا شريت ارض عن طريقهم ممنوع تبني عليها الا اذا سددتهم كامل يعني صور جنب الارض
وياخذون عليك دبل القيمة
ولازم يكون راتبك محول عندهم يعني ما يكتفون بان الارض باسمهم
يااخوان الكلام للجميع
لا احد يتورط مع البنوك كلهم نصابين ومصاصين دماء يغيرون النسبه كل سنتين او ثلاث ويرهنون البيت باسمهم (اتكلم عن الرهن العقاري)واذا قدر الله وتوفى المقترض او تعثر بالسداد راح عليه البيت حتى لو انه سدد 9 سنوات وبقى سنه وحده يطلعون عيالك ويرمونهم بالشارع ولا كانك دفعت شي في البيت
هل هذا حلال ياعالم؟؟؟؟؟
نسئل الله ان يفرجها ويهدي حكومتنا وتوفر لنا سكن وننفك من هالجزارين
الظاهر الان أن نسب ( المرابحة ) تغيرت الى الاعلى
والله المستعان
جيت ابي اشتري فله تقسيط والراتب تضامن بس لمن عرفت شروط البيع والرهن وفصفصتها يمكن لمدة اسبوع ووسئلت عن بعض البنود المبهمه وجدت المواطن مظلوم وبشكل كبير لا يتخيله العقل وجميع البنود ضدك وتدينك على كل حال من جميع الجوانب وكذلك يطلعونك من البيت لو انك دفعت 90% من قيمته وكذلك سوف تبقى مدى الحياة وانت في التقسيط المميت لأن فيه تقييم للعقار من سنتين الى خمس سنوات وطبعاً هم يقيمون العقار وبالتاكيد رايح يكون فيه زياده وبنسبه عاليه لاتقل عن 100000 في كل تقييم واحسب عليها النسبه وشف كم يطلع المبلغ وعليك الحساب لمدة 25سنه وبعدها تستلم التقييمات على تلك السنوات وتبدأ 25 سنه جديده وتموت وانت ماخلصت وعلى وشهو 300م ياحسرة نصيحة ابعدو عن البنوك اغلبها كذا وانا جيتهم وأن شاء الله بجرب بنك البلاد اشوفه والله يرزق الجميع وهذي نصيحه من شخص له مدة عام وانا ادور وبكل ركود وهدوء دون استعجال واعرف مالي وما علي مع هولاء النصابين الحراميه 0
لا احد يستعجل .. نظام الرهن العقاري سيكون متاح للجميع بعد فترة قصيره جدا ان شاء الله .... وهو بإذن الله الأفضل لمن يقوم بشراء منزل ويُضمن له الحق في منزله ..
لذلك حاول ان تبتعد عن البنوك وشبهتها في تملك المنازل ومن وجهة نظري لا اثق اطلاقا بفتاوهم التي يعرضونها على العملاء ظناً منهم ان العميل سيوافق مباشره ويوجد بشر بهذا التفكير الغير مدروس ....
15 سنة ليست بالأمر السهل ... واحتمال ان تتقاعد ويحسم جزء كبير من راتبك ويأخذ البنك حقه النظامي وبعدها لن يتبقى لك سوى القليل الذي لا يذكر ...؟؟؟؟
واعانك الله ...
الرهن العقاري كلام فاضي سوالف ترفع العقار مثل يوم قالو القرض العقاري 500 الف اشــــــــــــــــــــــــــــــــــــا عات