شخص كتب لي شيك بدون رصيد والبنك رفض

اخوي كذلك قبل 8 سنوات اخذ شيك بقيمة 70 الف ريال بس صاحب الشيك قال تصرفه بعد 3 شهور
المهم بعد الانتظار 3 شهور راح البنك قال مافيه رصيد دور اخوي الرجال ماحصله هج قدم بلاغ وبعد فتره مسكو الرجال ونسجن وبعد 5 شهور طلع صك اعسار وطلع الرجال.
لذلك تووووبة قبول شيك بدون تصديق من البنك.
لذلك الله يعوضك

إذا هو معطيك موعد محدد للصرف ورضيت تقبل ولاتصرف إلا في الموعد وإذا حل الموعد وطلبت الصرف وقالوا مافيه رصيد هنا يحق لك تعترض

الرجل يعمل في شركة ( TviExpress ) التسويق الهرمي أو الشبكي وقبل لاأدخل في المشروع قال أن الشركة حلال وأفتى فيها الشيخ المطلق وحلف لي بأن طبيعة عمل الشركة طبيعي و و و و و و إلخ وأنا وزميلي صدقناة ودفع زميلي 15000 ريال وأنا 30000 ريال وانا طلبت علية شيك وأعطاني ، وزميلي طلب علية شيك ورفض وقال مبلغك الـ 15000 ريال مايستاهل أني أعطيك علية شيك مثل مبلغ زميلك الي هو أنا المهم بعد مادخلت في الشركة بعدها بأسبوعين بالصدفة قرأت في جريدة الرياض يوم الخميس على هذا الرابط عشان أثبت لكم http://www.alriyadh.com/2011/12/22/article693983.html
بأن الشركة حراااام وبلغت 2 من زملائي بالفتوى واحد من زملائي الي بلغتهم أنحرج وعصب وزعل وقال أنا آخذ فلوسكم منة لأنة هو الي علمنا عن هذي الشركة وهو الي جعلنا ندخل عن طريقة بمعني هو الي بالوجة وهو الي ورطنا وورط نفسة معنا المهم مالكم بالطويلة زميلي راح لمقر عملة في الجامعة وبلغ الطلاب والدكاترة كلهم بأن الشركة حرااام وتقريبا أكثر من نصف الجامعة دفعوا مبالغ الله أعلم كم دفعوا ووصل الخبر للشخص الي يعمل في الشركة وخاف وقدم إستقالة ويمكن باع بيتة أو طلع من البيت الله أعلم هم مستأجر أو ملك لة البيت / / / وعلى فكرة هو يوم كتب لي الشيك ترا ماكتب المدينة الي حرر بها شيك وهذي تعتبر مشكلة ثانية علية من غير الرصيد الي مافية فلوس /// على العموم أنا وضحت الموضوع بالتفصيل عشان يعرفون الأخوان الي واقفين معة يدرون أنة أكبر نصاب وحرامي وواضح أصلاً حركتة الي أجل فيها التاريخ ///آسف ع الإطالة وشكرا

ياما حذرنا من شركات النصب الشبكي وحقين الفوركس وفي النهايه لازال الناس لايعتبرون

ابو عبدالاله بعد التأكد والسؤال للمختصين والبارعين في هذا المجال افيدك بأنه يحق لك تقديم الشيك والاعتراض عليه والشكوى اليوم قبل بكره..

والسبب ان الشيك كما اسلفت ورقة صرف فورية وهي على هذا الأصل فلا يغير هويتها وضع تاريخ مؤحل..

فانصحك بالاستعجال في اجراءاتك وبلغني وش يصير عليك وبساعدك بالي اقدر عليه..

تحياتي

أنا راجعت اليوم شرطة الملز وقدمت شكوى ورفضو الشكوى وقالو تاريخ الصرف ماحل قلت لهم أن الرجل قدم إستقالة وفية ناس كثير يطالبونة وبيشكونة قال لي المحقق آاااااسف ماأقدر أخدمك بشئ حتى يجي موعد الصرف وإذا جاء الموعد ومالقيت فية شئ قدم إعتراض جديد وهات الشيك الأصل وصورة منة وأبشر بسعدك نعمم علية ونقبض علية اليوم قبل بكرة ، لكن الآن ماتقدر تشتكي علية حتى الشرطة فاااااشلة وأنا متأكد أنهم صرفوني لأنهم مايبغون ضغط عمل لكن الله المستعان أبصبر حتى يجي موعد الصرف ووقتها أكيد الشخص المجرم صاحب الشيك تلقاة مسافر خارج المملكة وبعدين ماأخذت لاحق ولا باطل من أحد :::: وفوق كل هذا أطلع أنا الغلطان وأني مش مظلووووم والحق كلة مع صاحب الشيك ( الدعوة كلها فساد في فساد ) حسبي الله ونعم الوكيل

والله العالم تبيلك الخير وانت تقول لالالالالالا

لو تقف الان انت وصاحبك عند موظف التجارة ويدعي عليك بانك آخذ الشيك منه وانت تعلم بان ماله رصيد كان صكوك سجن وغرامه
ودليل صاحبك هو الشيك الذي تقدمه قبل وقته .

أكثر التعليقات تقول أني أعلم أن الشيك مافية رصيد / أقسم بالله العلي العظيم بأني ماأعلم بأن الشيك بة رصيد أو لا لكن صاحب الشيك يعلم لأنة ماهو غبي يعطيني شيك وحسابة فية رصيد لكن الرجل كذااااااب ونصااااااب وحراااااامي وغشاااااش ومايخاف الله المفروض انة يسجن ويكون عبرة ////وعلى فكرة ممكن الشيك مايكون لة ممكن يكون لشخص ثاني أستغل أسمة وش يدريكم

يا عزيزي الفاضل انتظر الى ان يحل موعد استحقاق صرف هذا الشيك .. واذا لم يكن هناك رصيد كاف بامكانك الطلب من البنك الختم على الشيك بان الحساب لايحتوي على رصيد كاف للصرف
والتوجه مباشره للشرطة قسم الحقوق ويحال على المباحث الجنائية وتتم مخاطبة هيئة التحقيق والادعاء العام . ثم تعاد من قبلهم بالاجراء المطلوب وغالباً يكون باالقبض على الساحب وارساله مع الاوراق مخفوراً غليهم ومن هناك يتم الاستمرار في ايقافه او اطلاقه واغلب الحالات يقوم الساحب باحضار مبلغ الشيك فيسقط الحق الخاص , ويبقى الحق العام . وفيه نظر منها الشفاعة والتطبيق. لانه الان اصبحت هذه القضية قضيه جنائيه . ولايحق لك بتاتا المطالبة بهذا الشيك قبل وقت استحقاقه .. دمت بود ,,

الاخوان الكرام

مشكورين على هذه الافادات

لكن لدي تعليق

تقولون كيف اخذ الشيك وانا عارف انه ليس لديه رصيد
طيب وانا كيف لي اعرف انه لديه رصيد او لا لانني لااقدر اطلع على رصيدحسابه

لانه لو اعرف انه ليس لديه رصيد لن اقبل الشيك منه من الاساس

وليش يتم التحقيق معي كضامن معه لانه ليس لي ذنب في مشكلته والمفروض انه يقفوا معي طالما ان الشيك يعتبر اداة رسمية

طيب انا عندي سؤال اذا ممكن الافادة

شخص اعطاني شيك باسمي مفتوح المبلغ والتاريخ وموقع عليه بيده

هل اذا دونت عليه المبلغ والتاريخ علي مشكلة

قصدي هل ممكن انه يقدم طعن في ذلك بحكم ان الخط ليس بخط يده قصدي خط المبلغ والتفقيط والتاريخ

والف شكر

ياخي لا يجلسون الاخوان يفتونك بغير علم الشيك اداة وفاء يصرف بمجرد الاطلاع وانا اخذت اعتراض على شيك بدون رصيد قبل حلوله بستة اشهر توجهه لمدير الفرع اذا رفض الموضف

حتى لو البنك عطاك اعتراض ورحت للشرطه تشكيه يرفضون استقبال بلاغك حتى موعد صرف الشيك يعني ريح بالك ومالك في الطويله ثلاثه شهور ويسر ولاتعسر ياخوك