جميع الحقوق محفوظة ©
[ يا فرحة ما تمت ]
قدر الله و ما شاء فعل .. والإنسان ما يدري وين الخيرة فيه ..؟!
والحمد لله على كل حال
السالفة و ما فيها
شريتها قبل ما تقفل الوكالة عشان اجازة الحج ب 3 أيام تقريباً ، و من يوم طلعتها وانا أسمع أصوات فيها عند كل حالة وأنا واقف يطلع صوت طقطقه غريب .. وإذا وصلت 100 ك يطلع صوت ونه ..وفيها رجه خفيفة ..
وبعد فيها رجة خفيفة ويتحرك الامبير حق الضغط وتهتز السيارة وهي واقفه كأنها مشكلة بواجي ..فيها ضعف بالعزم وصعوبة بالاستجابة
فيها حنه إذا جيت أشغله .. مع إني ما أعلق على السلف ، وحتى لو شغلتها بالريموت تطلع ..
وأكثر شي ضيّق صدري ، صوت يطلع من المكينه ، صارت تحسسني إنها سيارة قديمة
خل كل هذا كله على جنب .. السيارة يوم دققت فيها لقيت إن الصدام الأمامي مركّب وهو مايل ..!!
أي أن قاعده الصدامة مايله ، وش معنا هذا ..؟ يعني جايها ضربه !!
المهم وديتها لهم الأحد الماضي يعني قبل أسبوع وكان المقرر أن تطلع الخميس بالكثير !!
وكانت ماشية 2120 كم وعطيتهم كل المشاكل إللي فيها إللي هي 8 مشاكل أو 9 مشاكل
وكشف على شيئن إلى الأن وهما ..الأول (هذا بسيط) الكفرات يبي لها تغيّر !!الثاني ( الطامة) الدفرنس عطلان !!
طبعاً انا قفّلت معي ورحت لهم ، قلت السيارة ما أبيها ، يا آخذ فلوسي وإلا استبدلوا السيارة قالوا ما فيه استبدال ..السيارة خربانه نصلحها على الضمان وبس ..حتى انهم ما راح يغيروا الدفرنس !!
يقولون ممكن إنا نغيّر كل القطع اللي جوا ..! بس الدفرنس لا..
الأن ما فحصوا إلا مشكلتين وطلعت هالنتيجه ، أو بالأصح (هذا إللي قالوا لي بس) وهي كافيه إني أطالبهم بتغيير سيارتي ..مع الأسف ما وجدت أي تجاوب معهم .. والمشكلة الثانية يوم قلته لهم عطوني التقرير إللي يدل على ان سيارتي دفرنسها عطلان قالوا لا ممنوع !!
أكثر شي رفع ضغطي يوم رحت لأحد المدراء في قسم الخدمة بالجميح وكان سعودي وكنت متفائل في وجهه بس طلع خيبه ، وقلت له ان سيارتي من يوم استلمتها وهي كلها أصوات وطلع فيها دفرنس عطلان ومصدومه وعدله تعديل مش حالك و غير المشاكل الثانية ..
رد علي بكل بروده وقال / هذا حضّك ، أنا شاري 7 سيارات من الجميح وكلها سليمه
وبالنسبة للدفرنس نوضبه لك ما عندك مشكله !!
بالله هذا رد عاقل !!
يعني انا شاري سيارة جديده عشان أصلح فيها وتخرب علي كل شوي !!
حسبي الله عليه ، الله يبلاها هو وسياراته السبع ..
----------
وآخر خبر عنها هو إن أمس دق علي المهندس إللي ماسك سيارتي
و قال انه فك الدفرنس وصلحه وكان يبيني أجي أجرب السيارة عشان أتأكد إن الصوت راح أو لا ..
قلت له من سمح لك تفتح الدفرنس وتشتغل فيه ..؟
رفع ضغطي ..
سألته عن المشاكل الثانية قال حبه حبه عشان نطلع لك السيارة زي الفل.. حسيت اني شاري سيارة مستعمله ..!!
.. وصدق من قال ، من عاش مع قوم 40 يوم صار منهم
وأخيراً نسيت أقول لكم إن الوكالة هي [ الجميح ]
و أسأل الله أن ييسر لي ولكل مسلم أمره ..
في هذا الشهر الفضيل .. وبعد مرور عامين تقريبا على الموضوع .. أدعوا الله .. اللهم انتقم من الجميح وجميع وكلاء السيارات الخونة منهم .. صارت لي مشكلة معه عام 2000 كرهني في سيارات جنرال موتورز المتوكل عنها .. الله لايوفقه ولا جميع موظفينه واعوانه الخونة .ز حسبي الله عليهم .. الله ينتقم منهم شر انتقام .. القصة طويلة لكن يكفي ان اشير انها تتعلق بالتساهل في ارواح الناس .
آمين يا رب
الله يغنينا عنهم وينتقم منهم
الله يغنينا عنهم و أسأل الله أن ييسر لي ولكل مسلم أمره لاحول ولاقوة الا بالله
حسبي الله عليهم , كله كوم وبيع السيارة مستعملة على انها جديدة في كوم.
انا ماخذ سيارة من المتحدة قبل ثلاث شهور وتوني اكتشف ان السيارة ماشية 10000كم زيادة!!
الله باغي يفضحهم الحمير تكرمون مصفرين العداد وما صفروا عداد النافيقيشن (الخرائط) ومكتوب فيه 21000كم وعداد سيارتي 10000؟!
الله يستر منهم ومن غثاهم المشكلة ماخذ السيارة وقت تصفية وشريتها على انها جديدة. نشوف ان شاء الله يبدلونها بجديدة مع اني داري انه حلم ابليس بالجنة.
وبصراحة موضوعك كان مفيد بالنسبة لي وكان عندك نصايح زود لا تبخل علينا
السلام عليك جميعاً الموضوع قديم جديد.. ابشركم الله رزقنا بوزير تجارة موفق.. الحين الوكلاء والتجار مرتعبين..واسبح الزبون له صوت وكلمة..اي مشكلة لا تتردد اشتكي عليهم عند الوزارة وهناك ارقام خاصة بذلك.. الان مافي محل يستطبع ان يرفض الاسترجاع وبالايام وليس ساعات..
الوزير قفل محلات ووكالات سيارات..آخرها اصدرك قرار على جميل القبيح بتقديم خدمات وضمان مثل التي تقدمه الشركة لعملائها في كل مكان عاندهم ورفض ولا يرد عليهم مما اضطر الوزير استصدار توجيه سامي بالتنفيذ او يغلق ولتبحث تيوتا عن وكيل آخر :) ياسلام على العدل وتطبيق ديننا الحنيف..الملك هو هو وحكامنا هم هم ما تغير شي الا الوزير اذاً راس البلاء عؤلاء الوزراء واشكالهم اللع انتقم لنا من كل ظالم وابرم لهذه الامة امر رشد يعز فيه اهل طاعتك ويهدى فيه اهل معصيتك ويذل فيه المفسدين..
