التحذير من مؤسسة رؤية الاقتصاد

حاول ترفع قضيه من مركز شرطه آخر
لأن المفروض يرسل له عسكري بأمر قبض

العسكري يقولي هذا نظامنا


وش بتقول اكثر من كذا؟

الله يعينك
ويرد لك حقك

ههههه اية هين ترجع ونظام الدوائر الحكومية كذا

المفروض وزارة التجارة تقول للمراجعين انسوا
على الاقل نفقد الامل ونقول الله يعوضنا

اما اسلوب مغطة لين يطفش من حقة
مالها داعي
لان مافية احد بيتنازل عن حقة دامة ع حق

شف لك محامي وريح عمرك

نصيحه للجميع الواحد اذا اقدم على شي لابد من الاستشاره لانك اذا توهقت في
شي مثل اخونا مافيه قوانين واضحه وصريه لحفض حقوق المنصوب عليهم
لان اي جه حكوميه عباره عن اجتهادات شخصيه وكل مدير او مسؤل فيها يسن النظام
على كيفه كن الدائره هذا وارثها من ابووووه لاذالك ارجوووو الحذر

كم المبلغ

استشير محامي

ياخي لا محامي ولا غيرة

يعني لو فية مسار محدد للمطالبة كان ما اخذت السالفة اكثر من سنة

وكالعادة
الدوائر الحكومية عندنا كل واحد يرميك على الثاني وتلقى نفسك تلف في دائرة

كم المبلغ ؟؟

لانه لو كان كبير مايماطلون فيك كذا..!!

المبلغ فوق 40 الف

الروتين الحكومي واحد
الا اذا عندك معارف بيكون المسار غير >>> اتوقع

ماصار شئ جديد

شرطة الرياض تبي خطاب من الامارة باحضارة

يقول المثل مثل ما أنا خابر ( ماضاع حق وراه مطالب ) لكن مع حالتك أقول ( ماضاع حق وراه رفعة ضغط وسكري وانسداد للشرايين )

الله يعينك والله حاس بحالتك ومعاناتك لكن وش تسوي ، خلّص أمورك وانت ساكت وامش على كلامهم حتى يفرجها لك رب السماوات والأرض .

السلام عليكم ورحمة الله وبركاته
اخي الكريم الله يعينك ويعينا على من اكل اموالنا بالباطل
بس عندي ملاحظة لو دعمت موضوعك بصورة من الشيك
مختوم من البنك انه بدون رصيد لكي يكون موضوع مؤكد
وان لا تطالب قانونياً في المستقبل بتهمة التشهير هذا
من شوري عليك ولا يهونون الاخوة الاعضاء والزوار.
والحل وانا اخوك توجد مكاتب خاصة بتحصيل الديون لديهم
صلاحيات وامور بيدهم بعد الله يطلعون حقك من عيونه
والحمد لله انك تطالب مؤسسة يعني بيقفلون عليه الاستقدام
والتجديد سواء كان اقامات او رخص وخلافه ولا تنسى الدعاء
فبل الافطار على من ظلمك وظلمنا...من تكاسل وتقاعس بعض
الموظفين .

يعطيكم العافية

المشكلة انا الحين ما ادري وش الي باقي بعد كل هالدوران

لو باقي كثير اكيد بشوف احد المحصلين

لو تبي احط كل الاوراق مو سالفة
بس وش الفايدة
يعني بظلم هالادمي ؟؟؟

حرصي عليك يالفرنسي والله لا يلومك ودعواتك على من ظلمك
بحر مالك قبل الافطار ودمتم بحفظ الرحمن.

يارجال وزارة التجارة تبغاه توقفبصفك ليه انت مواطن معفن ولا تسوى ريال بالنسبة للتاجر يارجال الجميح باعني سيارة جديدة والكتشفت انه مستعملة قبل فترة (طبعا موضوع طويل )ويم رفعت عليه قضية في وزارة التجارة وبعد سنة تقريبا ولا عمر ام احد من الشركة جا ولا عبر وزارة التجارة اعطوني خطاب للمحكمة علشان ارفع قضية فيها طبعا بعد مشاكل معاهم ولقيت الخطاب يغلطني انا وبصف الجميح
وتبغانا نحترم انظمة ما تحترمنا
اقول مالك الا الدعاء عليه وقت الفطور والله ييسرلك امورك

ابو عبدالله
الله يعين


اجل وش الفايدة من الانظمام من منضمة التجارة اذا مانقدر نحمي حقوق التجار الصغار؟؟


انا لو ما اخذت حقي
يكفي ان الي يبحث في قوقل راح يطلع له اسم هالمعفن
ويارب ماحد يطيح وينصب علية هالنصاب

المفروض الحكومه تطرح حل جذري وفوري وتسهيل للمواطن صاحب الحق وتغريم من يثبت عدم تسديده لمبلغ الشيك وشطب مؤسسته هذا المفروض نبي نظام قوي وصارم هذا حق ناس ضعوف

للرفع