عندك مطعم أو كافتيريا أو تبغى تفتح ؟ تعال جمعت أشياء تنفعك

السلام عليكم و رحمة الله و بركاته

كيف حالكم وش أخباركم ؟ إيش مسويين ؟ كيف الصحة ؟

جمعت لكم بعض فيديوهات لعمل بعض الأصناف اللي تتباع في الكافتيريات و المطاعم و معظمها من شيف يعتبر الأفضل في العالم العربي كله

مخصوص للناس اللي ترد على مواضيعي بأستهزاء و استنقاص و تقول مطلوب معلم شوارما و مطلوب معلم كافتيريا و غيره و غيره بطريقة أستنقاصية للسعوديين و بأنهم ما يقدرو ... !

حسبي الله و نعم الوكيل في كل من يحاول يستنقصو مننا و يثبط همتنا و يعتبرنا مو قد الأشياء هاذي

تفرجو و أتعلمو و جيبو لكم عمال سعوديين و علموهم و خلو الكلام اللي ما ينفع ..

و أهم شيء .. عاملوهم بقدرهم و حقوقهم و بالأنظمة في مكتب العمل و إذا العمل أكثر من 8 ساعات و الساعات الزيادة حاسبوهم عليها كساعات عمل أضافية و لها أجرها مو مثل العامل الأجنبي اللي تكرفو أبو أبوه و هو يسكت عشان همه يجمع فلوس و بس

مافيها شيء لما الشاب أو الرجل السعودي يتعلم يسوي شاورما أو فول و يبيع ... و يكسب رزق حلال ..!

هاذي الفيديوهات و ببلاش .. فاهمين ,, ببلاش ..! يعني مو محتاجه معهد أو تدريب أو غيره

ملاحظه : معظم الفيديوهات في البداية و النهاية فيها موسيقى .. أرجو الأنتباه لذلك اللهم بلغت اللهم فأشهد

حاولت قدر المستطاع إني أبعد عن الفيديوهات اللي فيها نساء و تكاد تكون خالية من الموسيقى

تفضلو ..

الشاورما بتفاصيل و أضافات


تميس و فول بشكل سريع بس ترى هذا المقطع فيه موسيقى


الفول .. بكل المعلومات حقته


الخبز الإيراني


التميس


الخبز الأفغاني في المنزل


المندي


الخبز العربي


تميس و فول بشكل سريع في البيت يعني ينفع توروه حريمكم بس ترى هذا المقطع فيه موسيقى كله من أوله لأخره


دجاج كودو و ترى اللي يطبخ سعودي ما شاء الله تبارك الرحمن عليه .. لأنه مبتعث و ما يقدر يآكل من أي مطعم عرف كيف يعتمد على نفسه و يطبخ لنفسه و عنده فيديوهات كمان آيسكريم و دجاج البيك
https://www.youtube.com/watch?feature=endscreen&v=i7PfSwwwE0Y&NR=1

أفكار للسندوتشات بمكونات عادية جداً موجودة في أي ماركت معظمها من قودي طبعاً القصد مو دعاية القصد تتفرجو على الأفكار و تتعلمو أفكار لمشاريع صغيره و للمعلومية لما تروح أي كافي زي جو فريز أو روتانا أو حتى رابيس حق الجامعة يسو أفكار زي كذا في الساندوتشات و يبيعو الواحد ب 12 أو 13 ريال .. أتفرجو عليها و شوفها يعني الشباب السعوديين ما يقدرو يسو زي كذا .. ولا بس الفلبينين و اللبانين و غيره ؟ و ترى اللي يقدموه حريم سعوديات بس متحجبات


البرجر بأنواعه - طبعاً هذا للي يبغى يذبح الذبيحه و يفرم لحمها في المحل و يخترع نكهات لذيذة و مميزة من راسه تكون خاصة بيه بس و يتميز بيها .. عن باقي المحلات .


الكباب


و ما يحتاج أقولكم السلطات و الخضار كلها تتقطع بالأجهزة


شرايكم كمان أحط لكم طريقة البطاطس المقلية ؟

لو بس دخلت على صفحة أسامة السيد في اليوتيوب و شفتو الأصناف اللي يقدمها و أخذت مثلاً 20 صنف تعتمدها كقائمة أساسية و أدرب عليها أنته و أثنين من أصحابك مثلاً 5 حلا و 5 أصناف رئيسية و 5 أصناف جانبية و 5 مقبلات و سلطات و تعاونت مع أحد الماركات الكويسه في المشروبات و العصاير مثل المراعي أو الربيع أو سيزر أو نادك أو تروبيكانا يجيبو لك ثلاجة عصيرات و يتكفلو بيها همه و موية ,,, بكذا تقدر تفتح أحلى مطعم ..! و مع مرور الوقت ضيف صنف أو صنفين بعد ما تدرب عليها طبعاً

و الأفكار ببلاش ... ببلاش ..

معادلة النجاج :

حسن النية + أعمل و أجتهد + ثق و تتوكل على الله فقط لا إله إلإ هو وحده لا شريك له

و اللي عنده أضافات فيديوهات بآخذ راحته يقصر بس يحاول تكون بدون موسيقى أو نساء إلإ إذا كانو محجبات و تكون نفس الأصناف المقدمة يقدر الواحد يقدمها في مطاعم و كافتيريات و كافيهات و كذا

======================================
كالعادة ..

أحاول أساعدكم باللي تقدر عليه إمكانياتي المتواضعة و أتمنى أكون أفدتكم و أحتسب أجري و ثوابي عند الله عزوجل

هذا ما عندي فإن أحسنت فمن الله تعالى ، وإن أسأت أو أخطأت فمن نفسي والشيطان

الموضوع من مجهودي الشخصي .. أختكم : شطوره
.
لا أحلل و لا أبيح ولا أسامح من ينقل موضوعي بدون ذكر المصدر : منتدى مستعمل - العضوة : شطوره
.