كيف اسوي مؤسسه نظافه وصيانه

202 قراءه ولا احد عند جواب !!!

المشكله أبغى أحذف الموضوع

ومو راضي يحذفونه

حياك الله اخوي اول شي تتوجه لمكتب عقار وتستاجر محل مساحة 24 او اكثر المهم مايقل عن 24 وال24 هي المحل ذو الفتحه الواحد يكفي وبعد توقيع العقد تتجه للبلديه وتقدم على طلب رخصة موسسة صيانه ونظافه وبعدها تتوجه للغرفه التجاريه تدفع اشتراك 800 ريال وبنفس الغرفه تصعد لوزارة الصناعه بموجب وصل استلام مبلغ الاشتراك 800 ريال ويتم فتح لك سجل ب200 ريال سجل صيانه ونظافه او تختصر الوضع وتفتحه عن طريق النت الي يريحك وبعد هذا تتوجه للزكاه ودخل وتاخذ شهادة انتساب وبعدها تتوجه لمكتب العمل تفتح ملف للمنشاه وبعدها تروح للموسسة التامينات الاجتماعيه وتنتسب لديها او تروح لتامينات قبل مكتب العمل المهم تصدر تراخيصك رخصه سجل اشتراك الغرفه الانتساب لدى الزكاه ودخل والتامينات الاجتماعيه وتروح بموجب السجل التجاري لمطبعه وتسوي لك ختم وتطلب تاسيس بعد فتح الملف وتمنح ثلاث تاشيرات وبنسبه للدخول بالمناقصات بعد ماتفتح ملفك وتخلص راسلني خاص اعلمك طريقة التسجيل في بوابة المشتريات واعتماد موسستك وفقك الله

ألف شكرر لك أخوي

وراح اراسلك على الخاص

غلام

السلام عليكم اخ t-almefleh بالنسبه لاشتراك الغرفه التجاريه مبلغ الاشتراك ال800 الي تقول عنه تقدر تقلصه الى 250 بدل ما تشترك في الاشتراك المميز قل لهم ابي اقل درجه لان بعض الموظفين الله يهديه ويصلحه ويسامحه يعطيك اعلى اشتراك من عنده عشان عليها عموله ولا يقول لك ان فيه اقل من الدرجه هاذي هذا الكلام قاله لي احد الموظفين في وزارة التجارة

لاياصاحبي غلام 800 ذي تبع الفرع الرئيسي للموسسه ولا في اي حال من الاحوال ينزل و800 هي اقل درجه للموسسات الرئيسيه 250 تبع الفروع

المشكله مو في 250 او 800
السجل التجاري لو تجدده 5 سنوات لازم تدفع 5 سنوات للغرفه التجاريه

والمكتب العمل من صوب ثاني على كل عامل 2500 زياده حقت رخصه العمل اللي كانت 100
غير السعوده اللي تكسر الظهر
غير التأمينات الإجتماعيه زادت مع السعوده

غير الرواتب العماله تدبلت ولاهم راضين كمان

غير الايجارات اللي ترفع ولا تنزل

كل شي في زياده بالأخير ما تلقى لك مشروع تمسكه
يعطي مصاريفك

والمشكله الكبرى لو مسكت المشروع ولا دفعوا الجهه المختصصه بسبب الميزانيه طايح ولا فيه رصيد بعدها لم تستطيع دفع رواتب للعماله وللسعوديين

بعدها ايش يصير !!

تجي المكتب العمل توقف خدماتك وتطالبك برواتب وكأنها لا تعلم بالسبب الرئيسي لعدم استطاعتك بدفع الرواتب

وهنا تدور السلف علشان تدفع رواتب والايجارات والاقامات والتجديد اوراقك الرسميه

وقبل ما تفكر إنك تسدد السلف الا وجاك المصاريف الجديده والرواتب وغيرها !!!

وآسف على الاطاله

للأسف هذي حالتنا الواقعيه !!

هههههههههههههههاي ذكرتني بنفسي قبل شهرين سويت كشف حساب 6 شهور بطلع سياره عائليه واكتشفت ان خلال 6 شهور حساب الموسسة الكلي لمدة 6 شهور بس 204 الاف وانا مامعي غير 16 الف دقيت على المحاسب وخليته يجيني البيت وجلسنا نحسب مصاريف الموسسة دخل الموسسه 204 مصاريف الموسسة 187 الف طلعت كلها كروت عمل جوزات سداد استقدام سجل وزكاه وغيره لاتشكي لي ابكي لك بنسبه للصرف المستخلصات الله يعينك ياحبيبي احيان توصل المديونيات 400 الف وربحك مايزيد عن 50 الاف وهذي تروح اجار شقتك وقسط سيارتك وكم لبس لاطفالك قلت لك لاتشكي لي ابكي لك

ههه الله يعينك
وان شاء الله ان وزير العمل يمسك عقله ولا عاد يلخبط الامور زياده
وان شاء الله يلغون ال 2400 حقت رخصه العمل والسعوده على المنشأت الصغيره ( طبعا هالشي مستحيل لان كل وزير مهمته صارت جمع الاموال فقط للأسف )

والله يرزقك ويرزقنا

ويمدحون الامارات وقطر عندهم انظمه مرتبه ويهمهم فقط التنظيم والاستقرار غير ربعنا همهم جمع الاموال وتناقض بالقرارات الغبيه !!

والله يرحم القصيبي ونعم الوزير ( عملي ومنظم )

وتحياتي للجميع

مشكلتك الامارات وقطر تحتاج دراسه لسوق ومحاولة الدخول لو تتكبد خسائر كا بداية لان انت تبدا من جديد في سوق جديد غير السوق المعروف فيه

والله دايم افكر اروخ للامارات

على الاقل اعرف ايش لي وايش علي

مو وزيرنا كل شوي قرار والمشكله الكبرى
ان القرارات بدون دراسه ومضر لاي شخص لديه مشروع

hmaa1399

روح للتجارة وطلع سجل تجاري وستاجر محل وطلع الرخصة المحل
وبس تبغى منك راس مال للفيزا
بيعطوك 3 عمال
اول شي حتي تنجح في اول مشروع وبعدين يعطوك زيادة
بس مشروع المقاولات يبغى دعم فلووووس

العويند