أرغب الزواج من سورية مقيمة بالسعودية بزيارة

رد رقم 23 للمعلوميه اخوي متزوج سوريه من 20 سنه ويخبرني بان كتاب العدل وقظاة المحاكم كثير متزوجين سوريات وعايشين تمام/ يقول كان يشوفهم بالسفاره عند المراجعه

الله يوفقك ويجمع بينكم في خير والى خير

صدق من قال لو صمت الجاهلون لكانت الدنيا بخير .. أولا ولله الحق يقال وأن عز. . انا من المدينه المنورة أبا عن جدا عن أجدادهم عشان لاأحد يفكر هيك أوهيك. .. من رواد سوريا وأعرفها وأهلها بمايكفي بعد سنوات سفر للشام طويله تعرفت على شخص من أهل العمارة وهيا قريبه من الحميديه، من أهل الشام الأصليين عن طريق مجموعة من شباب جماعتنا وتوثقت علاقتي فيه وبعد مدة طويله شوي، الراجل سار يشمئز من الشباب الي عرفوني عليه، السبب أنهم نزعو منه أخلاقه، طيب كيف أخذوه معهم كم مرة للكازينوهات الرقص، أنصدمت يوم قال في حياتي مادخلتها غير معهم، ، فيا للحسرة شبابنا مو فاسدين بل مفسدين في الأرض، وأتمنى أنهم غير هذا ولكن هذا الواقع، والمشكلة في نظرتنا دوما نظن أننا خير من خلق ونحن المسلمين وغيرنا لا _يمكن عشان المراه عندنا متغطيه بسواد وعند الآخرين متحجبه اومتبرجه _ الأخت messa اختصرت الموضوع الفاسده اوالعاطله لو حطيتها بيت دبور ماراح تكون غير كذا ، والمشكلة في مجتمعنا لايريد اويتهرب من النظر لعيوبه العيب ياخيي ذبحنا قتلنا اهلكنا والله ، أهم شي عندنا الخوف من الفضيحة والناس ايش يقولون علينا وليه حنا انقص من الناس ،، والمقارنات قائمه وماهلك فيها إلا الفقير أو صاحب الدخل المحدود زيادة في الديون المتراكمة والأساب كماليات ليس لها تأثير فقط الناس مايقولون .. يعمي نبغا نعيش مو زي الناس ماأبغا زي الناس أبغا أعيش لنفسي وأهلي واولادي واخواني بماهو الأنسب والأفضل لنا بمايتماشى مع ظروفنا وأوضاعنا،
عندنا ياصاحب الموضوع الأكثر والاحصائيات تثبت كلامي في عدد الطلاقات تجيك مفلسه وفي عقليتها الباطنية أنك لعبتها الجديده الي أبوها جابها لها والله يعينك عشان تصير رجال لازم تكون زي خادم المصباح شبيك وأنت مشبلك بلي طلبته أو تروح لأمها والله يعينك أن كان العم لايتدخل بأنصاف لفض الأشتباك وتكون العمه هيا القاضي وأحكم ياحكمنا بتشوف العجب، والعمه في عصرنا هذا هيا الحكم فاأستعن بصبر. .. الا مارحم ربي وموجودين لكن تحتاج للبحث ولازم تعب تعب عشان تلقى الاخ نايف لاتقول ماقريت فيه نقول عندنا لكن قليل وأهلي وأهلك وأهل صادق الوعد مادخلهم بلموضوع. حتى لوكان مو متزوج ماله أصحاب مايواجه مواقف ويشوف ويعتبرويعيش في مجتمع ويسمع مشاكله، وللأنصاف فرق بين عقليتك وعقليته من سابع أرض إلى سابع سماء االله ينور عليه وعليك وعلينا جميع. .
وياصاحب الموضوع لك علي النصيحة أن أخذت أولم تأخذ .. الزواج ترى هدفه في البدايه تأسيس عائله تقوم على الشراكة مع شخص آخر من جنس آخر لاتظن مثل أمك واختك مثل مايقول الأخ. .لاشي ثاني يحتاج تفهم منك ومداراه أكثر لازيادة ولانقصان.. ونصيحتي لك بحكم عوائدنا إذا تزوجت لاتفض بكارتها وخذلك أقل شي ثلاثه شهور تصبر وادرسها وشوف أخلاقها وفهمها واستعدادها لأن تكون أم مناسبه لأولادك لأن الندم اذا جاء المولود ماينفع وراح تتجرع المر عشان المولود وراح تضحي براحتك واستقرارك تضحية لطفل فلا تظلم نفسك وغيرك. .
مهما كان جنسها الأنصاف والعطاء والأخلاق الحلوه هيا الي تحدد طرق المعامله واذا كنت تخاف الله فيها وداريه راح تحبك أكثر من فلوس ونفوس بعد..للكن الأهم انك تكون مدرك ومستوعب للخطوة هذي لأنها تقريبا أهم منعطف في حياتك أن كان الي بالي بالك متعبك لاتقدم بكره تكره ويمكن تقطعه أن ورطت. .وأخيرا أطلب الله أن يختار لك ماهو أصلح لك وأن يبعد عنك ماهو شر لك لو كنت تشوفه الأصلح لك. . والتوفيق من رب العالمين... وانشاءالله تقدم على خير ومبروووك مقدما نتمنى للجميع الخير بمن فيهم من يعادوننا.

(( قال حبيب القلوب واسيرها وخيرها محمد ابن عبدالله رسول رب الأنام صلوات ربي عليه وعلى آله وصحبه ومن تبعه إلى يوم الدين:أأن جائكم من ترضون خلقه ودينه فزوجوه وأن لم تفعلوا ذلك تكن فتنة وفساد في الأرض عظيم )

ههههههه بصراحة احنا تحف ...

اللحين يجي واحد ينتقد الزواج من الاجنبية ... واذا شاف وحده بالتلفزيون تنح :)

ببساطة هُم " المستشرفين الجُدد "

يعني انه بناتنا هم وبس والباقي " طوووووووووووووووووط "

اتق الله ... لا تقذف
حتى وان لم تقذف في العرض .. ولكن قذفك بيكون في محصنات ب الطمع والنصب و و و



اتقوا الله يا امة محمد

صاحبات الدين والخلق والادب والاحترام والحشمة في كل مكان
والعاطلات الباطلات الماجنات الفاسقات في كل مكان ..

واذا ودكم خذوا لكم كم لفه في برامج التواصل الاجتماعي والسناب شات وخلافه وشوفوا الشرف على اصوله " خلينا ساكتين احسن "

لذلك لا تعمموا على ناس انهم " والعياذ بالله " فيهم وفيهم .. وتنسوا تطالعوا حواليكم ..
اسألوا اهاليكم .. روحوا لامهاتكم وخواتكم وخليهم يحكون لكم وش يشوفون في المناسبات النسائية والاماكن المغلقة ...


واذا الشي بالشي يذكر ....
اتذكر موقف شاب شعري منه .. في احد الدول العربية .. بدون تسمية ..
في فندق مشهور .. في فصل الصيف .. تعال اللوبي وشوف مين في اللوبي وبكم الليلة .. واذا خلصت الاجازة راحوا لدكتور " رقع " ورجعوا .. تزوجوا خير وبركة ماتزوجوا السنة اللي بعدها نفس الموال ..... إن شفت شي اصلاً

انا هنا ما دخلت ارد عشان ارصد عيوبن بعض بناتنا هداهم الله ولا عشان انشر غسيلهم ..
ولكن عشان ارد على المستشرفين الجدد ..
اللي يرمي كلام في كل جنس ولا بنات الناس بدون تروي ...

السوريات في منهن الاصيلة بنت الشام .. بنت الاصل والفصل .. عوائل كبيرة بإسمها من مئات السنين .. وشوام على حق .. وفي بنات ناس محترمات وملتزمات وفي نوريات ...
ماهو كلهم نحطهم في ميزان واحد ... وبرضوا من هالعوائل تجد نورية اشرف منها .. عادي .. او على الاقل اقل منها طمع وجشع ... عادي ممكن ليش لا ..
وقيس على غيرهم .. من الجنسيات ..


الرسول صل الله عليه وسلم .. قال : تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ
وقال صل الله عليه وسلم :
تزوجوا الودود الولود فإني مكاثر بكم

وقال تعالى :

يأيها الناس إنا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقاكم إن الله عليم خبير )
صدق الله العظيم ..


ما اشوف حدد الله عز وجل الجنسية في الاية ولا حددها الرسول الكريم صل الله عليه وسلم


طبعاً بالتأكيد بيطل لي مستشرف ويقولي العرق دساس ...
اكيد العرق دساس .. فإن كان عرقها من رجل اصيل وامراءة حسنة الخلق واصيلة
ومثلنا مثلهم ..

ومثل ماذكر احد الاحبة في الردود
حالات الطلاق عندنا حدث ولا حرج .. والطمع حدث ولا حرج والجشع وفراغة العين .. وفي بنات ممكن تقبل تتزوج رجل كبير في السن عشانه مرتاح مالياً ... هذه ليش ماخذته حب مثلاً ولا شبه مهند :)


لا تحاول تستشرفوا على سمعة الغير ..

دعوا الخلق للخالق ......

انتهى
والله من وراء القصد
الله يغفر لنا ويرحمنا ويصلح حالنا واحوالنا ..
ويكفر عنا سيئتنا ..

النصيحه الي ابي اقولها لك
1 - تكون البنت من اسره محافظه جدا
2 - مايكون رجل كبير وهي صغيره
3 - تحاول عدم انجاب اطفال حتى تعرف عنها الكثير
ولو حاولت اخذ بنت من النازحين السوريين في الاردن افضل واحتسب الاجر عند الله

للأسف هناك كثير من التجني والتشكيك في النوايا وكأن الرجل يريد غير الزواج او انه يريد الزواج من عاهره اعزكم الله.

الرجل يريد الزواج على سنة الله ورسوله هو فقط يسأل عن اجراءات الزواج ولم يطلب رأي احد هل يتزوج او لا.

والسوريين اخوه لنا في الدين واللغه واهل اصل وشرف ونسب ولايعيب الرجل ان يتزوج منهم ولكن الحدود ومايسمى بالجنسيات هي من جعلت بين الأخوه حواجز

عموما اخي ، الله يوفقكم ويجمع بينكم على خير وعقبالي لأني ابحث عن سوريه وعندي رغبه جاده في الزواج لكن للأسف الشروط المطلوبه للزواج من خارج المملكة معقده، لكن ان كانت البنت عايشه في السعوديه فهي اسهل في اجراءات الزواج

اخيرا . الله يوفقك ويوفقني في بنت الحلال السوريه الأصيله

تحياتي للجميع

أتمنى يالعرب في يوم من الايام تجاوبون على قد السؤال.


دائما مافيه سؤال الا وفيه الفلاسفه المفتين...


الله يعينكم على انفسكم....ماخلانا في انحطاط الا تفكير الكثير منا

اخوي انا معاق وبصدق حفيت حتى وتزوجت مقيمة مو واحدة جاية بزيارة
الله يعينك ويتمم لك يارب

لازم ابوها اوجدت امها تكون مولوده بالسعوديه والطبيب الي ولدها يكون حي علشان يشهد ولا حنا وش درانا كل واحد يقول جدته مولوده هنا ياخذ بنت ولدها

الله يكتبلك الخيرة في موضوع زواجك

السلام عليكم الرجال يسال عن الشروط والاجرائات والردود شاطحه انقلبت الهرجه الى نصائح وارشادات


الظاهر ان التوحد منتشر



الله يهديكم جميعا الرجال ما طلب نصحكم فيما يخص انه يبي يتزوج من اجنبيه طلب منكم كيفية الاجرائات المتبعه والشروط فقط



بالتوفيق للجميع سواء اللي يبي يتزوج من هنا او من اي بلد يجوز الزواج منهم شرعا

شروط زواج السعودي
كما يشترط على الرجل السعودي الراغب في الزواج من أجنبية تحقق البنود التي وضعتها وزارة الداخلية لإتمام الزواج، وهي ألا يقل عمر مقدم الطلب عن 30 عاماً، وإذا كانت هناك صلة قرابة بينه وبين العروس، فيجب ألا يقل عمره عن 25 عاما، ولا تعبأ الاستمارة لمن لديه زوجة إلا إذا كان مطلقاً أو زوجته متوفاة أو بها عاهة أو مرض يحول دون المعاشرة الزوجية ويثبت ذلك بتقرير طبي. وعلى السعودي إرفاق صورة من صك الطلاق إذا كان مطلقاً ومضى على طلاقه ستة أشهر، و إذا كانت المخطوبة غير السعودية تقيم داخل المملكة فعلى الخاطب إحضار صورة من إقامتها سارية المفعول، كما يجب على الراغب في الزواج إرفاق إثبات يؤكد أنه يعمل، ويوضح مقدار دخله الشهري.

يجب ان تكون لديها اقامة يعني تحول الزيارة الى اقامة وهذا ممكن بشروط راسلني على الخاص

لا حول ولا قوة الا بالله
الناس وين وانتم وين..خافو الله ..هؤلاء تشردو من بلادهم بسبب الجوع والحرب والدمار ... وانتم واحد يقول غير متكافأ واحد يقول بتذبحك واحد مدري ايش ..على اساس انكم من سلالة الانبياء والناس الباقيين من حشرات الارض
اقول راقبو الله حتى في كلامكم .
لان الله يعلم ومطلع ولايخفى عليه شئ

(تم الحذف بواسطة الإدارة)