تابع مستعمل على
جميع الحقوق محفوظة ©
اخواني الكرام أعضاء وزوار موقع مستعمل
الموضوع وما فيه كرت دخول مواقف السيارات اللي بالعمل ضاع ولم استطيع الحصول عليه
راجعت القسم المختص بهذلوني وقالوا تدفع غرامة
علما بان البطاقة بلاستيكية بيضاء عادية بدون شريط اسود من الخلف
وطريقتها امررها امام قاريء البطاقات ويصدر صوت (طوط) ويفتح ذراع البوابة
احد يقدر يدلني على محل متخصص يساعدني في نسخ كرت أحد زملائي بالعمل ضروري لاهنتم ويبشر بسعده ودعوة صادقة
مع التحية
تري حد الغرامه 50 ريال
بعدين ياصديقي
بطاقتك خاصه فيك
وبطاقة زميلك خاصه فيه
يعني لما تدخل مع باب يسجل بدخولك انت وليس زميلك
لما تنسخ بطاقة زميلك وتستخدمها انت سوف تسجل اي دخول لك تحت اسم زميلك
وهذا عمل غير شرعي والله اعلم بالنيات
نصيحه ابعد عن هاطريق وادفع الغرامه افضل
اهم
شكرا لتجوابك الغرامة 70 ريال
لكن المشكلة الجهاز اللي يبرمج البطاقات خربان
ومنذ مبطي ومافيه مواقف ابدا
صرت اوقف على بعد كيلو وامكعها رجلية
ابو الروس
شكرا لك البطاقة اللي اكلمك عنها بسيطة وخاصيتها اشبه ماتكون برموت السيارة
وعلى فكرة ترى البطاقة ليس لها سجل او شخص مسئول عنها او كذا
لايروح بالك بعيد عمل غير شرعي والله العالم بالنيات
لان هذا الكلام بغير محله ياغالي
( اذا ناوي تستخدمه انت ) انتبه يصيدونك بالكاميرات وانت داخل .. وتنفصل !
و ( إذا ناوي تنسخ بطاقته عشان هو يستخدمها ) انتبه الجاهز حق البوابة يكتشف ان البطاقة منسوخه ويدخل في مشاكل تزوير وما تزوير وينفصل !!
حسب خبرتي في البطاقات وانظمتها
البطاقه ياعزيزي في بداخلها مثل الشريحه مسجل عليها بياناتك لاتفكر انها بطاقه عاديه او تقدر تنسخ عليها
وترا الشريحه داخليه يعني البطاقه من الخارج بيضا عاديه
ومبلغ الغرامه 70 ريال معقول لان البطاقه فاضيه قيمتها بحدود 15 الى 20 ريال هذا بدون برمجه او طباعه
ومالك حل الا انهم يصلحون طابعة البطاقات لان البرناج اللي يشتغلون عليه سستم كامل مربوط مع القارئ في المواقف علشان كذا ممكن يجي واحد يحط بطاقه شكلها نفس البطاقه اللي معك امام القارئ وماتفتحله البوابه
واي استفسار انا حاضر
والله ييسر امرك
عزيزي متنكر
شكرا على مرورك، يابن الحلال اي كميراهذي طال عمرك مواقف في وسط حارة وفيها بوابة بسيطة للدخول وبوابة تفتح تلقاىيا عند الخروج
ياليت فيه كاميرات تصيد الحرامية اللي يسرقون
سيارات الموظفين
ابو فيصل شكرا لك
المشكلة ياغالي شكل مشكلة الشرق الاوسط بتنحل وجهاز البرمجة العطلان ما انحل
لي ثلاثه اشهر وانا اوقف مسافة كيلوا وامشي رجلية تعبت واللحين الصيف جاي والجو نااااار
سبحان الله وبحمده سبحان الله العظيم
،
أنت دافع دافع في كلتا الحالتين ،، فأحسن تكون في الغرامه وتاخذ بطاقه سليمه .
،
فوتوشوب
هههههه
11. بقلم: سود_النوايا
فوتوشوب
المراهقين وصلوا على موقع مستعمل!!
بالنسبة لك يا صاحب الموضوع
لو كل احد بينسخ على بطاقة زميله بيجي يوم وتلقى في موقفك سيارة وهو مخصص لك.
ما ذبحنا إلا التحايل واللف والدوران
هارب من دفع غرامه 50 او 70 ريال وقد تنكشف وتسبب في مشكلة لك ولزميلك وللمحل الي ينسخ البطاقات بالاضافة للغرامه.
والمثل يقول: لا تسرق ولا تخاف.
انا اقترح تجي بدري للدوام وتنتظر زميلك واذا دخل تدخل وراه على طول وريح راسك الى ان تشتغل مكينة الطباعة
