بسرعه يااخوان اللي يفهم بمشكلة الثلاجه

ياعزيزي ياريت صورت كل الثلاجه على شان نعرف نوعها . ولكن موضوعها بسيط حب نظري . تلاقي من الخلف في الثلاجه برا طبعا تايمر اذا تفهم تفكره وترجع نفس الاسلاك بمكانها لو صوره وجيب زيه وخذ معك اي كهربائي يشبكه لك فقط

دقيقه يالغالي ابو رامي
الدايمر خلف الثلاجه متأكد؟
مو وسط الثلاجه عند الثرموستات
الحين افكه مره ثانيه واصوره خليك معي الله يحفظك

من خلف الثلاجه طبعا وتحت غطاء وليس واضح تلاقي فيه اقل شي 4 او 5 اسلاك ملونه موضوعك ماله شغل بالترمستات

اخوي ابو رامي اضفت صور للقطعه اللي فوق الثلاجه لاصقه بالسقف
الدايمر هو اللي عليه اطار مربع؟؟

اللي عليه دائره معروف ثرموستات

الثلاجه نوعها ماجك شف امريكيه نفس الميتاج

الصورة رقم 4 هي المشكله حاول تغيرها وان شاء امورك تمام

هو هذا الدايمر ؟

له قطعه من تحت تقدر تفرها اذا فريتها تطلع صوت " تك"
بالصوره رقم 3 عليه دائره

اذا متأكد يالغالي الحين بإذن الله اشتريه واركبه اكيد منه

الله يحفظك ويرعاك

ادري طال عمرك هذي تطلع مع التايمر وتابعه له . حاول تغيرها تطلع مع بعض . وماراح تخسر مافيها صعوبه وقيمتها في حدود 60 ريال

الله يوفقك والله ماقصرت الحين اشتريها واركبها
ادري يالغالي انا فكيتها وتعبثت بها ههههه
والثرموستات قد غيرته بكذا مكيف وثلاجه

الله ييسر امرك

يعجبني الي يحاول يخدم نفسه ويفكر ويسال اهم شي يكون يحب الشغله الي يشتغل فيها على شان يتقن مشاكلها ومثل هذي الاجهزه تحتاج الى عنايه بالفكر والتركيب خاصه انها اصبح جزء كبير من ادواتها كبس وليس مسامير ربي يوفقك وييسر امرك

ما شاء الله عليك يابو رامي انا فني وكلامك كله صحيح

بشر عساك جبت القطعه وركبتها اهم شي تكون نفس توصيلات الكيبل الي في القديم وان شاء الله تشتغل تمام . طمني

الله يجزاك خير يا بو رامي رحت شريتها ماشاء الله عليك سعرها 60 ريال وبعد المحاولات 50 ريال
الحين بأركبها وعساها تضبط
سبحان الله اتصلت على اخوي وقلت له قالي انا بعد الثلاجه عندي ماتبرد ومواعد فني بيجيه اليوم
يبي لي رجعه لشارع الريل الله يعين

الله يوفقك ويسمح دربك واسف على ازعاجك ياخوي

ابشرك يابو رامي انا بفضل الله كل اعمال البيت اقوم بها بنفسي من اصغر شي لا اكبر شي
ويوم نخرب ويوم اصلح
وحتى السياره احاول بقدر المستطاع اصلح الخلل فيها

للامانه مو عشان البخل لا والله الحال مستور بفضل الله لكن استمتع وانا اصلح الشي واحس اني اتقنه واهتم فيه
ومافي شي صعب بس الواحد يشغل مخه شوي


هذا موضوعي لعله يفيد

واسأل الله لنا ولكم التوفيق

جميل ان يخدم الانسان نفسه ويستغني عن العماله ويفهم على الاقل مصدر الخراب حتى لايجي من يضحك عليه ويغير قطع ليس لها داعي . والهوايه ليس لها دخل بالبخل . ما اجمل ان ترى جهاز يعمل بعد صيانته وتعبك عليه بنفسك . بشر عسى الثلاجه تمام

والله انك صادق ,, بيض الله وجهك

ابشرك ركبته قبل شوي بعد مانظفت الفريزر وذاب المويا وان شاء الله خير

هو مايبين الا بعد كم يوم
لاني لاحظت يوم الجمعه الى اليوم والفريزر مروحتها شغاله ماتوقفت اتوقع هذا سبب التثليج

الله يسعدك دنيا واخره ,, مشكور وماقصرت

السلام عليكم ... اخوي ترى السبب في هذه المشكلة هو من الهيتر هذا تلقاه تحت الجزء المثلج عندك بين الفريزر والبراد اللي تحت .. ترى شكله انبوب زجاجي مثل النجفة فكه ورح به لحقين قطع الغيار وشتر مثله.. هذه المشكلة حصلت معي ...وبالتوفيق

اخوي قصدك مثل هذا

https://encrypted-tbn3.gstatic.com/images?q=tbn:ANd9GcSNURmMamvRGCAbG-O8bXS7uiqPEdJTt8FX5hf93PIs6ml5id92uA


https://encrypted-tbn1.gstatic.com/images?q=tbn:ANd9GcT2egricp9wZ25p1RIN85675rshpuNuQ26cNOJ_zkPjuUPOvP-pTg

للفائده للجميع لقيت منتدى يهتم بالاشياء هذي//

http://www.qariya.info/vb/showthread.php?s=cca534ff43c64bfa46410804b474b2f8&t=11224

http://www.qariya.info/vb/showthread.php?t=29366