ماهو أفضل وأجود أنواع المكيفات

نصيحة لوجه الله ابعد عن ال جي لاني انا شغال معاهم ماتنفع وماتعيش
واسعارها غالية شوي

انا مقبل على شراء صحراوي كبير وسبلتات ومحتاج معرفة تجارب المجربين

اخي من خبرة اسمع نصيحتي

1- اولا كم المساحات الي تبغى تركب فيها لان المساحة الكبيرة لازم مكيف كبير علشان يعمر معك المكيف ويرتاح الكمبروسور

2- ابعد عن LG لانها كل يوم اشوفها عند جيراني صيانة وتهرب ماء

3- المكيفات حسب الكرف (الشغل ) اولا فوجي ثم اوجنرال ثم جبسون امريكي في الصالات الي عليها شغل يومي وهي غالية شوي

4- غرف النوم انصحك بشركة الاساسية (سانيو) عندهم ماركة GREE امريكي تصنيع صيني درجة اولى سعرة حلو وضمانهم احلا او الزامل حق كرف ويتحمل

لالالالالالالالالالالالا تبخل على نفسك بالتكييف واعرف حجم الغرف

غرفة صغيرة طن مقاس 12 وحدة
غرفة اكبر طن ونصف مقاس 18 وحدة

صالة كبيرة من 2طن ونصف الى 3 طن احسن

بالتوفيق

لا تفكر في ال إل جي
عندك الجنرال والفوجي والدايكن والمتسوبيشي دايا هذي مكيفات معروفة وأسعارها أغلى من غيرها
تبي مكيف سعره معقول وكفاءته عالية / قري GREE من الأساسة زي ما تفضل أخي اللي سبقني ، وعندك مكيفات ماندو وهي صينية أيضا ووكيله البعيز وهو ممتاز في خدمة ما بعد البيع أنا مجربه ومجرب القري، هذا بالنسبة للاسبلت
أما المركزي فأفضلها أمريكان استاندرد ووكيلها هو نفسه وكيل إل جي
وعندك مكيفات ترين وهي نفس الأمريكان استاندرد بالضبط مع الاختلاف في الاسم وهي أغلى ووكيلها دلة البركة، وترى ال قري يجي مركزي لكن مشكلته يسحب كهرب أكثر يعني يرفع فواتير استهلاك التيار الكهربائي.
أما الصحراوي فمكيفات الجزيرة هي الأفضل حاليا وابعد كل البعد عن مكيفات الريف ووكيلها العمران وهو أسوأ وكيل ممكن يمر عليك.
أما مكيفاتالشباك فأفضلها على الإطلاق متسوبيشي دايا وجنرال.

نصييييحة اخ ///


اشتر اي مكيف يكون الضاغط حقه ((compressor)) من صنع ماليزيا..

وبس

اما بالنسبة للمساحة فأنت تحددها 6X4 = 24 او 5X4 والناتج هو قوة المكيف

يعني بالعربي لكل متر مربع الف وحده تبريد

م‘‘ / الف وحده

لا تتعدى الفوجي ابدا ابدا بالنسبة للسبليت

فوجي، ياباني تجميع تايلندي احسب المساحة للغرفة وركب المكيف المناسب للمساحة فوجي هدوء وتبريد وعمر يططول اكثر من غيرة

اسال مجرب ولا تسال طبيب
خذ جنرال وانت مطمئن .
تراه ماشاء الله يبرد اكثر من مساحتة وسعتة .
ويخدم كثيييييير .

الفوجي الكمبريسور حقة او جينرال

المصنع فوجي و او جنرال واحد المكيف ياباني والتجميع تايلندي

فك الوحدة الخارجية للمكيف السبلت للفوجي تلاقي الكمبريسور مكتوب عليه او جنرال

السلام عليكم ورحمةالله وبركاته
اخوي على حسب تجربتي الشخصية
اقولك
فوجي وعندي حاليا 2 منها ممتازةجدا
ثم جنرال طبعا كلها واحد
ميتسوبيشي ممتاز بمعنى الكلمة
غيرها اغسل يدك اغلب المكيفات الثانية هواها جاف ومو مريح
ناهيك عن الاعطال
ولك وللجميع تحياتي

طيب يا إخوان كم سعر الفوجي

جمستوني أشتري واحد

أنا الحقيقة عندي شارب من سبع سنوات وما شاء الله كويس , بس ما أقدر أقارن لأني ما جربت غيره
خرب فيه فيوز ثلاث مرات وأشتريه بحدود 50 ريال وأركبه بنفسي في المره الأخيره

الافضل الفوجي وسامسونج

الدايكن ممتاز اذا قدرت تحصل القديم غير التجميع الصيني ...

قطع غياره تقريبا تتشابه في جميع الموديلات و قليل صيانه ...

الفوجي سعره تقريبا
1700 للـ 1.5 طن
2200 للـ 2 طن
على ما اعتقد

موصول الشكر لكل اتحفنا براية ووجهة نظرة

في انتظار بقية المشاركين

جبسون ممتاز اطلب كمبرسور امريكي

للرفع مع ارتفاع درجات الحرارة

شكر

ركبت سابقاً نوع اسمه ( جنرال سوبر ) والإشكال اني ماحصلته الان واخذته بسعر مناسب جداً

مقاس 24 سعره كان 1800 ريال

انصح فيه ومن يجد هذه النوعية يخبرني

مشكورين

نصيحه لاخواني لاتشترون مكيفات اوجين وخاصه 30000وحده مزعج وطقطقه وتغير في قوة المروحه مفاجىء انا شريتها وتوهقت ولما جاء الخبير حق الشركه قال الصوت عادي من المصنع ومانقدر نسوي شيء وبالنسبه لطقطقه هذي بلاستيكه وتغير صوت المروحه عادي واكتشفت كذلك ان الجهاز لا يستقبل اشارات الريموت احيانا

ابعدوا عن "كرفت"
بصراحه طلع جبن ماطلع مكيف
ههههههههه
رمضانكم مع اهلكم احلى ومع مكيف بااااااااااااارد يكون احلى
وكل رمضان وانتم الخير