السلام عليكم تعثرت في البنك لاكثر من 6 شهور توظفت وبدأت اناقش البنك في اعادة جدولة القرض. تخيلوا كانوا يتناقضوا في ردودهم. (مافي جدولة. جيب تعريف. كلام الموظف غير صحيح. انت جيب التعريف) هذا كان ردهم بالترتيب. تفاجات لمن طلبت التعريف من الشركة خلال اسبوع وصلتني رسالة من محكمة التنفيذ بمهلة 5 ايام للسداد وطبعا انا كنت ابحث عن جدولة من فين بجيب القرض كامل. توقفت خدماتي ومنعي من السفر. والان حتى الشركة الي كنت موظف فيها انتهى عقدي معها ورفضوا التجديد. والحين رجعنا لنفس الموال المتاخرات زادت ومو عارف ايش الحل؟. قدمت على اكثر من 50 شركة، الي ما يردوا علي وفي منهم يقبلني ولا يرجع يتصل علي وحتى هذي اللحظة ما قدرت ادخل اي وظيفة، هل الايقاف يمنعني من الوظيفة؟. القرايب مثل العقارب!. وما ادري هل بعد فترة معينة راح يصدر امر قبض علي؟ الي يقدر يفيدني بحل اقدر عليه او يفيدني بالجواب على الاستفسارات اكون له من الشاكرين. الامارات عندهم صندوق لمساعدة المتعثرين. ليته موجود عندنا. ايقاف الخدمات ساعد ناس كثير في اخذ حقوقهم بس المشكلة في فئة تبحث عن وسيلة للسداد والايقاف يمنعهم.