جاني عرض من فني سيارات بفتح ورشة وهو بيتكفل بالكل

هذا سبب وضعنا الإقتصادي المتردي لشبابنا وهذا سبب تفشي البطالة وهذا سبب إنتشار السمنة والكسل وهذا سبب النظرة الدونية لنا كسعوديين من أننا شعب كسلان لا يجيد ولا يحسن
تحسين وضعه الإقتصادي إلا بوجود العامل الأجنبي
هذا نظريا
واقعيا
كل السعوديين المبسوطين يعملوا كذا
والفقريين هما اللي مشغولين بالنظرية السريالية اللي تناولتها أولا

عموما إذا صفالك زمانك عل يا ضامي ""اشرب قبل لا يحوس الطين صافيها

عن نفسي ما أشتغل مثل هالشغلات لأني اعتقد إنها حرام

مع الاسف مالي خلفية في هل مواضيع .

بس بنائا علي تحليلي الشخصي :-

- تاخذ علي كل عامل : لان في المستقبل وفي حال ارتفع عدد العمالة الي معاه يرتفع المبلغ معاه .
يفضل تنقل الكفالة عليك لكل العمال عشان ما يقدر يلعب بذيله بعدين .
حاول انك تدخل شراكة معاه في العمل فالتجارة افيد وممكن تتوسع في توفير قطع الغيار وفتح معرض وتصبح رجل اعمال .

لو سمحت اخوي . اذا غيرت رايك وما تبي تشتغل معاه ياليت تفيدنا ... نبي نشتغل .
الله يرزقك من اوسع ابوابه ويوفقك يا رب

اشكرك يابو الهشام جبت الي بخاطري هذا واشكاله المفروض يوخذ على ايديهم ومايخلون على مزاجهم

الوضع الشرعي الصحيح ان يكون المبلغ نسبة معينة مثل 30% او 35% من الدخل الشهري, اما استلام جزء ثابت من المبلغ فهذا محرم شرعا لأن نسبة المخاطرة او الخسارة تكون صفر%
فهذا اما ان يظلمك او يظلم العامل , مثلاَ المبلغ المتفق عليه 8000 ريال ثابت وربح العامل 80000 ريال فهذا فيه ظلم لك لأن نسبتك تعتبر نقطة في بحر من الربح , واذا كان ربحه 9000 ريال مثلا او اكثر بقليل فهذا فيه ظلم له, لا ضرر ولا ضرار.

دع مايريبك الي مالا يريبك

من ترك شيء لله عوضه بخير منه


مثل ماقالوا الاخوان .. وأزيد عليها اذا انت بتقابل الشغل وتعرف مايدخل ويطلع وتتفق على نسبه معه فهذا اعتقد انه حلال
اما بمبلغ ثابت فهو غير شرعي واسال عن ذلك تجد الجواب ... الله يدلك ولا يضرك ان شاء الله

تذكر الحديث عن نبينا عليه الصلاه والسلام
جسد نبت من سحت النار أولى به .

الورش دخلها ممتاز وعالي، وبالقياس ورشه كهرباء سيارات فقط اذا هي ناجحه ممكن تجيب تجيب صافي 30 الف ريال بالشهر وعليك القياس
لكن المشكله بانتشار مثل هذا التعامل تتفسد العماله على من يريد ان يفتح نشاط ويقف هو بنفسه عليه. حيث لا يقنع العامل بالراتب وهو يرى ورشه بجواره صاحبها هندي متستر عليه يكسب عشرات الالاف شهرياً فيعمد على تخريب العمل بغيه ان يمل السعودي ويرضى بمبلغ مقطوع شهري

اغلب السعوديين مسوين كذا

ادخل معاه وان شاء الله السنه الجايه نلقى اسمك في الجريده مع غرامه مليون والسبب تستر تجاري
السنه الجايه اللي زيك مايقدر يلعب العامل اللي راتبه في العقد 3 ويحول اربعه لبلده الاثنين في السجن

السلام عليكم ورحمة الله وبركاته

اولاً الرزق على الله والانسان مجرد مجتهد
ثانياً هل الشخص اللي عرض عليك تعرفه معرفة تامه
ثلاثاً هل بأمكانك انت تكون معه النص بالنص
رابعاً والاهم هل عندك القدرة على متابعة العمل و القومه من الصباح والمتابعه

خامساً هل تقدر تنقل كفالته عليك

شف الشروط واستفيد من خبرات الاخرين وفقنا الله وياك لما يحبه ويرضاه

هذا يعتبر تستر بارك الله فيك

وقد أعلنت وزارة التجارة وشهرت بأحد المتسترين

الأفضل أن تجعله موظف عندك وتتكفل أنت بكل شيء من أجار وغيره

كن عونا للدولة ومواطنا صالحا
فالخير كل الخير في طاعة الله ثم في طاعتهم

أظن إني قريت فتوى للشيخ عبدالله المطلق تجيز الشراكة بين المواطن والأجنبي في الأعمال التجارية .

اشكر أصحاب الردود الطيبة ومشكورين يعطيكم العافية

اشكرك يابو الهشام

والله أفضل انك تأخذ عليه بالنسبة عشان ما تظلمه ولا يظلمك