تابع مستعمل على
جميع الحقوق محفوظة ©
السلام عليكم جميعا اخواني التقاعد معادبقى عليه الى القليل فكرت وش اشغل نفسي فيه فكرت في محل مواد بنا منها اقضي وقت ومنها يجينا مبلغ يساعد مع راتب التقاعد فالا تبخلون على اخوكم يااهل المشوره المشروع مجدي وهل اجلس في المكحل بنفسي ولا اترك العامل والكسب بلنسبه
وعليكم السلام ورحمة الله
أولا أسأل الله لك التوفيق والسداد
ثانياً إذا ماتطيق الجلسة اعتبر مشروعك فاشل من الحين
لازم تلزم نفسك انك تكون أول من يفتح وآخر من يخرج وسيقتدون بك العمال
اقترح عليك تفتح سجل مقاولات وتنقل عليه اثنين معلمين سباكة
واثنين معلمين كهرباء
و10 عمال
و2 معلمين بناء ولياسة
ممكن لاحقاً تتوسع في مواد البناء وتفتح بلاط وسيراميك حينها جيب لك 2 معلمين تبليط
وحينها كمان زيد عدد العمال
والعمالة ذولي مبدئياً يشتغلون بالعمولة
يجيبون شغل من السوق ويسحبون المواد من المحل
اذا ماتقدر على اللي فوق كله عاد يبيلك تتعامل مباشرة مع المعلمين المعروفين في الحي اللي بتفتح فيه المحل
لازم تغريهم بالعمولات عشان يسحبون من عندك
ذولي اللي بيشغلون المحل هلى فكرة
المحل نفسه بعد فترة شفت نفسك اشتغلت وبدأت امورك تتحسن عاد جيب لك اثنين مندوبين جملة
طبعاً احسب حسابك بعد سنتين لو بتتوسع اكثر تحتاج حوش وعليه مستودع مواد بناء وسيارات وانيتات ودينات لتوصيل الطلبات
اذا ماتقدر تعامل مع اللي في السوق بس الله يعينك اسعارهم حامضة
وبالتوفيق
حياك الله اخوي يعطيك العافيه ماقصرت كفيت ووفيت
