عندي استفسار عن -(( الوحام )) +18 للمتزوجين فقط

قبل 11 سنة

السلام عليكم ورحمة الله وبركاته . .


هههههههههههههههههههههههههههههههههههههه
ادري كل الي دخلو عزابيه ( مشكله اللقافه )


. .
انا عندي موضوع صغير ويجهله كثير من اخواننا المتزوجين إلا وهو الوحااااااااااااااااااااااااااااااااااام >> طولته لاونه بعض الاوقات يصير كارثه .

المهم ومالكم في الطويله .
انا تزوجت ولله الحمد قبل فتره والحمدلله عايش حيااتي من احسن ما يكون مع زوجتي ( يارب يوفقني انا وياها ويستر علينا ويحفظنا ) .
والحمدلله ربي رزقنى بحمل . . ومع الفرحه والسعاده . مر الشهر الاول والثاني على خير والثالث على خير . وعلى بداية الرابع او قبل ماينتهى الثالث . .. . تصير الكارثه ( ( ( ( زوجتي تكرهني ) ) ) ) ؟ ؟ ؟؟ طبعاً استغربت استغراب عجيب . .
والله رحت قريت عليها ووديتها وجبت لها شيخ قلت اخاف انه عين او سحر او مس . . .. مدري عاد وش صار ويا الشيخ لكن قالي انه ( وحااام وكان فيها مس من قريبه والحمدلله طلع ) . وبقى مع الوحااام . .


استفساااري للشباب والي جرب معاناتي . . .
هل الوحاااام يسوي هذاا . الكره بين الزوجه وزجها . وكم يطول .
لاني والله مابي اظلم زوجتي بقرار اتخذه واظلم نفسي او اظلم الي حولي .
فجأه تكرهني زوجتي من قبل يوم او يومين كانت والله تعشقني عشق والحمدلله .
ما ادري وش اسوي لكن قلت اسأل الشباب .. يمكن يعرفون اكثر مني .


سؤال ...

ماهي اعراض الوحام وكم يطول .( حتى الان صار لها شهر ونص . على هذي الحاله ) تكرهني كره مش طبيعي كانني قاتل ابوهااا ومعذب امها هههههههههههههههه <<< تشبيه عالمي .



وآسف طوولت عليكم .
بس كتبت الموضوع ليعم الفايده للجميع ومابي احد يتخذ قرار يظلم فيه نفسه او يظلم فيه زوجته بسبب الوحام . .

عندي استفسار عن -(( الوحام )) +18 للمتزوجين فقط
عندك أي منتج؟
الكل: 32

اخي الكريم
في الوحام تزيد حدة حواس المراة
فتزيد حاسة اللمس وحاسة الشم لديها
نصيحة تغير عطرك واكثر من الاستحمام وحافظ على النظافة
وبالتوفيق

هلا بك اخوي
شي طبيعي في هالفتره من الحمل يصير وحم للزوجه تختلف درجة الوحم من زوجه لاخرى ويمكن تتوحم على الزوج و تكرهه واحد يقول لو اتصل عليها مجرد اتصال ترجع طوالي ( ترجع الاكل )
وكل ما كان الوحم قوي واعراض الحمل متعبه راح يطلع ولد او بنت مثل القمر

احسن شي توديها عند امها في هالفتره
و انت تحجز على كولالمبور هههههه امزح

بس كويس تبعد عنها في هالفتره عشان تاكل كويس عند اهلها

اعصف بذاكرتك شوي للوراء.. وفتش فيها بين حلقات المسلسل الأسطوري طاش ما طاش.. رح تحصل حلقة كانوا جايبينها عن الوحام هذا.. والمبدع الرائع واللمسة الفنية القصبي ( فؤاد ) يجيك بخشته هذيك وحرمته تكون حامل.. وريحتك يَ فؤااد!! ومدري ايش شكلو يَ فؤااد!!

يَ ولد تشم ريحته قبل يخش البيت!!

تعامل مع الموضوع برفق.. وزيما نصحك أحد الاخوان.. خليها تظل فـ بيت أهلها كم يوم.. وأزمة وحتعدي.

دمت بود

أخي الكريم الوحاااام شي عادي ويصير لكل الحريم ، واللي تتوحم على اكل او تشتهي اكله معينه وكل وحدة تمسك معاها على شي وهذا شي طبيعي ...

وعكس قصتك تماما احد الزملاء توحمت زوجته عليه لدرجه انها تاخذ فنيله له كل يوم معها للكليه وتجلس تشمشم فيها ، وبرضوة تضايق هو من هالشي ..

ولكن نهاءية والحل الوحيد ، أصبر وطول بالك ولا تشيل عليها في قلبك شي ترى هذا شي ماتستطيع المرأه ان تتحكم فيه ، والحمد لله اللي ماخلاني نتوحم حنا يالرجال والا كان علوم..

وطول بالك وعطها جوها وكبر دماغك بس لين تالد وبترجع الامور اكثر من اول وبالعكس بترجع ترحمك الحرمه لأنها قست عليك من دون قصد وانت تحملتها وصبرت لانك تغليها وهي ام عيالك ..

الله يوفقك

الله يجزاكم خير اخواني
والله كل رد اقراه ارتااح زياده .
لاني والله ما ادري وش اسوي لدرجه >> تطلب الطلاق . . المشكله تسـألها او امها تسأله عن السبب تقول اكرهه ... . طيب ليه تقول ما ادري من الله اكرههه .


لكن صبراً جميل والله المستعان .

ربي يحفظكم ويخليكم اخواني

طووووول بالك وقل الحمد الله اللي خلقنا رجال نزن الامور بالعقل والعصمه بيدنا وربك له حكمه في كل شي ...

طول بالك وبسيطه وتراها ام عيالك وتستاهل الصبر ...

ربي يوفقك اخوي kfturki

. . والله احترت معاها بس بعد كلامكم ان شاء الله خير . . وادعولي . . ..

اعرس عليهاا ...

هههههههه بمزح معك .. زي ماقالووو الشباب الصبر

عضو قديم رقم 312043
قبل 10 سنوات و9 أشهر
9

ياخي حاجه طبيعيييييييه
نصيحتي الوحيده لك وديها بيت اهلها
واذا شفت الموضوع زايد معاها اثقل شوي وابعد الين تروح هالفتره منها
وبعدين هي بتدور لك
بس الاااااان توديها عند اهلها

والله هي عند اهلها لها شهر . .
قلت اذا جلست عندي اخاف اسوي فيها شي .
.
.
يلا دعوااتكم . . . .

اخوي /arb412
والله فكره حلووه هههههههههههههههههه لا لا ما استغني عن زوجتي > > >

عضو قديم رقم 313895
قبل 10 سنوات و9 أشهر
11

عادي واقل من عادي
في فترة الحمل تكره طيبك ووتضايق منه ومالها نفس بالجماع وتخاف منك وطبعا هالاعراض تختلف من حرمه الاخرى
ومثل ما شارو عليك الشباب ارسلها عند اهلها لين تخف الاعراض واتوقع عابداية السادس

عضو قديم رقم 327138
قبل 10 سنوات و9 أشهر
12

كان الله في عونك

أنا وديتها عند أهلها ومن قوى الوحام تتصل ع جوالي تقول ماابيك >>>>ماصدق
وبعد فتره رجعت الأمور مثل اول وافضل لدرجة أقول اوديك اهلك وترفض

بالتوفيق حبيبي والله يرزقك بالذرية الصالحة

اخوي /كنترول2013
والله نفس الحاله واكثر > > > > > انا ما اصدق بنس منصدمممم . .

لكن عسى خيرررر . . . .

عضو قديم رقم 227898
قبل 10 سنوات و9 أشهر
14

من جد ياصبرك عليها يا اخي البنت ماتبيك ولاتطيق ريحتك انت ليش
صاير لها لصقة الأسد , اتركها في سبيلها وخلها تشوف نصيبها مع غيرك

طبيعي اخي طبيعي

اخوي / 14. : بروزاك


>> مكتوب عنوان الموضوع فوق .... للمتزوجين وفوق +18

الصبر طيب

كل الناس تعاني من الوحام ولكن المسألة تختلف من مرأة إلى أخرى وتختلف المدة أيضاً

تمضي الأيام سريعاً وتعود المياه إلى مجاريها

هذا شيء طبيعي نظرا لتغيرات الهرمونات وبالتالي يحصل معها أشياء من الكره أحيانا للبيت واحيانا للزوج واحيانا تمسك غلط تقولك ابي جح في عز الشتا وآلا ابي رطب في الشتا لا تستغرب ولا تصدق إذا قالت اكرهك
هي تمر بمرحله تغيرات بسبب الحمل

افضل حل خلها عند أهلها الين تقولك تعال

أخي الكريم الصبر ثم الصبر فهي حالة طبيعية تتبع تغيرات داخلية بجسد المرأة بسبب الحمل
ارح عقلك من التفكير ولا تتخذ أي قرار تندم عليه بيوم من الأيام أشد الألم
وعن تجربة أقول لك سوفة يستمر ذلك الوحام بالكره لك إلي أن تتم الولادة ويوجد حالات نادرة
تنتهي بعدة أشهر ,, فقط عليك بالصبر وتركها ببيت أهلها إلي تتم ولادتها بخير بإذن الله تعالي
وبعد ذلك ستعود علاقتكم كالسابق وأكثر وبالتوفيق أن شاء الله والله يرزقك بزرية الصالحة

حسيت اني في منتدى بنات حواء
اسأل اهل الاختصاص الله يصلحك
قبل تشمك المدام على انك ريحة كنداسة ثم تبلش وقتها

أضف رداً جديداً..