عندي 100 الف و جديد في التجارة و ابيكم تعلموني طريقة اجراءاتها

اهلا




اول شي اسم المشروع عندك خيارين

باسمك الثلاثي و هدا تقدر تستخرج السجل في دقائق

باسم تجاري هدا تدخل على الموقع و تختار أسماء تجارية و بعد يومين يردوا عليك بالموافقه على واحد منهم

وطبعا كالعادة بتعبوك كل مره رفض الى ان تحصل على اسم مقبول

طبعا السجل التجاري و الاشتراك بالغرفة التجارية سوا ( 200+900 )

الان صار معاك سجل و تقدر تباشر عملك و لكن ما تقدر تستقدم عمال الا عن طريق مكتب العمل

تفتح ملف بمكتب العمل و بيطلب منك ترخيص من البلدية

تروح البلدية يطلبوا منك تستاجر محل و لكل مشروع مساحة معينة ( يعني قبل ما تستاجل تشيك )

بعد ما تستاجر المحل و وتحط الأثاث او الرفوف ( على حسب احتياج المشروع )

تركب لوحة للمحل و طبعا عليها رسوم سنوية للمتر ( اقل شي متر * متر )

تصور المحل موضحة اللوحة و تروح للبلدية و يطلع معك الفني يتاكد من كل شي سليم

يرسلوك الى الدفاع المدني و يطلب منك تشتري طفاية حريق لوحة ممنوع التدخين انارة الطوارئ

بعد ما تجهز كل شي يطلع معاك الدفاع المدني و يعطوك التصريح

ترجع للبلدية و يعطوك خطاب للأحوال استعلام عن المهنة اهم شي ما تكون موظف حكومي او عسكري

بعد ما تخلص من كل شي فوق يعطوك تصريح المحل التجاري

الآن تقدر تستقدم على العمال من مكتب العمل

تدخل التصاريح بالاسكنر و ترفعهم لموقع مكتب العمل وتقدم على العمال و طبعا لو قدمت على 5 عمال بيعطوك 2 او 3 فقط


الإجراءات تاخد من أسبوعين الى شهر



وأخيرا كل شي بفلوس يمشي شوف الك مكتب عنده علاقات يخلصها الك بسرعه و يعطيك العمال اللي تبيها

يعطيك الف عافية ما قصرت

الله يوفقك

انصحك بكفتريا سندوشتات بانواعها في الصباح (طع100 ، كبده ...الخ)

وفي الليل سنديشتات وبرجر ولو قدرت شاورما


وبالتوفيق والزرق الوفير ان شالله

ب التوفيق