احلم في ان امتلك مغسلة سيارات كل من فيها سعودي

نعم قرائت قصه للراجحي انه كان يجمع الرماد من البيوت لانه يستخدم في البناء وقتها وكانو اصحاب المنزل مايعطونه مال بل كانو يطلبون منه ينضف منزلهم
الان حجم ثروة عائلة الراجحي بتقديري مايقل عن 100 مليار ريال
وليه مايكون اعلى طالما موجود مثابره واخلاص وعدم تكبر
تحياتي

مع احترامي للجميع، قصص الراجحي وغيره من الأثرياء لا أصدقها بتاتاً ، حاولت أصدق بس ماعليش كنا زمان نصدق، ولمن عشنا وجربنا عرفنا انهم كانوا يفلقون علينا ...

صنعةفي اليدامان من الفقروامان من المذلةللاخرين والعمل الشريف افضل ملايين المرات من السطوعلى المحلات وسرقة البنوك والسيارات فليشاهدني العالم وانااغسل سيارات ولاينشرون مصايب السرقة والنصب والذي يشيب الراس منه قدوتنامحمد وسائرالانبياء عليهم الصلاة والسلام

احلم ؟؟؟؟

يعني ذابحك الفقر وكل ماحلمت كتبت حلمك في موضوع يعني بالعربي ماعندك سالفة لا وتبغى ناس يشاركونك ويشتغلون عندك هههههههه هزلت

الشغل ماهو عيب شوف شباب الاحساء يشتغلون اي شغلة مايستعيبون شي

ومثل ماتفضل اخوي rzga
حنا بلد غني ومبسوط ماديا كيف نلجأ لهذه الاعمال ودولتنا غنية

شوف الاجانب يجون عندنا بشهادات مزورة وياخذون اعلى الرواتب وهذا اللي يقهرك

ولكن ((( الطاااااسة ضااااايعة ))) ومافي امل نلقاها

انا بشتغل عندك فتره مسائيه من بعد العصر ابي 4 الاف راتب

المسأله ماهي مسألة أنك توظف سعوديين

المسأله أن السعودي ماراح ينتج لك مثل الهندي او غيره من الاجانب او التكارنه الافارقه

وزياده على كذا السعودي يبي له 3 او ا4 او 5 الاف علشان يشتغلها

أما الاجنبي تلاقيه 1500 ريال ويشتغل من 9 الصباح لين 12 الليل = 16 ساعه !

هذا هو الفرق ببساطه

بلاكبيري ... كل واحد يتكلم عن نفسه
ببساطه ...

انا مع رد 25
ومالي الى ابيض وجهك
مأقول الى عسى الله يوفقك

انا لو بالشرقيه كان انضمت معك مو طمعا بالراتب او غيره وماعندي مشكله لو اشتغل ببلاش اذا كانوا الشباب اللي معي طموح ومتعاون وعملي فقط ابغى اغير فكره الناس عن السعودي والاحساس بجو العمل الجماعي للي ماجربه ماراح يعرفه

حنا عرب وعيال شيوخ من الجاهليه الولى تبيني اخر الزمن اتدنى لا والف لا
روسنا ماتنحني لوتنحني لحظه دعسنا علياه بنعولنا

الحين ليش وزارة النقل ماتعطي تصاريح بالنقل بحافلات كبيره للشباب ، فيها خير كثير جداً جداً

في الرياض بحاجه للحافلات ولو الف حافله ماغطت الرياض

ملاحظة :
زمان ايام كنا صغار .. كنت استمتع لما اغسل سيارتي بنفسي .. والله العظيم ..


امس كنت اغسل سيارتي في محل غسيل سيارات ...
وقفت عند المحل بالضبط انتظار نصف ساعة ( ماعديت السيارات اللي انغلست للامانة )
ولكن بعد مادخلت السيارة للمغسلة جلست ..
وجات في بالي ليش ما تكون المغسلة هذه لسعوديين .. واللي يغسلون سعوديين
والله انه مشروع ناجح .. خاصة .. انه خلال نصف ساعه غسيل سيارتي كانت توجد
تقريباً 12 سيارة مابين غسيل و تمسيح ..
بمعدل 25 ريال للسيارة ( مع اختلاف احجام السيارات )
25*12 = 300 ريال في نصف ساعة ...

يعني اتوقع والعالم الله على مدار اليوم كامل يكون الدخل متجاوز 5000 ريال
ومتوسط طوال الشهر - يومي 3500 * 30 = 42 الف ريال
يعني مشروع ناجح جداً


وممكن تعمل دوام جزئي للموظفين السعودين من الساعه 5 العصر الى الساعه 10 مساء
والله بتلاقي ويلاقوا خير ان شاءالله تعالى


ملاحظة هامة جداً :

عن نفسي .. احاول دائماً دعم الموظف السعودي في اي مكان ادخله
خاصة المطاعم والاسواق .. اذا البائع سعودي اتجهه له واترك الاجنبي
وادفع بقشيش لهم خاصة لما يكون المحل حاطين كوب البقشيش عند الحساب ..
دعم للموظفين السعوديين ..... لذلك احرص اخوي على دعم اخوك وابن بلدك السعودي
وشجعه على العمل ... وحتى ان كان العمل مؤقت ... فلا يجلس في البيت وينتظر حافز
لانه اذا توظف الشاب زاد الوعي لديه وتقل اللامبالاة عنده ...

لجعل مثل هذا المشروع ناجح . . اقترح عمل المغسله مساهمه بين الشباب بحيث يشعر هذا الشاب ان المشروع ملك له وهو.جزء لا يتجزأ منه
وبالتالي يعمل مرفوع الراس وهذا المشروع مثله مثل اي مشروع اخر يعني مثل فتح مقهى او.مطعم او مصنع فما الفرق ? !
اما عن موضوع الزواج فالشاب ان كان متعلم وجامعي فيستطيع بعد فتره ولنظرة المجتمع القاصره . . ان يغير مهنته بعد ان يكون قد استفاد ماديا وتعليميا بشئ جديد عليه
فبعدها يستطيع ان يعود الى وظيفه مع بقاء هذا المشروع او تسليمه لشاب اخر ليستفيد من التجربه